Proveb 18:3 - Buka Blahi Ka Cheke Holo

³ Nakhibo na mei ului, eghuteuna mamaja na mei ke leghu. Famamaja ikno na mei ului, eghuteuna haimi mamaja na mei ke leghu.

Proveb 18:3 ပူးပေါင်းရင်းမြစ်များ

Proveb 22:10

Ki teini mae te magnahaghei cheke fadiꞌadi keha mae na. Faripholai na ginauna gnafa, magra na ginauna gnafa, eghuteuna cheke diꞌa na ginauna gnafa.

Ululahu Pita 4:14

Kate cheke fadiꞌa ghami naiknore naugna te leghuni ghotilo mae Kraes na, ghotilo keli tami kolho. Naugna mae Tharunga te Blahi na auhi balumi ghotilo. Mana neke mei funu ka God nei mana au nolaghi biꞌo.

Proveb 29:16

Kate baubatu mae te diꞌa puhigna na, puhi te diꞌa na ginau heta fara. Nu mae te diꞌa igne na theome au raugha, eghuteuna naikno te doglore ginauna filodi mare te khoko pari na.

Proveb 11:2

Naikno te pala hagheni nanghagna thegna na, ginauna thokeni mamaja biꞌo. Nu naikno te autagna gaoghatho te keli na nhaꞌa faparini thegna.

Ululahu Pita 4:4

Nu gognaro na ghotilo theome tangomana te edi nafnata puhi te diꞌa baludi iheire te theome fatutuani ni God ra. Eghuteuna mare jaglo nodi fara ka igne, eghume gognaro na mare chekedi kmana nafnata glepo te diꞌa eimi ghotilo.

Nodi Khoje Hatimare Mae Jiu 69:20

Nodi cheke mare te diꞌa fara igre, thofno goigonini fara gaoghathogu iara na. Eghuteuna gaoghathogu iara na thofno glaꞌe soru gognaro na. Iara ofoni kolho ihei te kokhoni ghau na, nu theo kaisei.

Nodi Khoje Hatimare Mae Jiu 69:9

God, leuleghu fata na iara thono ghatho tahuni fara nou Sugablahi iagho gne, eghuteuna leuleghu fata na gaoghatho igne loku fabrahu ke lamnagu iara jateula khaꞌaghi eghu. Thua cheke te diꞌa te edi mare ranghi nigho iagho igre, fadiꞌa ghau iara.

Nehemaea 4:4

Aonu iara ne tarai eghu, “God, fanomho mei ka nogu tharai iara gne. Mae igre thofno filo fapari ghami ghehati. Iagho figri cheke te diꞌa te edi mae Sanbalat ghe mae Tobaea igre mala ke soru ke klignadi thedi. Te keli na iagho snakredi mae naokare mala mei mare khi fajifladi ka nodi namonore mala tei au mare ka keha kantri delei.

Ululahu Samuel 20:30

Nu mae Sol ne thono diꞌatagna fara ka mae Jonatan ne cheke eghu, “Iagho thugna idomu te diꞌa fara puhigna na nei huhughu fara teu igne. Iara gognarona thofno lase nigho iagho te thofno fofodu fara ka thugna mae Jesi igne! Iagho fadidiꞌa nanghamu na balugna nanghagna idomu na!

Proveb 18:2

Naikno te fameomekro na theome magnahagheni gaoghatho te keli na. Nu magnahagheni kolho te cheke fajiflani unha te ghathoni thegna na.

Proveb 18:4

Nogna cheke mae te lalase na fodu ka gaoghatho te keli, nogna cheke mana igre jateula glokha khoꞌu ra eghu.

Proveb 13:5

Mae te doglo na theome magnahaghei te edi thua nafnata cheke te chaichaghi re. Nu mae te lase chaichaghi na mana tangomana te famamaja ikno na.