Proveb 18:24 - Buka Blahi Ka Cheke Holo

²⁴ Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.

Proveb 18:24 ပူးပေါင်းရင်းမြစ်များ

Proveb 17:17

Kheramu iagho na namha nigho iagho fabrahu. Eghuteuna thabusimu na togho nigho ka vido te ninhigrana.

Proveb 27:9

Insens nei famane oel teu igre tangomana te fagleꞌa nigho na, nu khetomu na ginauna fagleꞌa nigho salaꞌui.

Fapea Samuel 1:26

Iara tanhi nigho thabusigna Jonatan. Nou namha iagho ranghi ghau iara na thofno biꞌo fara salaꞌuni te namhani gaꞌase na.

Fapea Samuel 21:7

Nu mae Devet neke ghathoni teke nhaꞌa cheke phiamare Jonatan thugna mae Sol ke ulugna Lord tifa igne ne fakarhini mae Mefiboset thugna mae Jonatan.

Fapea Samuel 16:17

Mae Absalom nomhini igne ne cheke eghu ka mae Husae, “Ei, iagho kaisei kheragna keli mae Devet. Naugna unha sagho te theome tei balugna mana gnea?”

Proveb 27:10

Iagho thosei ghatho ihodi kheramure. Kate thoke mei hoholo na, thosei tei ka vikemure. Naugna kheramu iagho te au balumu teu igre thofno uludi fara vike te au delei are.

Ululahu Samuel 18:1

King ghe mae Devet ne toutonudi unha teke edi mae Devet re. Funu ka narane igne, mae king ne theome snakreni mae Devet teke figri ka namono gna na, naugna mana magnahagheni mae Devet te loku ranghini. Ka vido tuana mae Jonatan thugna mae Sol igne fofodu fara balugna mae Devet jateula kaisei thabusigna eghu.

Ululahu Samuel 18:3

Mae Jonatan ne eni kaisei nhaꞌa cheke balugna mae Devet mala theome gnafa phiamare nodi namha na.

Fapea Samuel 15:21

Nu mae Itai ne cheke eghu ka mae Devet, “Ka nanghagna Lord mae ihei te karha te tifa, eghuteuna iagho mae ihei te mae king gna Israel, iara thofno nhaꞌa cheke kate tutuani. Namono aheva te tei iagho na, neuba iagho ne tei karha ba lehe, iara ginauna tei balumu.”