Proveb 18:21 - Buka Blahi Ka Cheke Holo

²¹ Glapi na tangomana te falehe nigho ba fakarhi nigho. Nu jame te reireghi fakelini iagho glapimu na, iagho ginauna na theome lehe.

Proveb 18:21 ပူးပေါင်းရင်းမြစ်များ

Efesus 4:29

Kate cheke na, ghotilo thosei chekeni kaisei cheke te diꞌa. Nu te keli na, chekeni ngala unha te nabagna te mala nomhini naiknore, eghuteuna nomi cheke ghotilo re ginauna tangomana te toghodi naikno te fanomhore.

Kolose 4:6

Leuleghu fata na nomi chekere mala keli nei doglo eghu fabrahu te mala toghodi keha naiknore. Eghuteuna God ginauna togho ghami ghotilo te mala tangomana te cheke tughu ka puhi te doglo ka naikno te gnafare.

Proveb 10:31

Nogna cheke naikno te doglo na mana chekeni gaoghatho te keli na. Nu mare ginauna korho fajifla glapi gna naikno te chaichaghi na.

Proveb 12:13

Mae te diꞌa na khale ka nogna cheke thegna te diꞌa na. Nu puhi biꞌo na theome thokeni mae te doglo na.

Profet Isaia 57:19

Neuba ghotilo ne tei au kate khaba, ba au kate namo, iara magnahaghei ghami ghotilo te au ka pharikeli. Uve, iara ginauna togho ghami ghotilo mala ke pulo mei.

Proveb 11:30

Puhigna mae te keli na, fakakhana nakarha te keli na. Eghuteuna ihei te autagna gaoghatho te keli na, toghodi keha naiknore mala athini karha na.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Fapea Korin 11:15

Eghume theome jaglo noda kate fariuriu nogna mae gloku Satan re te eni kaisei glepo biꞌo te mala jateula mae gloku teu te mala loku eigna unha te doglo na. Nu ka narane leghu lahu na, mae khuru chaichaghi igre ginauna au ka fate nabagna unha teke eni mare na.

Fapea Korin 2:16

Ka iheire te snivi fabrahu re, sisiri igne siri diꞌagna fara, eghuteuna hata mei glehe ka mare. Nu ka iheire teke fakarhidi God re u sisiri igne thofno keli fara eghuteuna hata mei karha ka mare. Eghume ihei te nabagna na gloku igne?! Iara theome nabagu!

Proveb 21:23

Ihei te ghaoghatho fakeli ka nogna cheke na barani thegna ka puhi biꞌo.

Profet Isaia 3:10

Ghotilo cheke ka iheire te leghuni puhi te doglo na, eigna Lord ginauna fablahidi mare, naugna mare ne edi glepo te kelire.

Profet Hosia 10:13

Nu ghotilo joꞌu fabrahu puhi te diꞌa na. Naugna igne sisi te diꞌa na ure ka nagnafami ghotilore. Eghuteuna ghotilo boho kolho ka nomi cheke themi te chaichaghire. Kate filodi te kmana nomi soldia re, ghotilo rouronu ka nomi nolaghi themi.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”