Proveb 18:16 - Buka Blahi Ka Cheke Holo

¹⁶ Jame te magnahaghei mei filoni iagho kaisei mae biꞌo na, iagho hata mei kaisei namha ka mana, mana ginauna kelitagna te mei iagho te filoni mana na.

Proveb 18:16 ပူးပေါင်းရင်းမြစ်များ

Proveb 19:6

Kmana mae lase cheke famaemahe ka mae funei. Mae te kmanare magnahaghei fofodu ka mae ihei te tufa namha na.

Jenesis 43:11

Aonu mae Jekop mae kmadi mare na ne cheke eghu ka mare, “Jame te eghu na, ghotilo na eghu agne. Hohono fafodu ka nomi gloi are keha gano te ulu fara ka namonoda tahati gne mala hata tei e namha ka mae funei na. Keha meresin, keha jurukuli, keha mur nei phei nafnata sitha te kiloni mare pistasio nei almond eghu.

Proveb 17:8

Keha naiknore te ghathoni na te tufa sileni keha naiknore na mala atha unha glepo te magnahagheni mare na eghu. Mare te ghathoni na igne ginauna loku leuleghu fata.

Ululahu Samuel 25:27

Iara atha mei keha glepo ka iagho funei maladi nou mae soldia iagho gre.

Jenesis 33:10

Aonu mae Jekop ne cheke eghu, “Theo! Thabusigna, te keli tamu iagho ka iara na, iagho hata glepo te tusu ari iara ka iagho are. Kate filodi iara tathamu nei foflomu teu iagho are, iara gne jateula te filodi eghu tathagna nei foflogna eghu God, naugna iagho ne keli tamu fara ka iara.

Jenesis 32:20

Ghotilo mala cheke eghu ka mana, ‘Uve, nou mae gloku iagho Jekop na ke leghumi ghehati mei!’ ” Mae Jekop ne cheke eghu ka gaoghathogna thegna na, “Ka puhi igne mae thabusigu iara na ginauna na ke ghatho ihodi teke diꞌatagna ka iara ra. Eghuteuna ka te thafo ghau iara na, mana ginauna nake keli tagna ka iara eghu.”

Proveb 21:14

Jame kaisei mae diꞌatagna ka iagho, iagho tufa glepo ka mana kate theo kaisei naikno te filo nigho na. Eghuteuna diꞌatagna mana igne ginauna hui.

Ululahu Samuel 16:20

Aonu mae Jesi nomhini igne ne atha keha nanigot majaghani, keha bret nei kaisei duku guli nanigot te fodu ka waen ne luja ka dongki na ne tei balugna mae Devet ka king.

Proveb 18:17

Kate kegra kaisei mae te cheke ka fate na, keha naiknore te ghathoni na ne ginau uluni mana fate gne eghu. Nu kate ghusnani mare mala lase fakelini cheke igne teuna, mare theome laseni ihei te uluni fate igne.

Fapea Kings 5:5

Eghuteuna king gna Siria igne ne cheke eghu, “Uve, iara ginauna rioriso kaisei letas mala hata tei iagho ka king gna Israel.” Mae Naman hata nogna letas king igne, eghuteuna mana ne hata thilo gobi phiatutu kilo silva, eghuteuna fitusalei kilo gol, eghuteuna nabotho famane pohe eghu ne tei balugna.