Proveb 17:28 - Buka Blahi Ka Cheke Holo

²⁸ Iagho laseni, neuba mana ne fameomekro, te ghathoni mare na mae igne autagna gaoghatho te keli nei glalase eghu jame te theome cheke mana na.

Proveb 17:28 ပူးပေါင်းရင်းမြစ်များ

Thoutonu Eigna Mae Job 13:5

Jame te theome cheke ghotilo na, keha mae jau gaghathodire ne mae glalase ghotilo eghu.

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Eklesiasti 10:14

Mae te theome autagna gaoghatho te keli na khuru vese fara. Tahati theome laseni unha nate thoke mei nathuꞌu nauriha na. Eghuteuna tahati theome laseni unha glepo nate thoke mei ka nauthoglu igne kate lehehi tahati na.

Eklesiasti 5:3

Kate nanganou fara na, iagho ginauna filodi kmana mifi te diꞌa. Eghuteuna kate cheke te brahu na iagho ginauna na tharuma cheke jateula kaisei mae te fameomekro eghu.

Eklesiasti 10:3

Kate tei mae te fameomekro igne ka nabrou na, naiknore filo glani puhigna mana na, mae igne theo kaisei gaoghatho te keli ka mana.

Proveb 18:1

Mae te ghamu nhoto na ghathoni thegna kolho, eghuteuna mana tirognani gaoghatho te keli na.

Thoutonu Eigna Mae Job 32:16

Thilo mae igre theo kaisei glepo nate chekeni na, eghume iara theome tangomana te fiti kegra ofo teu kolho na.