Proveb 16:9 - Buka Blahi Ka Cheke Holo

⁹ Tahati tangomana te ghathoni unha te magnahagheni na. Nu Lord saghe leghudi puhida tahati re.

Proveb 16:9 ပူးပေါင်းရင်းမြစ်များ

Proveb 19:21

Naiknore tangomana te gaoghatho te mala edi kmana nafnata glepo. Nu glepo te ghathoni Lord mala eni teu igne ngala nate kegra na.

Nodi Khoje Hatimare Mae Jiu 37:23

Kate filoni Lord puhigna kaisei mae te doglo fabrahu na, mana na sagheleghuni naikno tuana ka nabrou te doglo.

Proveb 16:1

Naikno na tangomana te ghaoghaho ka nagnafagna na. Nu Lord kolho tangomana te chekeni uve teuna.

Proveb 20:24

Lord na lasedihi puhidi naikno te gnafa re. Nu theo kaisei naikno te thofno laseni nakarhagna thegna na.

Profet Jeremaea 10:23

Lord, te laseni iara na, theo kaisei naikno ka ghehati te naba te mala batu ghami te mala leghuni nabrou te magnahagheni ghehati na.

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Profet Isaia 46:10

Funu tifa te mei na, iara neke chekedi unha nate thoke mei na. Funu tifa na iara neke chekenihi unha nate thoke mei ke leghu na. Uve, nogu gaoghatho iara na ginauna thoke mei tutuani, eghuteuna iara ginauna edi unha glepo te magnahaghedi iara re.

Proveb 16:8

Mae te hata sileni ikoi kolho, eghuteuna leghuni puhi te keli na teuna, nakarhagna mae igne uluni nakarhagna mae te dedei nei diꞌa puhigna na teuna.

Ululahu Samuel 9:16

“Iara la filodihi nodi diꞌanagnafa nogu naikno iara re, eghuteuna iara la nomhidihi te tanhi mare ka iara mala toghodi iara teure. Nathuꞌu jateula gognarogne teuna, iara ginauna kuru ari kaisei mae ka vikegna mae Benjamin mala ari filo nigho iagho. Iagho ginauna tofa oel ka phaꞌugna mana na mala fablahini mana mala king gna Israel. Eghuteuna mana ginauna fakarhi ghami ghotilo ka nodi nolaghi maedi Filistia.”

Fapea Kronikols 22:7

Ka narane te tei King Ahasaea te sighoni King Joram igne, Lord ne vahini narane igne mala goigoni ni mae Ahasaea. Aonu Lord ne vahini Jehu thugna mae Nimsi mala aknu falehe vikegna King Ehab. Kate au teu King Ahasaea balugna King Joram igne, phei king igre tei ne thafoni Jehu.

Proveb 21:1

Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.