Proveb 16:33 - Buka Blahi Ka Cheke Holo

³³ Mae te lalahu khale te mala laseni unha te mala eni na teuna. Nu cheke tughugna na mei funu ka Lord.

Proveb 16:33 ပူးပေါင်းရင်းမြစ်များ

Proveb 18:18

Jame te theome tangomana kot te fadoglini fapholai farihoteidi phei mae biꞌo igre na, kot tangomana te lalahu khale mala laseni ihei te uluni fate na.

Mae Khuru 1:26

Ke leghugna igne, mare ne lalahu khale, eghuteuna nodi vavahi mare na ne soru ka mae Matas. Aonu mana ne kaisei mae khuru baludi nabotho kaisei mae igre.

Profet Jona 1:7

Mae te loku ka vaka na igre ne cheke eghu fari thedi, “Tahati na lalahu khale mala laseni mae ihei te eni puhi biꞌo te thoke ghita tahati igne.” Aonu, mare soru pari ne lalahu khale. Eghuteuna igne ne soru kolho ka mae Jona.

Proveb 29:26

Kmana mae tangomana te cheke famaemahe ka lida gna kantri na mala toghodi. Nu Lord kaisei ngala mae ihei te mala vahidi noda cheke tahati re te mala doglo ka tathagna mae mala fate na.

Nehemaea 11:1

Aonu ka narane igre, mae lida di Israel igre mei ne au Jerusalem, eghuteuna keha naiknore ne lalahu khale mala laseni gaoghathogna God na, tharakna aheva gne nate tei au ka namono blahi igne. Ka nabotho tharakna igre, mare vavahi kaisei tharakna mala tugha tei ka namono, eghuteuna keha nhevai tharakna re au kolho ka nodi namonore.

Josua 18:10

Eghuteuna jare Saelo ke ulugna Lord, mae Josua ne lalahu khale mala laseni rijon aheva Lord nate tusu lao ka vike igre te mala khotogna na. Igne unha te eni Josua kate tufa mana rijon igre ka fitu vike te theome khotogna kaisei glose na.

Josua 18:5

Mare ginauna tufa glose igne ka fitu nohi. Eghuteuna mare mala rioriso soru ripot eidi nohi ka vido igre, eghuteuna mala ke hata fapulo ripot igne ka iara. Iara ginauna lalahu khale mala laseni glose igne, aheva Lord noda God tahati igne te tusu mei ka vike tahati igre. Nu vikegna Juda igre ginauna auhi ka rijon ke mata. Eghuteuna vikegna Josep ginauna auhi ka phei rijon ke raru te theome au ke lamnagna nodi fitu rijon mare teke tufa ghotilo gognarogne.

Josua 7:14

“Eghume, hamerane nathuꞌu ghotilo vike te gnafara mala kafe mei kegra agne ke ulugu iara. Jame vike te vahini iara na, vike tuana nate mei kegra na. Eghuteuna kokholo te vahini iara na, kokholo tuana nate mei kegra na. Eghuteuna tharakna te vahini iara na, eghuteuna naikno te gnafa ke lamna gna tharakna tuana nate mei kegra na eghu ia.

Ululahu Samuel 10:19

Iara nomi God ghotilo eigna iara neke fakarhi ghami ka puhi biꞌo nei ka narane te ninhigrana. Nu gognarona, ghotilo theome magnahaghei ghau iara, eghuteuna ghotilo magnahagheni fara kaisei king. Eghume, ghotilo mala fofota vikemi nei tharaknami teu gre mala mei ka iara, mala vahini iara nomi king ghotilo na.”

Proveb 16:32

Mae te theome ghosei te diꞌatagna na, mana nheta salaꞌuni mae soldia te nheta fara na. Mae te saghe leghuni diꞌatagna na, mana keli fara salaꞌuni mae ihei te magra heta te uluni kaisei namono biꞌo na.

Profet Esikiel 21:21

Naugna king gna Babilonia na kegra ka fagaglana ka vido aheva te fnota nabrou na. Ka vido tuana te loku ka ghodi teu mana nogna jatare jateula giligomo eghu, eghuteuna mana cheke ka nogna mumuju god re mala laseni gaoghathogna mana na, eghuteuna mana famane filo fakeli ka khebugna buluka teke fafara ka nogna god re. Mana eni u nafnata giligomo igne mala laseni nabrou aheva nate leghuni mana na.

Levitikas 16:8

Jare Eron mala hata phei thina mala lalahu khale, ‘Nogna Lord’ kaisei eghuteuna ‘Nogna Asasel’ keha na. Eghuteuna mana lalahu khale ka phei thina igre mala laseni nanigot igne nogu iara ba nanigot igne nogna naitu Asasel te au ka namono nagou.

Jajis 20:9

Nu tahati na toreni God mala laseni ihei ka tahati nate tei magra ka maedi Gibea.