Proveb 16:18 - Buka Blahi Ka Cheke Holo

¹⁸ Fahaehaghe na mei ului, puhi biꞌo na mei ke leghu. Patugama na mei ului, uka na mei ke leghu.

Proveb 16:18 ပူးပေါင်းရင်းမြစ်များ

Proveb 11:2

Naikno te pala hagheni nanghagna thegna na, ginauna thokeni mamaja biꞌo. Nu naikno te autagna gaoghatho te keli na nhaꞌa faparini thegna.

Proveb 18:12

Jame mae te fahaehaghe te pala hagheni nanghagna thegna, ke leghu na ginauna krofu pari. Iagho theome naba te hata nangha biꞌo na jame te theome kulu nhaꞌa fapari nigho themu na.

Proveb 29:23

Naiknore ghatho tahuni mae ihei te nhaꞌa faparini thegna na, mae te fahaehaghe na ginauna mamaja nogna fara.

Ululahu Timoti 3:6

Nu mae mala baubatu na theome mae ihei teke ruma meila ka khiloau, na eghunu fahaehaghe fara mana eghu, eghuteuna God ginauna fate faleheni mana jateula teke eni tifa ka mae Satan ia eghu.

Letas Teke Riso Tei Mae Pol Ka Khiloau Rom 11:20

Tuana tutuani fara. Nu God neke kato koko grege tuare naugna mare ne theome fatutuani ni mae Jisas. Eghuteuna ghotilo mala kaisei vidogna thofno gaju oliv igne fabrahu, naugna ghotilo ne fatutuani. Ghotilo mala thosei fahaehaghe ghami eigna igne, nu fiofilo ghami eghu.

Proveb 17:19

Mae te magnahaghei fapholai na, mana magnahaghei nakhibo. Mae te magnahaghei cheke fahaehaghe na, mana magnahaghei puhi biꞌo.

Nogna Buka Esta 6:6

Aonu mae Haman ne ruma haghe lamna suga, eghuteuna mae king ne cheke eghu ka mana, “Praeminista Haman! Jame tusu lao iara kaisei nangha biꞌo ka kaisei nogu mae funei, unha glepo gne jame te tusu lao iara ka mana na?” Nu mae Haman ne cheke eghu ka nagnafagna na, “Mae ihei gne te ghathoni mae king te mala tusu lao nangha biꞌo ka mana na? Theo kaisei mae aheva nga. Kaisei iara ngala!”

Nogna Buka Esta 7:10

Aonu mare ne fagefe hagheni mae Haman ka gaju teke lisei haghe mana malagna mae Modikae teku igne. Kate eni te gnafa mare igne diꞌatagna mae king na ne hui.

Profet Daniel 5:22

“Iagho gragna mae Nebukadnesa, eghuteuna iagho lasedihi glepo igre. Nu neuba, iagho theome nhaꞌa fapari nigho themu.

Profet Isaia 37:38

Kaisei narane ke leghudi igre, King Senakerib tei ne tarai ka nogna Sugablahi nogna god Nistrok, eghuteuna phei mae thugna mana, mae Adramelek ghe mae Saresa, phia mare ne aknu faleheni mana ka naflahi. Aonu phei mae igre rikha ne tei au Ararat ka nohi te khaba fara. Eghuteuna kaisei thugna mana, mae Esahadon neke king gna Asiria.

Nogna Buka Esta 3:5

Kate laseni mae Haman te theome ghatho tahuni, nei turupuku ranghini teu mae Modikae igne, mana ne thono diꞌatagna fara.

Profet Daniel 5:24

Naugna te eni iagho igne, God neke snakre meini khamegna na mala rioriso cheke igre.

Matiu 26:74

Mae Pita ne funu tibri balu naghoni thegna, ne cheke eghu, “Tutuani fara kligna ka God! Te chaghi iara na God ginauna fate ghau iara! Iara theome laseni mae igne!” Theome raugha ke leghugna te cheke teu mae Pita igne, kaisei khokorako ne taitanhi.

Ululahu Samuel 17:42

Kate filoni mae Devet na, mae Golia ne filo faparini mana, naugna mana kaisei mae majaghani kolho. Eghuteuna mana kaisei mae famane nalhaꞌu, mae nheta nei keli fara filogna na eghu.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Profet Jeremaea 49:16

Ghotilo neke famamhaghu naikno, eghuteuna ghotilo fahaehaghe ghami themi fara. Ghotilo au ka thoa ke kligna thogele, eghuteuna gaoghathomi ghotilo na, ne karha nomihi eghu. Nu gaoghatho igne theome tutuani kolho. Neuba ghotilo ne au ke kligna thogele jateula gnoku gaghata neu, nu iara ginauna atha fapari ghami ghotilo.” Igne chekegna Lord.

Profet Esikiel 29:9

Uve, Ijep gne ginauna na kaisei namono nagou kolho, eghuteuna theo kaisei naikno nate au tagna na. Eghume mare ginauna thofno laseni te iara Lord. “ ‘Iagho cheke eghu, “Khoꞌu biꞌo igne nogu iara! Iara neke eni malagu thegu!”

Jajis 11:28

Nu king gna Amon igne tirogna au gloloni nogna cheke Jefta igne.

Profet Jeremaea 50:32

Ghotilo phaꞌu maku fara, nu ghotilo ginauna glaꞌe uka pari, eghuteuna theo kaisei naikno nate togho ghami ghotilo te mala ke kegra haghe na. Iara ginauna lilisei khaꞌaghi ka nomi namono ghotilo igne mala gnhubra fahui nomi gobigna lepo ghotilo te au faligoho ghami ghotilo igre.”

Profet Esikiel 28:17

Iagho fahaehaghe fara naugna iagho famane fara fifilomu na, eghuteuna puhimu iagho te fahaehaghe igne goigonini nou glalase iagho na. Naugna puhi igne, iara na koko soru nigho iagho pari, eghuteuna keha mae funei nei mae king teu igre mare tangomana nate filo fapari nigho iagho na.

Profet Daniel 11:12

Mana ginauna na fahaehagheni fara. Kate uluni magra igne, mana ne aknu falehe kmana thogha soldia. Nu mana ginauna na theome tangomana nate ulu fabrahu na.

Luku 14:9

Mana ginauna cheke eghu ka iagho, ‘Ghema kheraguo, iagho jifla ka sape igne mala ke mei gnokro mae igne.’ Aonu iagho ginauna mamaja nou fara kate tugha faleghu te gnokro ka sape leghu lahu na.