Proveb 15:8 - Buka Blahi Ka Cheke Holo

⁸ Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Proveb 15:8 ပူးပေါင်းရင်းမြစ်များ

Proveb 15:29

Lord na theome fanomho ka nogna tharai ihei te eni puhi te diꞌa na. Nu mana fanomho ka nogna tharai ihei te doglo na.

Proveb 21:27

God na tirognani nogna fafara mae te diꞌa na. Mana tirognani tulao jame te eni mana kate au mei gaoghatho te diꞌa na.

Ululahu Kronikols 29:17

Iara laseni, nogu God, iagho fariuriudi gaoghathodi nou naiknore, eghuteuna iagho glealeꞌa baludi naikno te leghuni puhi te doglo na. Ka puhi te doglo kolho, iara magnahagheni fara te tusu ari gobigna lepo igre ka iagho. Iara la filonihi eigna nou naikno iagho igre, mare magnahaghei fara te tusu ari glepo igre ka iagho.

Profet Jeremaea 6:20

Ghotilo nogu naikno iara ra! Neuba ghotilo ne gahu insens te famane sisiri keligna teke tei atha ghotilo ka kantri Seba, ba keha nafnata insens teke tei atha mei ghotilo ka vido te khaba. Nu iara ginauna na theome magnahaghedi glepo igre. Iara jaola theome magnahaghedi keha nafnata fafara te tusu mei ghotilo ka iara igre.”

Proveb 28:9

Jame iagho te theome fanomho ka unha te chekeni ka vetula na, Lord ginauna theome fanomho ka nou tharai iagho na.

Profet Isaia 61:8

Lord ne cheke eghu, “Iara Lord magnahagheni fara puhi te doglo na, nu iara tiroguni fara puhi te blau, ba te edi puhi te diꞌa. Naugna puhigu iara na thofno doglo fara, iara ginauna fablahidi nogu naiknore. Eghuteuna iara ginauna eni kaisei nhaꞌa cheke baludi, nhaꞌa cheke igne ginauna au fabrahu.

Jone 4:24

God na mae tharunga, theome naikno. Eghume mae Tharunga te Blahi na falalase gobigna lepo te tutuani eigna mana re ka naikno te tarai lao ka mana na.”

Eklesiasti 5:1

Iagho mala ghaoghatho fakeli kate tei tarai ka nogna Sugablahi God na. Thofno keli fara te tei iagho jare te fanomho na, nu iagho thosei fafara jateula mae te fameomekro ra eghu. Naugna mae te fameomekro na theome laseni unha te doglo ka tathagna God na.

Profet Isaia 66:3

Nu puhimi ghotilore thono diꞌa fara! Ghotilo edi kolho unha te magnahaghedi themi re, theome leghuni puhigu iara na. Eigna iheire te falehe buluka mala fafara ka iara teuna jateula iheire te falehe naikno mala fafara ka nodi god ra eghu. Iheire te falehe sipu mala fafara teuna jateula iheire te lolhopa graragna khuma na te fafara ka nodi god ra eghu. Iheire te fafara sopho ka iara na jateula iheire te fafara dadara bosu ka nodi god ra eghu. Iheire te gahu insens igre jateula iheire te tarai ka mumuju ra eghu.

Famane Khoje 2:14

Iagho mala poru kolho jateula kaisei balhu te mhaghu ra eghu, eghuteuna poru lamna khora thina ka geri thogele. Iara magnahagheini fara filo nigho naugna tathamu foflomu iagho re jaola famane fara. Iara magnahagheini fara nomhini naoglamu iagho na, naugna naoglamu iagho na famane fara.

Nodi Khoje Hatimare Mae Jiu 17:1

Lord, iara la khale ka puhi. Fadoglini tagu puhi igne. Fanomhi ghau, nei togho ghau eghu eigna iara theome chaghi.

Levitikas 7:18

Jame nafnahi na au ghilei posani fatilo narane gna, eghuteuna ghamu kaisei mae teuna, iara ginauna theome kelitagu ka mae te eni fafara igne. Eghuteuna iara ginauna theome tangomana nate ghathoni te fafara na kaisei glepo keli malagna mae igne. Fafara igne jateula kaisei glepo diꞌa eghu ka tathagu iara na. Eghuteuna mae te ghamu nafnahi igne, mana tapla jafra ka nakhibo eghuteuna mana nabagna te papara eigna.

Proveb 10:24

Unha te mhaghuni mae te diꞌa na, ginauna thokeni mana unha teke mhaghuni mana na. Nu naikno te doglo na, ginauna hata unha glepo te magnahagheni fara mana na.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Proveb 21:3

Tahati mala leghuni puhi te keli nei doglo teu na. Ka tathagna God na, puhi igne thofno uluni fafara te tusu lao tahati ka mana na.

Profet Maeka 6:7

Jame tusu lao kmana thogha sipu tahati ka mana. Ba? Mana ginauna tangomana te glealeꞌa na? Ba jame atha mei kmana oliv oel tahati ka mana. Ba? Mana ginauna tangomana te glealeꞌa na? Jame aknu falehe tahati thuda teke kulu karha re mala tusu lao ka mana. Ba? Fafara tuana tangomana te folidi nakhiboda tahati re? Thono theo fara!

Profet Hagae 2:14

Eghuteuna mae Hagae ne chekeni unha teke chekeni Lord na, ne cheke eghu, “Cheke tuana nanaba ngala ka ghotilo naiknogna namono igne baludi gobi lepo te edi ghotilo are. Nu glepo te gahu ghotilo te fafara mei ghotilo ka iara igre kafe theome klino ka tathagu iara na.

Fapea Samuel 15:12

Kate fafara na, mae Absalom ne fatei cheke ka mae Ahitofel, kaisei nogna advaesa mae king Devet te au ka namono Gilo. Mae Ahitofel jifla Gilo ne mei ka mae Absalom. Nogna gaoghatho mae Absalom te mala tapla faparini mae king Devet igne ne thofno keli fara. Eghuteuna kmana naikno funu mei toghoni mana.

Ululahu Kings 3:10

Lord ne keli tagna fara, naugna mae Solomon ne toreni glepo igne.

Nodi Khoje Hatimare Mae Jiu 141:2

Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.

Profet Daniel 9:23

Kate funu tarai iagho na, God na la nomhi nighohi. Tuana te meini iara na mala chekeni cheke tughu gna na ka iagho, naugna mana namha nigho iagho fara. Gognarona iagho fanomho fakeli kate rurutha iara gaoghathogna mifi igne.

Profet Maeka 6:6

Unha nafnata glepo nate atha te mei tahati te mala fafara ka Lord mae ihei te God gna kligna na? Ba? Tahati ginauna atha mei famane buluka majaghani mala gahu jateula fafara eghu ka mana?

Profet Malakai 1:10

“Fanomho si ghotilo, igne nogna cheke Lord mae ihei te au nolaghi fateoteꞌo na, ‘Mae pris cheke eghu koba ka ghotilo, “Bobotho Sugablahi ana mala thosei tei ruma ghotilo mala fafara ke kligna olta.” Naugna iara theome kelitagu ka ghotilo, iara ginauna na tirogudi fafara te atha te mei ghotilo tuare.