Proveb 15:30 - Buka Blahi Ka Cheke Holo

³⁰ Kate filo naiknore te gleꞌa iagho na mare jaola gleꞌa. Famane thoutonu na iagho keli nagnafamu fara.

Proveb 15:30 ပူးပေါင်းရင်းမြစ်များ

Profet Isaia 58:11

Iara ginauna baubatu ghami ghotilo fabrahu, eghuteuna tusu ari glepo te keli mala glealeꞌa ghotilo. Iara Lord ginauna reireghi ghami ghotilo mala rheta nei theome fogra eghu ghotilo. Ghotilo ginauna na jateula kaisei nagare te soru mei nakhete tagna, ba jateula kaisei glokha khoꞌu te theome krango ra eghu.

Proveb 25:25

Famane nonomho te mei funu ka vido te khaba na, jateula khoꞌu jemnu eghu ka ihei te roi koꞌu na.

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Eklesiasti 11:7

Naphae na glepo keli fara. Eghuteuna kate filoni tahati naphaegna naprai na, tahati thofno kelitada fara.

Proveb 17:22

Nakarhagna mae te gleale'a na, thofno keli fara. Nakarhagna mae te diꞌanagnafa na, thono diꞌa fara.

Proveb 13:9

Nakarhagna naikno te doglo na jateula juta eghu famane agha fara. Nu nakarhagna naikno te diꞌa na, jateula juta te falehe te romno ra eghu.

Nodi Khoje Hatimare Mae Jiu 89:15

Iheire te koje kilo fnakno nigho iagho gre ngala te glealeꞌa nodi na, naugna iagho ne keli fara ranghidi, nei kaisei phile baludi.

Esra 9:8

“Nu gognarona, iagho nomi Lord God thofno keli fara ka ghehati, eghuteuna iagho snakredi keha ka ghehati mala karhau, mala tangomana ghehati teke pulo mei mala teke au fakeli ka nou vido blahi iagho igne. Neuba ghehati ne au jateula naikno sneka neu, nu iagho tusu mei nakarha majaghani ka ghehati mala farerheta gaoghathomi ghehati gre.

Proveb 3:8

Jame te eghu iagho na, iagho ginauna keli karhamu, nei haimini te snagla gaoghathomu na.

Proveb 15:29

Lord na theome fanomho ka nogna tharai ihei te eni puhi te diꞌa na. Nu mana fanomho ka nogna tharai ihei te doglo na.

Proveb 15:31

Mae te fanomho fakeli ka cheke te mala fadoglini mana teuna, mana kaisei mae glalase fara.

Proveb 12:25

Mae te nanga nogna fabrahu na, mana ginau diꞌanagnafa fabrahu. Nu cheke te keli na, pala hagheni gaoghathogna mana na.