Proveb 15:2 - Buka Blahi Ka Cheke Holo

² Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Proveb 15:2 ပူးပေါင်းရင်းမြစ်များ

Proveb 12:23

Mae ihei te au tagna gaoghatho te keli na, theome ghosei chekeni unha te au ka nagnafagna na. Nu mae te fameomekro na edi thua nafnata cheke te theo nafudi.

Proveb 15:28

Mae te keli na kulu ghaoghatho ame cheke nga eghu. Nu mae te diꞌa na luꞌa soru cheke te diꞌa na.

Proveb 13:16

Mae ihei te autagna gaoghatho te keli na loku balu gaoghatho te keli. Nu mae ihei te theome autagna gaoghatho te keli na, fakakhana nakarha te fameomekro na.

Profet Isaia 50:4

Nogna mae gloku Lord na ne cheke eghu, “Lord God neke farirhiu ghauhi iara ka unha mana te magnahaghei chekedi iara re, mala ke farerheta nagnafadi iheire te nigra. Leuleghu hamerane na mana fadofra ghau iara mala nomhidi iara glepo majaghani nate farirhiu ghau iara mana re.

Proveb 16:23

Thiꞌagna mae te autagna gaoghatho te keli na batudi nogna chekere. Eghuteuna tangomana te figrini nagnafagna keha mae na.

Proveb 15:23

Mae te tufa gaoghatho te keli ka keha mae na thofno keli fara. Eghuteuna famane cheke ka thofno naranegna na, thofno glepo keli fara.

Nodi Khoje Hatimare Mae Jiu 59:7

Fanomho sagho nodi chekere thono diꞌa fara pari lahu. Nodi chekere fnonu fara jateula naflahi te ravedi naikno ra eghu. Nu mare ne cheke eghu, “Ihei gne nate nomhi ghami ghehati na?” Theo ihei nga nate nomhidi mare na.

Nodi Khoje Hatimare Mae Jiu 45:1

Kmana famane cheke au ka gaoghathogu iara na. Iara magnahaghei te riso soruni khoje igne mala tusu lao ka king. Foflogu iara na jateula nogna baero mae glalase te mala rioriso ra eghu.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Eklesiasti 5:3

Kate nanganou fara na, iagho ginauna filodi kmana mifi te diꞌa. Eghuteuna kate cheke te brahu na iagho ginauna na tharuma cheke jateula kaisei mae te fameomekro eghu.

Eklesiasti 10:14

Mae te theome autagna gaoghatho te keli na khuru vese fara. Tahati theome laseni unha nate thoke mei nathuꞌu nauriha na. Eghuteuna tahati theome laseni unha glepo nate thoke mei ka nauthoglu igne kate lehehi tahati na.

Proveb 5:2

Eghuteuna te fanomho iagho ka iara na, iagho ginauna tangomana te leghuni gaoghatho te keli na, eghuteuna nou cheke iagho re ginauna fakakhana te lalase iagho na.