Proveb 14:8 - Buka Blahi Ka Cheke Holo

⁸ Mae te autagna gaoghatho fakeli na, mana laseni unha te eni na. Nu mae te theome autagna gaoghatho fakeli na, mana batu fadiꞌani kolho thegna, naugna gaoghathogna mana na theome doglo.

Proveb 14:8 ပူးပေါင်းရင်းမြစ်များ

Efesus 5:17

Thosei fanolini nakarhami na, nu fariuriu mala filo glanini unha Lord te magnahaghei eni iagho na.

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Jemes 3:13

U famane glepo khuakhuda te edi kaisei mae ka ghotilo igre fagaglana gna te kaisei mae glalase tutuani mana na. Eghuteuna kate edi mana glepo te khuakhuda igre, mana na theome tangomana te fahaehagheni thegna na.

Efesus 4:22

Tutuani, ghehati neke farirhiu ghami ghotilo mala lilisei puhi te diꞌa gna tifa teke leghuni ghotilo ka nakarhamira. Naugna puhigna tifa igne fodu ka chaichaghi nei puhi diꞌa, eghuteuna puhigna tifa na tangomana te fadidiꞌa ghami fabrahu.

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Proveb 8:20

Leuleghu fata na iara leghuni puhi te keli na, eghuteuna eni kolho unha te doglo na.

Proveb 2:9

Fanomho mei ka iara, eghuteuna iagho ginauna laseni unha te keli nei doglo teuna, nei unha te doglo te mala eni na.

Nodi Khoje Hatimare Mae Jiu 119:73

Lord God, iagho neke vuavuha ghau iara neke reireghi fakelini nakarhagu iara na. Togho ghau iara sagho mala laseni iara nou cheke iagho na.

Nodi Khoje Hatimare Mae Jiu 119:5

Iara magnahaghei te au heta te mala leghudi nou vetula iagho re.

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Profet Jeremaea 13:20

Ghotilo naikno te au ka namono biꞌo Jerusalem! Filo ghotilo ia! Gognarona nomi naoka ghotilore la mei funudi ke raru! Ghotilo fahaehaghedi fara namono biꞌo teke tusu ari God ka ghotilo te au ka kantri Juda, mala reireghi fakelidi ghotilo jateula sipu eghu neku. Nu ahevau si namono biꞌo tura?

Nodi Khoje Hatimare Mae Jiu 143:8

Ka hamerane di gre cheke mei sagho mala ghathoni iara nou namha biꞌo iagho na, naugna iagho ngala te rouronu nigho iara na. Leuleghu fata ngala iara te tarai ari ka iagho na. Falalase mei sagho ranghi ghau iara u nabrou te mala leghuni iara na.

Ululahu Korin 3:19

Naugna nogna glalase te keli nauthoglu gne theo nafudi kolho ka God. Tutuani, grioriso te blahi na cheke eghu, “God ginauna fatedi mae glalase te lase chaghi re.”

Proveb 15:21

Mae te theome autagna gaoghatho te keli na, kelitagnadi puhi te diꞌare. Nu mae te autagna gaoghatho te keli na, mana kelitagna te leghuni puhi te doglo na.

Proveb 12:5

Mae te doglo na, ghathoni fabrahu te mala eni puhi te doglo na. Nu mae te diꞌa na ghathodi fabrahu thua nafnata puhi te mala chaghidi naiknore.

Eklesiasti 2:13

Eghuteuna unha te filoni iara na, gaoghatho te keli na uluni puhi te fameomekro na, jateula naphae te uluni gromno na.

Eklesiasti 2:16

Uve, mae te fameomekro ghe mae te lalase igre ginauna kafe lehe. Theo kaisei naikno nate ghathodi mae glalase ghe mae te fameomekro igre.