Proveb 14:35 - Buka Blahi Ka Cheke Holo

³⁵ Mae funei na kelitagna fara kate filoni te loku fakeli nogna mae gloku na. Nu mana ginauna diꞌatagna fara ka mae te famamajani mana re.

Proveb 14:35 ပူးပေါင်းရင်းမြစ်များ

Matiu 25:23

“Aonu, mae funei na ne cheke eghu ka nogna mae gloku igne, ‘Ghema, iagho kaisei mae gloku keli fara! Iagho ghathodi koba unha teke chekedi iara ra. Eghume, naugna te ghatho branani iagho nou gloku na ka sileni ikoi teke tusu ari iara ia, gognaro na iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Proveb 22:11

Mae ihei te au klino fabrahu ka tathagna God na, eghuteuna nogna chekere keli fara teuna, mana ginauna mala kheragna funei.

Proveb 29:12

Mae lida te fanomho ka chaichaghi na, nogna mae gloku te gnafa mana ka gavman na igre ginauna kafe diꞌa hui.

Proveb 25:5

Hata koko mae te diꞌa te farirhiuni king ka puhi te diꞌare, eghuteuna king ginauna tangomana te eni kantri igne mala kaisei famane namono mala au.

Proveb 20:26

Mae funei te au tagna gaoghatho te keli na, mana laseni naikno te diꞌa na, eghuteuna mana ginauna para fadiꞌani naikno tuana.

Proveb 20:8

Kate gnokro mae funei na te fateni naikno na, mana tangomana filodeni unha te keli na, nei unha te diꞌa na.

Proveb 19:26

Mae ihei te theome keli ranghini kmagna na, eghuteuna kuru fajiflani idogna na ka nogna suga na teuna, mana famamajani fara tharaknagna na.

Proveb 17:2

Mae gloku te autagna gaoghatho keli na ginauna funei fruni ni thugna mae funei te diꞌa puhigna. Eghuteuna kate lehe mae funei igne na, mae gloku igne ginauna hata kasa nogna glepo mae funei na.

Proveb 10:5

Mae te autagna gaoghatho te keli na, mana ginauna dokha bopa ka thofno naranegna na. Nu mae te thuru te theome loku ka narane tuana na, tharaknagna mana na ginauna mamaja nodi fara.

Proveb 14:34

Te leghuni naiknore puhi te doglo na, nanghagna nodi kantri na ginauna fnakno fara. Nu puhi te diꞌa na famamaja ikno fara.

Jenesis 41:38

Eghuteuna mae king ne cheke eghu ka hatimare mae ofisa re, “Tharunga gna God na au ka mae igne. Iara theome filoni kaisei mae te nabagna te mala hata u gloku igne na.”

Nogna Buka Esta 7:7

King nomhi cheke igne ne thofno diꞌatagna fara, aonu mana kegra haghe ne jifla kosi. Kate filoni te jifla King na, mae Haman lasenihi King ginauna faleheni mana. Aonu mana au neu lamna suga ne toreni Esta mala thosei faleheni.

Proveb 16:13

Mae mala baubatu na kelitagna ka mae te cheke tutuani na.