Proveb 14:33 - Buka Blahi Ka Cheke Holo

³³ Gaoghatho te keli na fodu ka nagnafagna mae te lalase na. Nu gaoghatho te keli igne theome au ka nagnafagna mae te fameomekro na.

Proveb 14:33 ပူးပေါင်းရင်းမြစ်များ

Proveb 12:16

Mae te fameomekro na ghosei diꞌatagna. Nu mae te doglo na, theome nanga nogna ka cheke te diꞌa na.

Eklesiasti 10:3

Kate tei mae te fameomekro igne ka nabrou na, naiknore filo glani puhigna mana na, mae igne theo kaisei gaoghatho te keli ka mana.

Proveb 29:11

Mae te fameomekro na fakakhana fara diꞌatagna na, nu mae te autagna gaoghatho te keli na saghe leghuni diꞌatagna na.

Proveb 15:28

Mae te keli na kulu ghaoghatho ame cheke nga eghu. Nu mae te diꞌa na luꞌa soru cheke te diꞌa na.

Proveb 13:16

Mae ihei te autagna gaoghatho te keli na loku balu gaoghatho te keli. Nu mae ihei te theome autagna gaoghatho te keli na, fakakhana nakarha te fameomekro na.

Proveb 12:23

Mae ihei te au tagna gaoghatho te keli na, theome ghosei chekeni unha te au ka nagnafagna na. Nu mae te fameomekro na edi thua nafnata cheke te theo nafudi.

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Proveb 2:10

Uve, iagho ginauna na lalase, eghuteuna iagho ginauna gleꞌani nou glalase tuana.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Proveb 14:34

Te leghuni naiknore puhi te doglo na, nanghagna nodi kantri na ginauna fnakno fara. Nu puhi te diꞌa na famamaja ikno fara.