Proveb 14:17 - Buka Blahi Ka Cheke Holo

¹⁷ Mae te ghosei te diꞌatagna na, mana tangomana te eni puhi te fameomekro na. Eghuteuna naiknore tirodini mae te ghaoghaho eigna puhi te diꞌa na.

Proveb 14:17 ပူးပေါင်းရင်းမြစ်များ

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Proveb 29:22

Mae te ghosei te diꞌatagna na, mala fufunu faripholai, puhigna mana na fodu fabrahu ka nakhibo.

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Eklesiasti 7:9

Theome keli te ghosei te diꞌatamu iagho na. Naugna tuana nogna puhi mae te fameomekro.

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 22:24

Iagho thosei fren ka mae te diꞌatagna fara na, eghuteuna iagho thosei au balugna mae te ghosei te diꞌatagna na.

Proveb 16:32

Mae te theome ghosei te diꞌatagna na, mana nheta salaꞌuni mae soldia te nheta fara na. Mae te saghe leghuni diꞌatagna na, mana keli fara salaꞌuni mae ihei te magra heta te uluni kaisei namono biꞌo na.

Profet Isaia 32:7

Puhigna mae te chaichaghi igne jaola diꞌa fara, eghuteuna leuleghu fata na mana ghaoghaho te mala goigonidi naikno te kuma re, neuba mare ne doglo neu kolho.

Proveb 12:16

Mae te fameomekro na ghosei diꞌatagna. Nu mae te doglo na, theome nanga nogna ka cheke te diꞌa na.

Proveb 12:2

Lord na kelitagna fara te toghoni mae te leghuni puhi te doglo na. Nu parani mae te ghaoghatho te mala eni puhi te diꞌa na ka keha naiknore.

Nogna Buka Esta 3:6

Kate laseni mana te kaisei mae Jiu mae Modikae na, mana fariu riu hiro phoge mala faleheni mae Modikae baludi mae Jiu te gnafa te au ke lamnagna nogna kantri mae king Sekses.

Fapea Kings 5:12

Jauna phei khoꞌu biꞌo Abana ghe Fapa Damaskas igre ne thofno keli fara salaꞌudi khoꞌudi Israel igre neu sia! Ne faꞌunha site theome tangomana iara te apu ka phei khoꞌu igre mala teke gnafa fogra ignea?” Aonu mana diꞌatagna fara neke pulo ka nogna suga na.

Proveb 14:16

Mae te autagna gaoghatho te keli na, mana au fadelei ka puhi biꞌo. Nu naikno te fameomekro na, theome filo fakeli, eghuteuna ghosei thokeni puhi biꞌo.

Proveb 14:18

Mae te theome lalase na, mana hata gaoghatho fameomekro. Nu naikno te au tagna gaoghatho te keli na, hata glalase.

Proveb 20:3

Naiknore ghatho tahu nigho jame te theome magra iagho na. Nu naikno te fameomekro na kolho te ghosei te magra na.