Proveb 14:15 - Buka Blahi Ka Cheke Holo

¹⁵ Naikno te iho na, ginauna fiti fatutuanidi kolho unha te nomhire. Nu naikno te lalase na, ginauna ghatho fakelini puhi te mala leghuni na.

Proveb 14:15 ပူးပေါင်းရင်းမြစ်များ

Efesus 5:17

Thosei fanolini nakarhami na, nu fariuriu mala filo glanini unha Lord te magnahaghei eni iagho na.

Proveb 14:8

Mae te autagna gaoghatho fakeli na, mana laseni unha te eni na. Nu mae te theome autagna gaoghatho fakeli na, mana batu fadiꞌani kolho thegna, naugna gaoghathogna mana na theome doglo.

Proveb 27:12

Mae te lalase na, mana filoni puhi biꞌo, mana tei ka vido te keli. Mae te theome lalase na, mana au fabrahu ka puhi biꞌo, eghuteuna mana au papara.

Proveb 4:26

Ghaoghatho fakelini unha te magnahaghei eni iagho na, eghuteuna gobigna lepore ginauna doglo kolho.

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Mae Khuru 13:7

Mana kheragna fofodu keli mae Sejias Polas, mae Primia gna moumolu Saeprus. Mae Sejias Polas gne kaisei mae glalase fara. Eghuteuna mana ne toredi mae Banabas ghe mae Sol mala mei ka mana, naugna mana magnahaghei te nomhini chekegna God na ka phiamare.

Proveb 22:3

Mae te lalase na filo glani puhi biꞌo na tei poru ka vido te keli. Mae te fameomekro na theome gnafa ka puhi biꞌo.

Profet Emos 5:13

Ka narane te edi naiknore nafnata puhi te diꞌa igre, ghotilo mae te lalase ra au kmu kolho theome ghagri kaisei cheke ka mare.

Proveb 14:14

Mae te tei kokoni God na, ginauna fodu ka puhigna thegna te diꞌare. Nu mae te keli na ginauna au nogna kmana glepo te keli.

Proveb 14:16

Mae te autagna gaoghatho te keli na, mana au fadelei ka puhi biꞌo. Nu naikno te fameomekro na, theome filo fakeli, eghuteuna ghosei thokeni puhi biꞌo.

Proveb 17:4

Mae te diꞌa na magnahaghei te fanomho ka cheke te diꞌa. Eghuteuna mae te chaichaghi na kelitagna te fanomho ka chaghi na.

Fapea Samuel 1:5

Eghuteuna mae Devet ne ghusna eghu ka mana, “Faꞌunha ne laseni iagho te lehe king Sol ghe mae Jonatan gre?”

Ululahu Kings 2:18

Batseba ne cheke eghu ka mae Adonaeja, “Uve, iara ginauna tei cheke eimu iagho ka king.”

Nehemaea 6:4

Fati fata phiamare te famei nafnata cheke igne ka iara na, nu leuleghu fata na iara jaola fatei nafnata cheke igne ka phiamare.