Proveb 13:10 - Buka Blahi Ka Cheke Holo

¹⁰ Mae te fahaehaghe na, mae mala magra nei fapholai eghu. Nu mae te fanomho ka farirhiu na, mana mae glalase.

Proveb 13:10 ပူးပေါင်းရင်းမြစ်များ

Proveb 19:20

Jame te snakredi iagho keha mae te mala farirhiu nigho nei hata gaoghatho te keli teuna, iagho ginauna hata gaoghatho te keli nei glalase eghu.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Jemes 4:1

Kheraguro, naugna unha site magra koba ghotilo fari themi gnea? Ghotilo magra koba fari themi naugna nafnata gaoghatho te magnahaghei glepo malami themi kolho igne site biꞌo ka nagnafami ghotilo grea.

Ululahu Timoti 6:4

Naikno te farirhiu chaichaghi igre theome laseni kaisei glepo nu mare fahaehaghe fara eghu, eghuteuna au gaoghatho te diꞌa mala magra fabrahu eidi nafnata cheke te theo nafudi. Nafnata puhi igne faꞌeiꞌeidi naiknore mala goghotu, magra, nagho nei au gaoghatho te diꞌa.

Luku 22:24

Mae khurure ne funu fapholai eigna mae ihei nate mae biꞌo lahu ka mare na.

Proveb 25:8

Kate filoni iagho glepo te diꞌa na, iagho thosei faghose tei ka fate mala cheke fajiflani glepo igne. Glahu keha mae na chekeni ne jafra iagho teuna, eghuteuna iagho ginauna na mamaja nou.

Proveb 21:24

Mae te fahaehaghe fara nei cheke fadiꞌadi naiknore teu igne, nanghagna na, “Phaꞌu boto.”

Proveb 20:18

Kulu hata gaoghatho te keli ka keha naiknore, eghuteuna nou gloku iagho na ginauna keli fara. Jame te magnahaghei te tei magridi mae naokare teuna, iagho kulu hata ghaoghatho fakeli.

Fapea Kings 14:10

Eghuteuna mana neke cheke eghui, “Tutuani, iagho neke ulunihi armi gna Idom ia ka magra, eghuteuna gognarona iagho fahaehaghe fara. Te keli na iagho tei au kolho ka sugamu na mala fahaehaghe nigho themu. Thosei eni kaisei puhi, naugna mana ginauna na goigoni nigho mana nei naiknodi Juda.”

Ululahu Kings 12:16

Nu kate filoni maedi Israel igre te theome fanomho king ka mare na, keha maere ne eha eghu fabiꞌo, “Mae Devet na theome noda tahati! Thugna mae Jesi igne theome noda tahati! Tahati te gnafa naiknoda Israel ra, tahati ke pulo ka namonoda ra! Lisa laodi mare mala reireghidi thedi!” Aonu maedi Israel igre neke kafe pulo ka namonodire.

Jajis 19:30

Iheire te filoni glepo igne ne cheke eghu, “Tore! Funu ka narane teke jifla Ijep kuꞌeda tahati tifa ra te ghilei mei posa ka narane gognarogne, theo kaisei glepo teke eni jateula igne teuna. Tahati ghathoni glepo igne. Uve, tahati na eni kaisei glepo eigna puhi biꞌo igne!”

Proveb 13:9

Nakarhagna naikno te doglo na jateula juta eghu famane agha fara. Nu nakarhagna naikno te diꞌa na, jateula juta te falehe te romno ra eghu.

Proveb 13:11

Sileni te fiti hata te theome kmusa tagna, ginauna ghosei tei dofini. Nu sileni te hata mana ka nogna nakmusa thegna na, ginauna kotu biꞌo.

Proveb 28:25

Mae te khiri fara na mala vuhai faripholai. Nu mae te rouronu ka Lord na ginauna au ka nakarha te keli.