Proveb 12:25 - Buka Blahi Ka Cheke Holo

²⁵ Mae te nanga nogna fabrahu na, mana ginau diꞌanagnafa fabrahu. Nu cheke te keli na, pala hagheni gaoghathogna mana na.

Proveb 12:25 ပူးပေါင်းရင်းမြစ်များ

Proveb 16:24

Cheke te keli na famane mamahe jateula jurukuli eghu. Cheke igre farerheta nakarhadi naiknore.

Proveb 15:13

Tathagna nei foflogna teu mae te gleale'a na, ginauna famane maꞌe muhi fara. Nu mae te diꞌanagnafa na, ginauna diꞌa fara.

Proveb 17:22

Nakarhagna mae te gleale'a na, thofno keli fara. Nakarhagna mae te diꞌanagnafa na, thono diꞌa fara.

Profet Isaia 50:4

Nogna mae gloku Lord na ne cheke eghu, “Lord God neke farirhiu ghauhi iara ka unha mana te magnahaghei chekedi iara re, mala ke farerheta nagnafadi iheire te nigra. Leuleghu hamerane na mana fadofra ghau iara mala nomhidi iara glepo majaghani nate farirhiu ghau iara mana re.

Proveb 15:23

Mae te tufa gaoghatho te keli ka keha mae na thofno keli fara. Eghuteuna famane cheke ka thofno naranegna na, thofno glepo keli fara.

Profet Sekaraea 1:13

Eghuteuna Lord ne famane cheke tughu ka fapea engel teke cheke balugu iara na, mala pala hagheni gaoghathogna engel.

Proveb 12:18

Cheke te diꞌa na churu jateula naflahi fnonu eghu ka thiꞌadi naiknore. Nu cheke te keli na jateula meresin eghu toghodi naiknore.

Proveb 27:9

Insens nei famane oel teu igre tangomana te fagleꞌa nigho na, nu khetomu na ginauna fagleꞌa nigho salaꞌui.

Nodi Khoje Hatimare Mae Jiu 42:11

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala togho ghau iara!

Proveb 18:14

Jame mana fogra, eghuteuna nheta gaoghathogna na teuna, mana ginauna uluni fogra igne. Nu jame te theome doglo mana gaoghathogna na, faꞌunha eghu ke keli fapulo si mana gnea?

Proveb 25:11

Kate thoke mei thofno narane te mala cheke iagho na, iagho famane cheke, tuana jateula famane gano ka tapera gol ra eghu.

Nodi Khoje Hatimare Mae Jiu 38:6

Iara theome tangomana te kegra haghe na, naugna nakhibo gre ne bukri soru ghau iara. Leuleghu narane na iara tanhi nei diꞌanagnafa eghu kolho funu hamerane na ghilei bongi.

Proveb 15:15

Mae te sokmo ka glepo, ba gano na, mana ginauna au fadiꞌa nei au diꞌanagnafa eghu fabrahu. Nu mae te fodu ka gleale'a nakarhagna na, narane igre ginauna jateula narane gaghamu eghu fabrahu.

Proveb 14:10

Theo kaisei mae te laseni nogna diꞌanagnafa keha naikno na. Eghuteuna mana thegna kolho te laseni nogna gleale'a na.

Proveb 12:26

Mae te doglo na ginauna batuni kheragna na. Nu mae te diꞌa puhigna na, ginauna batu fajafradi naiknore.

Proveb 15:30

Kate filo naiknore te gleꞌa iagho na mare jaola gleꞌa. Famane thoutonu na iagho keli nagnafamu fara.