Proveb 11:20 - Buka Blahi Ka Cheke Holo

²⁰ Lord theome magnahagheni ihei te au gaoghatho te diꞌa ka thiꞌagna na. Nu mana namhani ihei te doglo na.

Proveb 11:20 ပူးပေါင်းရင်းမြစ်များ

Nodi Khoje Hatimare Mae Jiu 119:1

Naikno te thofno doglo fara nakarhadire mare thofno glealeꞌa nodi fara, naugna mare ne leghudi nogna vetula Lord re.

Ululahu Kronikols 29:17

Iara laseni, nogu God, iagho fariuriudi gaoghathodi nou naiknore, eghuteuna iagho glealeꞌa baludi naikno te leghuni puhi te doglo na. Ka puhi te doglo kolho, iara magnahagheni fara te tusu ari gobigna lepo igre ka iagho. Iara la filonihi eigna nou naikno iagho igre, mare magnahaghei fara te tusu ari glepo igre ka iagho.

Proveb 21:29

Mae te diꞌa na fiti cheke kolho. Mae te doglo na ghaoghatho eigna unha nate eni na.

Proveb 6:14

Mare ghathodi thua nafnata puhi te mala eni glepo te diꞌa na, eghuteuna edi puhi biꞌo ka vido te kmana re.

Proveb 16:17

Nogna nabrou naikno te keli na theome namo ka puhi te diꞌa na. Mae ihei te filo fakeli ka nabrou na, mana tangomana te fakarhini nakarhagna na.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Proveb 13:6

Puhi te keli na barani naikno te doglo na. Nu puhi te diꞌa na faleheni naikno te tapla jafra ka nakhibo na.

Proveb 12:22

Lord na theome magnahagheni mae ihei te fodu chaichaghi ka foflogna na. Nu keli tagna ka mae ihei te cheke kate tutuani fabrahu.

Proveb 9:7

Te fadoglini iagho mae te fahaehaghe na, mana ginauna cheke fadiꞌa nigho iagho. Eghuteuna te cheke faheta iagho ka mae te diꞌa na, mana ginauna tuti nigho iagho.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Nodi Khoje Hatimare Mae Jiu 140:13

Tutuani fara, naikno te doglore ginauna au balumu iagho, eghuteuna mare ginauna na cheke fakeli nigho iagho fabrahu.

Nodi Khoje Hatimare Mae Jiu 51:6

Iagho magnahagheni fara naikno te cheke kate tutuani na. Eghume, iara magnahaghei nigho iagho te fafodu mei gaoghatho te keli ka iara.

Nodi Khoje Hatimare Mae Jiu 11:7

Lord na mae te doglo fara, eghume mana magnahaghedi naiknore te edi puhi te doglo re eghu. Ihei ngala te leghuni chekegna God na nate filoni tathagna mana na.

Nodi Khoje Hatimare Mae Jiu 101:4

Iara ginauna theome leghudi puhi te chaichaghire, nei iara ginauna theome au baludi naikno te diꞌare.

Proveb 3:32

Naugna Lord na theome magnahaghedi naikno te diꞌa re. Nu mana rouronudi mae te doglo re, eghuteuna cheke fajiflani gaoghathogna na ka mare.

Proveb 11:21

Tutuani fara, Lord ginauna parani naikno te diꞌa na. Nu hata fajiflani ihei te doglo na.

Proveb 14:9

Mae te fameomekro na, theome laseni unha te jafra na. Nu mae te lalase na, laseni unha te doglo na.

Proveb 15:26

Lord na theome magnahagheni gaoghatho te diꞌa na. Nu cheke te keli na, gae ka tathagna mana na.