Proveb 11:12 - Buka Blahi Ka Cheke Holo

¹² Ihei te fameomekro na, cheke fadiꞌadi naiknore. Nu ihei te au tagna gaoghatho te keli na, mana au kmu.

Proveb 11:12 ပူးပေါင်းရင်းမြစ်များ

Ululahu Pita 2:23

Eghuteuna kate cheke fadiꞌani na, mana neke theome cheke diꞌa fapulo. Kate parani na, mana theome diꞌatagna. Nu mana rouronu ka God mae ihei tangomana te fate naikno ka puhi te doglo.

Proveb 10:19

Naikno te khuru cheke na, ginauna edi kmana cheke fadiꞌa. Nu naikno te theome khuru cheke na, autagna gaoghatho te keli.

Luku 18:9

Mae Jisas jaola ne chekeni kaisei cheke naba ranghidi naikno ne thono au doglohi thedi teu te filo faparidi keha naikno te gnafare. Mae Jisas ne cheke eghu,

Luku 16:14

Mae Farasi nomhini igne ne maꞌeni mae Jisas, naugna mare magnahaghe sileni fara.

Proveb 14:21

Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Fapea Kings 18:36

Nu naiknore ne au kmu ne theome cheke tughu, naugna King Hesekaea neke theome snakredi mare te mala cheke tughu ka mana na.

Ululahu Samuel 10:27

Nu keha mae te diꞌa ne cheke eghu, “Tore! Na tangomanani ngau si mae igne nate fakarhi ghita tahati naia?” Eghuteuna mare ne tirodi tusu lao namha ka mana, naugna mare ne theome magnahagheni mana. Nu King Sol ne au kmu kolho.

Jajis 9:38

Aonu Sebul ne cheke eghu ka mana, “Aheva nou cheke fahaehaghe iagho ia? Iagho neke cheke eghu, ‘Naugna unha si tahati te edi koba glepo te chekedi Abimelek grea?’ Jare mae iheire teke cheke faparidi iagho ra! Tei sagho magra ka mare!”

Proveb 6:32

Nu mae ihei te tapla jafra ka khetogna keha mae na, mae igne fameomekro eghuteuna mana goigonini thegna.

Proveb 11:11

Lord tangomana te toghodi naikno te kelire, eghuteuna nodi namono na ginauna fnakno nanghagna na. Nu nodi cheke naikno te diꞌare, goigonini nodi namono na.

Proveb 11:13

Iagho thosei fatutuanini ihei te toutonu tafri na. Nu iagho fatutuanini kolho ihei te au kmu na.