Proveb 11:10 - Buka Blahi Ka Cheke Holo

¹⁰ Kate gleale'a naikno te doglo na, naikno te gnafare kafe gleale'a fodu. Nu kate lehe naikno te diꞌa na, naiknore gleale'a balu eha fabiꞌo.

Proveb 11:10 ပူးပေါင်းရင်းမြစ်များ

Proveb 28:12

Kate funei mae te doglo na, naiknore kelitadi fara. Nu kate baubatu mae te diꞌa na, naiknore poruni mana.

Jajis 5:31

“Lord God, snakredi nou naoka iagho re mala lehe jateula Sisera eghu! Nu snakredi iheire te namha nigho iagho igre mala phae jateula naprai te haghe hamerane ia eghu!” Eghume naiknodi Israel igre na au ka pharikeli nabagna phiatutu finogha.

Proveb 28:28

Kate baubatu mae lida te diꞌa na, naiknore ginauna poru. Nu kate lehe mae lida te diꞌa igre na, naikno te doglo nate ke lida na.

Thoutonu Eigna Mae Job 27:23

Naiknore jateula naoglagna nuri neu ne cheke faparini mae igne. Ba jateula nuri saeklon te nghoji ra neu ne maꞌeni mana.”

Eksodas 15:21

Eghuteuna Miriam ne koje eghu ka reꞌe: “Tahati koje ranghini Lord, naugna mana neke uluni magra biꞌo na! Mana neke huju soru ka thongna na mae soldia re balu nodi hose!”

Fapea Kings 11:20

Aonu naikno te gnafa Juda igre ne kafe glealeꞌa fara, eghuteuna namono biꞌo na ne kafe muana soru, naugna mare neke aknu faleheni Kuin Atalaea ka nogna suga na.

Proveb 11:11

Lord tangomana te toghodi naikno te kelire, eghuteuna nodi namono na ginauna fnakno nanghagna na. Nu nodi cheke naikno te diꞌare, goigonini nodi namono na.

Proveb 29:2

Kate lida gna kantri mae te doglo na, naiknore kelitadi fara, nu jame te lida mae te diꞌa puhigna na, naiknore na diꞌanagnafa nei tanhi eghu.

Fapea Kronikols 23:13

Aonu naꞌa ne filoni king te kegra teu ka nogna vido king rhegna kegra biꞌo ka grengathagna Sugablahi na. Eghuteuna hatimare mae komanda kegra falithuini mana, eghuteuna mare ifu ka trampet. Eghuteuna naiknore ne eha fabiꞌo balu koje, naugna mare thono glealeꞌa fara. Aonu Kuin Atalaea thofno diꞌanagnafagna fara ne rerheku nogna pohe na. Eghuteuna naꞌa ne eha eghu fabiꞌo, “Ghotilo naikno diꞌa! Ghotilo eni puhi te diꞌa na, magnahaghei te fapari ghau iara!”

Fapea Kronikols 23:21

Aonu naiknore ne thofno glealeꞌa fara. Eghuteuna namono biꞌo na ne au kmu, naugna mare neke hata naflahi mala magra na neke aknu faleheni Kuin Atalaea.

Profet Jeremaea 51:48

Kate mei armi gna ke raru na te goigoni ni kantri igne, thua nafnotu ka maloa kligna nei thua nafnotu ka nauthoglu teu igre ginauna glealeꞌa eha fabiꞌo, naugna Babilonia na la groꞌehi!