Proveb 1:8 - Buka Blahi Ka Cheke Holo

⁸ Thuguo, iagho mala fanomho ka nodi cheke idomu kmamu are, eghuteuna thosei thododi nodi farirhiu repa re.

Proveb 1:8 ပူးပေါင်းရင်းမြစ်များ

Proveb 6:20

Thuguo, iagho mala nomhidi nodi cheke idomu kmamu are, eghuteuna iagho thosei thododi nodi cheke repa re.

Proveb 30:17

“Jame te tirou fanomho iagho ka idomu kmamure, eghuteuna cheke fadiꞌadi repa teuna, gaghata biꞌo ginauna mei biko fajifla phei tathamu iagho re, eghuteuna saroko ginauna ghamu thinimu iagho na.

Proveb 2:1

Thuguo, fanomho nei ghathodi eghu gobigna lepo te chekedi iara ka iagho igre.

Proveb 31:1

Nogna famane cheke idogna King Lemuel, neke farirhiuni mana.

Proveb 1:10

Thuguo, thosei leghudi nodi cheke famaemahe naikno te diꞌa are.

Levitikas 19:3

“Ghotilo te gnafa na mala ghathodi idomi kmami are, eghuteuna ghotilo mala tajini narane Sabat, naugna iara Lord, nomi God ghotilo.

Fapea Timoti 1:5

Iara laseni nou fatutuani iagho ka Lord Jisas Kraes na thono heta fara, jateula teke eni kavemu Loesi ghe idomu Iunisi tifa ia eghu. Te ghathoni fara iara na u nafnata fatutuani te heta fara tuana te au ka iagho gognaro na.

Proveb 7:1

Thuguo, iagho mala loku famaku nogu cheke iara igre, eghuteuna lilisei fakeli ka nagnafamu na.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Proveb 1:15

Thuguo, au fadelei ka naikno tuare, iagho thosei tei baludi.

Ululahu Samuel 2:25

Jame mae ihei te eni puhi te diꞌa na ranghini keha mae na, Lord ginauna tangomana te toghoni mana mala fadoglini nakhibogna mana na. Nu jame mae ihei te eni puhi te diꞌa ranghini Lord na, ihei gne nate tangomana te toghoni mana na?” Neuba, phiamare theome fanomho ka nogna cheke mae kmadi na, naugna Lord la kulu ghathonihi te mala falehedi phiamare na.

Matiu 9:22

Nu mae Jisas figri lao ne cheke eghu ka naꞌa, “Naikno biꞌo, thosei nanga nou! Iagho kela keli fapulo naugna iagho ne fatutuani.” Funu ka vido narane tuana naꞌa ghosei neke keli fapulo nogna.

Matiu 9:2

Keha naiknore pala ne mei ka mana kaisei mae te blughu ka sape na. Kate laseni mae Jisas nodi fatutuani mare na, mana ne cheke eghu ka mae te blughu na, “Ghema kheraguo, thosei nanga nou, iara la hata fadeleihi nakhibomure.”

Proveb 5:13

Iara neke theome leghuni nogna cheke nogu mae velepuhi na.

Proveb 23:22

Fanomho ka kmamu mae ihei teke fakarhi nigho na, eghuteuna thosei ghatho ihoni idomu na kate kaekave naꞌa na.

Profet Jeremaea 35:8

Ghehati leghudi kolho nogna cheke mae Jonadab thugna mae Rekab te rheta fara igre. Ghehati nei khetomi nei thumi nalhaꞌu nei thumi gaꞌase teu igre, ghehati theome lase koꞌu waen.

Thoutonu Eigna Rut 3:6

Aonu Rut kegra haghe ne tei ka vido aheva te mala fifliti khunedi balire ne leghudi nogna cheke Naomi re.