Profet Joel 3:9 - Buka Blahi Ka Cheke Holo

⁹ God ne cheke ranghini mae Joel mala cheke eghu mana ka naiknodi keha kantri are, “Ghotilo tarabana mala tei ka magra. Kilo meidi mae soldia ra mala kafe mei mala magra.

Profet Joel 3:9 ပူးပေါင်းရင်းမြစ်များ

Profet Esikiel 38:7

“Tarabana! Tarabana nou armi biꞌo na baubatudi mare!

Profet Jeremaea 31:10

“Ghotilo te gnafa ka kantri te gnafa ra, fanomho mei ka nogu cheke iara Lord! Ghotilo tei toutonuni nogu cheke iara igne ka naikno te au khaba ka ghotilo ra! Ghotilo tei cheke eghu, ‘Lord neke brue fajifladi naiknodi Israel neke tei tafri, nu mana ginauna nake atha fapulodi. Mana ginauna hirodi, jateula mae greireghi sipu te hirodi nogna sipu ra eghu.’

Profet Maeka 3:5

Igne unha te chekeni Lord: “Ghotilo profet chaichaghi ra! Ghotilo chaghidi nogu naikno iara re, eghuteuna batudi tei ka puhi te jafra. Jame kaisei mae foli ghami ghotilo, ghotilo nhaꞌa cheke mala au fakeli ginauna. Nu jame kaisei mae theome foli ghami ghotilo, ghotilo ginauna na theome raugha naoka na mei mala magri ghami ghotilo. Eigna glepo igne, Lord na cheke eghu ka ghotilo,

Profet Jeremaea 50:2

“Tei toutonu cheke igne ka kantri heva te heva ka nauthoglu igne! Thosei cheke pouporu! Ghotilo tei famane toutonu fakeli! Ghotilo rafe haghe flagi mala filoni naiknore mala mei fanomho fakeli ka thoutonu te cheke eghu igne, ‘Namono biꞌo Babilon na la groꞌehi! Nogna nolaghi nodi god biꞌo mare Merodak igne la khokohi pari la mamaja nogna fara. Uve, nodi nolaghi nogna mumuju naꞌa igre la gnafahi, eghuteuna mamaja kolho te thokeni naꞌa na.’

Profet Isaia 34:1

Ghotilo naikno te gnafa te au ka keha kantri ra! Ghotilo mei fanomho fakeli! Uve, naikno te gnafa, nei gobigna lepo te gnafa teu ka nauthoglu igne ra kafe fanomho mei.

Nodi Khoje Hatimare Mae Jiu 96:10

Ghotilo cheke eghu ka naiknodi keha kantri are, “Lord na King!” Mana neke vuavuha nauthoglu igne mala au snoto mala theome ke thugha tafri ka mala augna na. Eghuteuna Lord ginauna fatedi naiknore ka puhi te doglo.

Profet Jeremaea 6:4

“Mae igre ginauna cheke eghu, Tahati tarabana mala magra! Tore, te keli na tahati tei magra kani naraneu. Nu fameomekro! Naprai gne la funu soruhi la namo romnohi.

Profet Jeremaea 51:11

“Lord ne cheke ka nagnafadi hatimare mae king di Media mala tei magra mare Babilonia, naugna mana magnahaghei te roꞌeni Babilonia. Lord ginauna tughu fapulo glepo te diꞌa teke edi mae Babilonia ka Suga gna Mana ra. Hatimare mae komanda ne cheke eghu, ‘Tarabana nomi jata ra! Tarabana nomi greoreo ra!’

Profet Jeremaea 51:27

“Ghotilo nogna naoka Babilonia ra! Ghotilo rafe haghe flagi ia, fagaglana eigna magra! Ghotilo kufli mala nomhini kantri te gnafare! Ghotilo fatei cheke ka armi gna Ararat, nei ka kantri Mini, nei ka kantri Askenas mala mei magra ka kantri Babilonia. Vavahi kaisei mae biꞌo mala baubatu ka armi igne. Fatei kmana hose mala magra. Hose igre kmana fara jateula thara cheche ra eghu.

Profet Esikiel 38:17

“Lord God neke cheke eghu: Funu tifa te mei na, hatimare mae profet nogu mae gloku iara igre cheke eimu iagho koba. Uve, mare chekeni te iagho ginauna mei magra ka nogu naikno iara igre teuna.”

Profet Hagae 2:7

Iara ginau uludi keha kantri are, eghuteuna hata nodi silva nei gol teu mare igre, ne mei fafofodu ka Sugablahi igne.

Profet Sekaraea 14:3

Aonu Lord ginauna jifla tei mala magra ka kantri igre jateula puhi te sughu eni fabrahu mana tifa kate magra na.