Profet Joel 2:3 - Buka Blahi Ka Cheke Holo

³ Cheche igre ginauna mei jateula kaisei khaꞌaghi te ghamu fahui buburu nei gobigna lepo fateote'o ra eghu. Uve, ame thoke mei nga glepo igre teuna, nauthoglu igne famane namono fara jateula nagare Iden eghu. Eghuteuna kate ghamu te hui cheche khakladi gaju te gnafa igre na, kantri igne ginauna na jateula namono nagou eghu na theo kaisei glepo nate au teu ke leghugna igne na.

Profet Joel 2:3 ပူးပေါင်းရင်းမြစ်များ

Profet Isaia 51:3

Iara neke kokhoni noguni namono biꞌo Jerusalem te groꞌe pari igne. Gognarona namono igne jateula namono nagou eghu. Nu iara ginauna edi kmana glepo te keli fara jare jateula nagare Iden eghu. Eghuteuna naikno te au ka namono igne ginauna glealeꞌa fara theome gnafa te koje balu kilo fnakno ghau iara na.

Jenesis 2:8

Aonu Lord God ne joꞌu kaisei nagare. Nagare te kiloi “Eden” te au ke maghati Israel. Jare mana ne lilisei naikno teke vuavuha mana ka glose na.

Profet Sekaraea 7:14

Naugna te eni mare igne, iara mei jateula saeklon eghu mala kafe brue teidi delei mala tei au tafri ka keha kantri delei. Eghuteuna famane glose teke kulu au mare tadira, krogha, mala theo kaisei naikno tangomana te au tagna na.”

Eksodas 10:15

Cheche na ne mei ne fodu ne romno thubi neu ka thagrugna glose na ne ghamu fateo buburu te gnafa nei khakladi gaju te ikodi te gnafa teu teke theome fadidiꞌa nakhete thina ra. Theo kaisei khakla gaju ba buburu te au Ijep na, thono theo fara. Hui teuna ngala.

Eksodas 10:5

Reꞌe ginau na mei thafru vido te gnafa gre, eghuteuna iagho ginau na theome tangomana te filoni u thagrugna glose na. Eghuteuna ghemi gano ghotilo ka nagare na are nei gaju te gnafa teu teke theome diꞌa ka nakhete thina na are ginau na hui ka cheche.

Profet Emos 7:4

Ke leghugna igne, Lord God neke fakakhana keha mifi na ka iara. Ka mifi igne, iara filoni Lord ne kaikaliti kaisei khaꞌaghi biꞌo mala nhako nogna naiknore. Neuba thongna na ne mamhara fara, nu khaꞌaghi biꞌo igne ginauna fakhaprani kolho thongna te mamhara igne, eghuteuna iara ne filoni te funu gnhubra glose na.

Profet Jeremaea 5:17

Mare ginauna atha fahui ghemi gano ghotilo te au ka nomi nagare nei ka nomi suga teu are. Eghuteuna mare ginauna na falelehe thumi nei nomi sipu nei nomi buluka teu ghotilo are. Eghuteuna mare ginauna goigonidi nomi gaju grep nei gaju fig teu ghotilo are. Uve, mae igre ginauna goigonidi fara nomi namono biꞌo ghotilo teke bara te maku ka thina igne.”

Nodi Khoje Hatimare Mae Jiu 50:3

Noda God na la meihi, nu mana na theome au kmu. Khaꞌaghi te mala nhako gobigna lepore na mei ke ulugna mana, eghuteuna nuri blahi balu nakhete na au faligohoni mana.

Jenesis 13:10

Mae Lot filo laodi vido glose te au pari ka sare gna khoꞌu Jordan te tei posa ka namono Soa. Mana laseni jare na kmana khoꞌu nei famane glose fara jateula nagare Eden nei jateula kantri Ijep eghu. Ka narane igne Lord theome roꞌedi ngau phei namono biꞌo Sodom ghe Gomora te au ka sare teuna.

Nodi Khoje Hatimare Mae Jiu 97:3

Lord na kulu kuru fajifla khaꞌaghi mala tei nakodi nogna naoka te au faligohoni teu mana re.

Profet Isaia 9:18

Puhi te diꞌa te eni mare igne jateula khaꞌaghi te nhako buburu fachuchurure te ghilei tei khasa ka gaju biꞌo matara eghu. Eghuteuna khujogna khaꞌaghi igne haghe ka maloa na jateula gromno biꞌo te mala nakhete ra eghu.

Profet Isaia 9:19

Diꞌatagna Lord mae ihei te au nolaghi fateote'o igne jateula khaꞌaghi eghu goigonidi namono nei iheire te au ka namono igre. Eghuteuna theo kaisei naikno nate mei te toghodi kheradire.

Profet Isaia 14:17

Igne jau si mae teke roꞌedi namono biꞌo ka nauthoglu igne teke jateula namono nagou teku nauthoglu igne ia? Igne jau si mae teke theome kokhonidi naiknore teke fasosolodi, nei theome snakredi mala ke pulo ka namonodi re teku ia?’

Profet Isaia 15:6

Khoꞌu biꞌo Nimrim igne ne krango soru, eghuteuna buburu te kotu ka gerigna khoꞌu na igre jaola ne kafe gnhagha soru, heva heva ka kantri igne. Theo kaisei glepo te kotu haghe jare na, naugna gobigna lepo fateote'o igre la kafe gnhagha soruhi gognarona.

Profet Esikiel 36:35

Eghuteuna naiknodi ka keha vikere ginauna cheke eghu, “Tore! Tifa na namono igne neke soro neke diꞌahi. Nu gognarona, famane fara jateula nagare Iden eghu filogna na, kela au glepo te keli tagna. Eghuteuna namono igre neke mei mae naoka neke roꞌe soru pari tifa. Nu gognarona naiknogna vido igne kela mei au ka namono igre, eghuteuna mare kela ringni thina faligoho nodi namono re.”

Profet Isaia 33:4

Ghotilo naikno ra! Kate rikha ghotilo na, mae naokare ginauna mei na jateula cheche te ghamu fateo gobigna lepo ka nagare ra eghu ghosei mei hata fahui nomi gobigna lepo ghotilo teke uludi ka magra ra.

Profet Habaku 1:6

Iara ginauna tusu lao nolaghi ka naiknodi Babilonia, iheire te glalama nei iheire te diꞌa puhidire. Maedi Babilonia igre tei ka namono te gnafa ka nauthoglu igne mala hata nodi namono keha naiknore.