Profet Jeremaea 9:5 - Buka Blahi Ka Cheke Holo

⁵ Leuleghu fata na mare chaichaghidi koba mae kheradi thedire. Eghume, theo kaisei naikno te chekeni unha te tutuani na. Foflodire fodu ka cheke te chaichaghi, eghuteuna puhi te diꞌa te eni fabrahu mare igne te faglaꞌedi mare na.

Profet Jeremaea 9:5 ပူးပေါင်းရင်းမြစ်များ

Profet Habaku 2:13

Ghotilo naikno te tapla faparidi nei fasosolodi teu naiknodi keha kantri ra, eghuteuna paradi fara kate edi nomi glepo ghotilore teura ginauna nhako ka khaꞌaghi. Lord mae ihei te au nolaghi fateote'o igne nate eni na puhi igne!

Profet Maeka 6:12

Leuleghu fata na naikno te dedei fara ka kantri igne theome gnafa te thofno chaghidi tafri fabrahu naikno te kuma. Naikno te gnafa igre theome cheke kate tutuani nu mare chaghi kolho.

Profet Isaia 57:10

Ghotilo la ghilei kmusa ka hirogna god igne. Nu neuba, ghotilo thono heta fara te eni puhi igne. Te ghathoni ghotilo na, god igreu nate farheta ghami ghotilo na, naugna igne te theome koko ghotilo puhimi te diꞌa igre.

Thoutonu Eigna Mae Job 15:5

Unha te chekeni iagho na, iagho fakakhana puhimu te diꞌa na. Eghuteuna iagho cheke jateula mae te chaichaghi eghu.

Ululahu Timoti 4:2

Nafnata farirhiu igre mei ka puhidi naikno te theome doglo nu lase chaichaghi fara, eigna gaoghathodi teke doglore la lehehi, jateula teke nhako ka khaꞌaghi te ngaja ia eghu.

Efesus 4:25

Eghume te keli na ghotilo lilisei puhi te chaichaghi gne. Eghuteuna unha te chekeni ghotilo ka naikno khiloaure glepo te tutuani na ngala, naugna tahati te gnafa na kaisei ngala ka thinigna Kraes.

Profet Maeka 6:3

Lord ne cheke eghu, “Ghotilo nogu naikno iara! Unha nafnata glepo te diꞌa teke edi iara teke goigonidi gaoghathomi ghotilo re? Unha nafnata puhi biꞌo teke edi iara te thofno ninhigrana fara ka nakarhami ghotilo re? Te keli na ghotilo cheke tughu ka iara!

Profet Esikiel 24:12

Nu mare theome tangomana te fagaeni na, eghume sospen baludi thona igre mala tei ke lamnagna khaꞌaghi igne.

Profet Jeremaea 9:8

Glapidire jateula jata eghu fada falehedi kheradi thedire. Eghuteuna foflodire cheke famaemahe ka naiknore. Nu neuba, naikno igre ghaoghaho mala falehe naikno.

Profet Jeremaea 9:3

Igne chekegna Lord: “Leuleghu fata na naikno igre jateula mae soldia te tarabana phaloho te mala fada falehe naikno ra eghu. Eghuteuna mare snakredi glapidire mala cheke chaichaghi jateula jata eghu. Naiknogna kantri igne theome cheke kate tutuani. Thono theo fara. Mare edi nafnata puhi te thono diꞌa fara igre, eghume mare theome tangomana te fatutuani ghau iara nodi God.

Profet Isaia 5:18

Kokhoni ghami fara ghotilo iheire te tapla jafra fabrahu ka nakhibo te theome tughu puhimi te diꞌa re!

Proveb 4:16

Mare theome thuru ghilei eni mare glepo te diꞌa na, ba goigonini keha mae na.

Nodi Khoje Hatimare Mae Jiu 140:3

Foflodire jateula khe'i phanaga eghu. Uve, cheke te diꞌare jateula poesen te jifla ka foflogna u phanaga ia eghu.

Nodi Khoje Hatimare Mae Jiu 64:3

Nodi chekere fnonu fara jateula naflahi eghu jaꞌi mei ghau iara. Mare tarabana mala ja'i ghau iara ka nodi cheke te thono diꞌa fara re.

Nodi Khoje Hatimare Mae Jiu 50:19

Leuleghu fata na ghotilo snakredi foflomi are te mala cheke diꞌa nei cheke chaichaghi teuna.

Nodi Khoje Hatimare Mae Jiu 7:14

Filo si ghotilo! Naikno te diꞌa tuare, mare la kulu ghaoghathonihi mala eni puhi te diꞌa na. Eghuteuna mare tangomana te chaichaghidi naiknore.

Thoutonu Eigna Mae Job 11:3

Ba, iagho gaoghathomu na ghetilo mala au kmu? Chekemu iagho igre diꞌa, eghume ghetilo mala cheke faheta ka iagho.

Jenesis 19:11

Eghuteuna phia mare ne fadodofu tathadi mae te au teu ke kosi gre. Aonu mae majaghani nei mae biꞌo teura ne kafe dofu ne theome tangomana te filoni grengatha gna suga na.

Nodi Khoje Hatimare Mae Jiu 52:3

Iagho theome magnahagheni puhi te keli na. Nu iagho magnahagheni kolho puhi te diꞌa na. Iagho theome magnahagheni te chekeni unha te tutuani na. Nu iagho magnahagheni kolho puhi te cheke chaichaghi na.

Profet Jeremaea 7:28

Eghume, gognarona iara magnahaghei nigho iagho te cheke eghu ka mare, ‘Naikno igre tirodi leghuni nogna vetula nodi God na, ba tughu puhidi te diꞌare. Theo kaisei naikno te tajini nhaꞌa cheke teke eni mare ka iara na. Theo kaisei naikno te au famaku ka iara na. Uve, theo kaisei naikno te fariu riu eni igne na.

Profet Jeremaea 12:6

Neuba thabusimu iagho igre baludi thofno tharaknamu iagho re, mare jaola figri tagru nigho iagho. Mare loku fodu baludi mae naoka mala cheke balu diꞌatadi ka iagho. Eghume, neuba mare ne cheke famane cheke eimu iagho, nu iagho thosei fatutuani di.”

Profet Jeremaea 12:13

Nogu naikno iara igre ginauna joꞌu famane sisi wit ka nagare, nu ka narane te mala atha gano na, mare na atha phono kolho. Mare ginauna loku heta, nu mare na theome tangomana nate filoni sisigna nodi gloku na. Tore! Sisi te atha ghotilo igre theome kmana, eghume ghotilo mamaja nomi fara kolho. Igne ikoi fara naugna iara Lord thono diꞌatagu fara ka ghotilo.”

Profet Jeremaea 13:23

Ba, mae te pipito na tangomana teke tughu thinigna na teke vegha na? Ba, phusi mata na tangomana teke tughu thinigna te thuthunu na? Thono theo fara. Ghotilo jateula tuana eghu theome tangomana te koko puhimi te diꞌare mala teke eni puhi te keli na.

Profet Jeremaea 51:58

Lord mae ihei te au nolaghi fateote'o igne ne cheke eghu, “Gringni biꞌogna namono te maku fara igne ginauna phaꞌe grofo soru pari. Eghuteuna baragna namono te haghe fara kligna igne ginauna gnhubra ka khaꞌaghi. Naiknodi kantri te gnafa teke uludi ghotilo naiknomi Israel igre na loku heta fara na ghilei glaꞌe soru, nu mare na theome uluni kaisei glepo maladi thedi. Nu gobigna lepo teke babana mae Babilonia igre ginauna gnhubra ka khaꞌaghi!”

Profet Jeremaea 51:64

Aonu iagho na cheke eghu, ‘Babilonia gne ginauna plulu pari jateula pepa brahu igne eghu, eghuteuna naꞌa ginauna na theome tangomana nate ke kegra haghe na. Naugna, iara Lord ginauna goigoni ni namono igne.’ ” Igne gnafa gna nogna cheke mae profet Jeremaea.

Profet Malakai 2:10

Mae profet Malakai ne cheke eghu ka mare, “God na kmada tahati, mana teke vuavuha ghita tahati gnafa. Jame te eghu na, naugna unha si ghotilo te theome leghuni u nhaꞌa cheke teke eni God baludi ku'eda tifa ra? Ba? Naugna unha si ghotilo te goigoni noda na au fodu tahati gnea?

Jajis 2:10

Nu ke leghugna te lehe phagusu igne, iheire te gnafa teke kotu haghe ke leghudi mae igre neke theome ghatho tahuni Lord. Eghuteuna mare theome lasedi glepo biꞌo teke edi Lord ranghidi naiknodi Israel.

Proveb 12:5

Mae te doglo na, ghathoni fabrahu te mala eni puhi te doglo na. Nu mae te diꞌa na ghathodi fabrahu thua nafnata puhi te mala chaghidi naiknore.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”