Profet Jeremaea 9:3 - Buka Blahi Ka Cheke Holo

³ Igne chekegna Lord: “Leuleghu fata na naikno igre jateula mae soldia te tarabana phaloho te mala fada falehe naikno ra eghu. Eghuteuna mare snakredi glapidire mala cheke chaichaghi jateula jata eghu. Naiknogna kantri igne theome cheke kate tutuani. Thono theo fara. Mare edi nafnata puhi te thono diꞌa fara igre, eghume mare theome tangomana te fatutuani ghau iara nodi God.

Profet Jeremaea 9:3 ပူးပေါင်းရင်းမြစ်များ

Profet Jeremaea 9:8

Glapidire jateula jata eghu fada falehedi kheradi thedire. Eghuteuna foflodire cheke famaemahe ka naiknore. Nu neuba, naikno igre ghaoghaho mala falehe naikno.

Letas Teke Riso Tei Mae Pol Ka Khiloau Rom 3:13

“Unha te chekeni mare na, naiknore nabadi na mala lehe.” “Naugna mare cheke chaichaghi koba nei chekedire jateula mogo neu ne goigonidi naiknore.”

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Jajis 2:10

Nu ke leghugna te lehe phagusu igne, iheire te gnafa teke kotu haghe ke leghudi mae igre neke theome ghatho tahuni Lord. Eghuteuna mare theome lasedi glepo biꞌo teke edi Lord ranghidi naiknodi Israel.

Profet Jeremaea 31:34

Ginauna na theo kaisei naikno nate farirhiuni kheragna ba thabusigna na ka puhi te cheke eghu igne, ‘Ghotilo mala laseni Lord!’ Naugna ka narane tuana, naikno te gnafa igre ginauna lase ghauhi iara, neuba ihei ne fnakno ba theo. Iara ginauna atha fadelei thua glepo te diꞌa teke edi mare re, eghuteuna iara ginauna nake theome ghathodi nakhibodire.” Igne chekegna Lord.

Ululahu Samuel 2:12

Phei thugna mae Pris Eli igre theome mae pris keli, eghuteuna phiamare theome ghatho tahuni Lord.

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Filipae 1:28

Eghuteuna thosei mhaghudi iheire te theome magnahaghei ghami ghotilo na, nu te keli na kegra maku koba. Te eni ghotilo tuana na, mare ginauna laseni te theo kaisei nodi nolaghi te mala falehe ghami ghotilo na. Nu mare ginauna laseni God ngala te au nolaghi te mala fakarhi ghami ghotilo na nei paradi mare.

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Letas Teke Riso Tei Mae Pol Ka Khiloau Rom 1:16

Tutuani, iara theome mamajani te toutonuni u Nonomho te Keli na, naugna Nonomho te Keli na nogna nolaghi God mala fakarhidi gnafa iheire te fatutuani ni mana. Ulu lahu na mana fakarhidi naikno Jiu iheire te nomhini igne, eghuteuna ke leghu na mana jaola fakarhidi iheire te theome Jiu.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Nonomho Te Keli Teke Risoi Mae Mak 8:38

Eghume iheire te tirodi ghau iara nei tirodini chekegu iara na ke uludi naikno te diꞌa kau nauthoglu igne, iara ginauna na tirogudi naikno te tirodi ghau iara tuare ka narane na teke pulo mei iara balu nogna nolaghi biꞌo mae Mama nei balu engel te blahi.”

Profet Jeremaea 22:16

Kate fatedi naikno te kuma nei naikno te glaꞌe teu igre, mana phile ka mare. Ka puhi igne mana fakakhana te lase ghau iara na.

Profet Jeremaea 9:5

Leuleghu fata na mare chaichaghidi koba mae kheradi thedire. Eghume, theo kaisei naikno te chekeni unha te tutuani na. Foflodire fodu ka cheke te chaichaghi, eghuteuna puhi te diꞌa te eni fabrahu mare igne te faglaꞌedi mare na.

Profet Jeremaea 7:26

Nu ghotilo theome fanomho ka nogu cheke iara igre. Phaꞌumi ghotilore jateula thina eghu edi koba glepo te diꞌare salaꞌudi mae kuꞌemi tifa ra.’

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Levitikas 19:11

“Ghotilo thosei blau, ba thosei chaghi tafridi keha kherami re.

Profet Isaia 1:3

Buluka na laseni mae khotogna na, eghuteuna dongki na laseni mae teke reireghini te faghamuni na. Nu nogu naikno iara Israel igre theome lase ghau iara. Uve, nogu naikno iara igre theome laseni kaisei glepo te keli.”

Profet Isaia 3:5

Naiknore ginauna fari pholai fari thedi. Naiknore ginauna theome keli ranghidi kheradi fofodure, eghuteuna mae nalhaꞌu majaghani nei gaꞌase majaghani teu igre ginauna theome ghatho tahudi naikno biꞌo nei mae biꞌo teure. Eghuteuna naiknore ginauna maꞌedi kolho nomi mae funei ghotilore.

Profet Isaia 6:5

Aonu iara mhaghu nogu fara ne cheke eghu, “Tore! Iara theome nabagu te karha na, naugna cheke te gnafa te jifla mei ka foflogu iara na igre fodu ka nakhibo, eghuteuna iara au baludi naikno te diꞌa igre! Neuba ngau, iara la filonihi King igne, Lord mae ihei te au nolaghi fateote'o.”

Profet Jeremaea 5:4

Igne unha te ghathoni iara na, naikno igre kuma fara tutuani. Mare theome laseni puhigna Lord te doglo na, eghuteuna mare jaola theome laseni nogna vetula mana na.

Profet Jeremaea 5:5

Eghume, iara ginauna tei filodi nodi lida mae igre mala toutonu baludi. Jau mare tangomana te lase fakelidi nogna puhi te doglo nei nogna vetula teu mana re. Nu gaoghathodi mae lida te gnafa igre kaisei nanaba kolho te mala tirodi leghuni nogna vetula Lord na, eghuteuna mare leghudi kolho nodi puhi thedi te diꞌare.

Profet Daniel 11:27

Neuba phei king igre ne gnokro fodu ne ghamu ka kaisei tevo kolho, nu gaoghathodi phei mae igre ginauna theome keli kolho. Phei mae igre ginauna chaichaghi fari thedi kolho. Eghuteuna phei mae igre ginauna na theome thokeni unha teke magnahagheni phia mare na, naugna theome thokeniu narane teke vahini God na.

Jenesis 39:16

Khetogna mae Potifa na louloku neu nogna phoko mae Josep na ne ghilei ruma mei mae Potifa ka suga na.

Jajis 14:17

Aonu gaꞌase igne ne tanhi fabrahu ka mana ne ghilei thokeni fafitugna narane gaghamu igne. Eghuteuna naugna te tanhi fabrahu fara naꞌa igne, eghuteuna naꞌa toreni mana fabrahu kmana fata teu igne, ka fafitu narane na Samson ne cheke thakleni gaoghathogna grougromu igne ka naꞌa. Eghuteuna naꞌa tei ne cheke ka kheragna re.

Proveb 12:5

Mae te doglo na, ghathoni fabrahu te mala eni puhi te doglo na. Nu mae te diꞌa na ghathodi fabrahu thua nafnata puhi te mala chaghidi naiknore.

Profet Isaia 9:18

Puhi te diꞌa te eni mare igne jateula khaꞌaghi te nhako buburu fachuchurure te ghilei tei khasa ka gaju biꞌo matara eghu. Eghuteuna khujogna khaꞌaghi igne haghe ka maloa na jateula gromno biꞌo te mala nakhete ra eghu.

Profet Jeremaea 6:28

Mae igre thono faꞌiho fara phaꞌudire. Uve, phaꞌudire maku fara jateula bras ba aean eghu, eghuteuna mare tirodi fara te leghudi nogu cheke iara re. Mare te gnafa na la thono diꞌa farahi, eghuteuna mare tei tafri koba mala cheke fadiꞌani keha mae na.

Profet Jeremaea 12:6

Neuba thabusimu iagho igre baludi thofno tharaknamu iagho re, mare jaola figri tagru nigho iagho. Mare loku fodu baludi mae naoka mala cheke balu diꞌatadi ka iagho. Eghume, neuba mare ne cheke famane cheke eimu iagho, nu iagho thosei fatutuani di.”

Profet Esikiel 8:13

Lord neke cheke eghui ka iara, “Iara ginauna fakakhana ka iagho mala filoni mare te edi glepo te thono diꞌa fara te salaꞌui igre!”

Mae Khuru 24:9

Keha mae Jiu kaisei gaoghatho ne toghoni mae Tetelas ne kafe cheke eghu, “Glepo te chekedi mana tuare thofno tutuani fara.”