Profet Jeremaea 9:2 - Buka Blahi Ka Cheke Holo

² Iara magnahaghei kaisei nogu suga mala faghaghafa ke lamna namono nagou. Eghuteuna iara ginauna rikhadi naikno te au ka suga igne. Naugna mare jateula naikno te huhughuni puhigna tholaghi na ia eghu tei kokoni God.

Profet Jeremaea 9:2 ပူးပေါင်းရင်းမြစ်များ

Profet Jeremaea 23:10

Kantri igne fodu ka naikno te theome ghatho tahuni Lord, mare jateula naikno te huhughuni puhigna tholaghi na ra eghu. Naugna igne, Lord ginauna tibrini glose igne mala theome karha kaisei gano tagna. Eghuteuna vido teke fodu ka buburu igre ginauna kafe gnhagha soru. Mae profet igre leghuni kolho puhi te diꞌa na, eghuteuna mare loku heta ka puhi te theome doglo.”

Profet Hosia 4:2

Ghotilo nhaꞌa cheke koba ka iara, nu ghotilo theome leghudi kolho nomi nhaꞌa cheke re eghu. Tore, ghotilo naikno chaichaghi fara, nei mala falehe naikno, nei mala blau, nei mala theome leghuni puhigna tholaghi na. Ghotilo theome leghudi nogu vetula iara re ne paradi koba naiknore.

Profet Hosia 7:4

Eghuteuna gaoghatho te diꞌa na thofno brana fara jateula khaꞌaghi te nhako fahui namhata na ia eghu ka nagnafadire.

Profet Jeremaea 12:6

Neuba thabusimu iagho igre baludi thofno tharaknamu iagho re, mare jaola figri tagru nigho iagho. Mare loku fodu baludi mae naoka mala cheke balu diꞌatadi ka iagho. Eghume, neuba mare ne cheke famane cheke eimu iagho, nu iagho thosei fatutuani di.”

Profet Jeremaea 12:1

Lord, iagho eni fabrahu puhi te doglo na, eghume, iara theome tangomana te fapholai balumu iagho na. Nu iara magnahaghei te ghusna ka iagho eidi keha puhi te theome raꞌe glola ka gaoghathogu na. Ba, ne faꞌunha si mae te diꞌa puhidire igre te au fakeli nodi koba grea? Ba, ne faꞌunha si mae te theome namo ka iagho igre te au ka nakarha te keli igrea?

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Profet Malakai 2:11

“Ghotilo naiknomi Juda huhughuni nhaꞌa cheke teke eni tahati balugna God. Uve, ghotilo Jerusalem nei keha vido te gnafa ka kantri igne edi glepo te thono diꞌa fara. Ka puhi te tolaghi ghotilo ka gaꞌasedi keha kantri delei te pogho soru te tarai ka mumuju, eghuteuna ghotilo mei ne eni puhi te diꞌa na ka nogna Sugablahi Lord.

Profet Sefanaea 3:4

Hatimare mae profet igre fahaeghe fara, eghuteuna mare toutonu eidi unha te theome mei funudi ka Lord. Mae pris igre mare lausasaba di kolho glepo te blahi re, eghuteuna mare theome leghuni nogna vetula God te mala toghodi thedi na.

Profet Hosia 6:7

Naikno igre jateula mae Adam teke huhughuni nogu nhaꞌa cheke iara ia eghu, eghuteuna jaola tirodi ghatho tahu ghau iara.

Profet Hosia 5:7

Ghotilo la tei kokonihi Lord mae ihei te jateula khetomi teu ghotilo na, eghuteuna ghotilo theome leghuni puhigna tholaghi na. Jaola, thumi ghotilo igre ginauna theome nogna mana. Ghotilo jateula thugna thau vine eghu kolho. Naugna ghotilo ne tarai ka mumuju, eghuteuna Lord ginauna theome raugha mei goigoni ghami ghotilo maemi Israel baludi nomi namono re.”

Profet Jeremaea 5:11

Naiknodi phei kantri Juda ghe Israel igre figri thagru ghau iara.”

Profet Jeremaea 13:22

Ghotilo na ghusna eghu, “Naugna unha site thoke ghita tahati glepo igrea?” Uve, glepo igre thoke ghami ghotilo, naugna leuleghu fata na ghotilo tapla jafra ka nakhibo. Mae naoka gre jateula te koko nomi pohe ghotilore te ei puhi diꞌa na ka ghotilora eghu.

Profet Maeka 6:12

Leuleghu fata na naikno te dedei fara ka kantri igne theome gnafa te thofno chaghidi tafri fabrahu naikno te kuma. Naikno te gnafa igre theome cheke kate tutuani nu mare chaghi kolho.

Profet Malakai 2:14

Ba? Naugna unha site eghu ghotilo gnea? Mana theome magnahaghedi unha te tufa ghotilo ka mana re, naugna mana lasedi te theome tajini ghotilo nomi nhaꞌa cheke teke eni ghotilo ka tholaghi ia kate tolaghi. Kani teke majaghani na ghotilo neke nhaꞌa cheke ka khetomire. Eghuteuna neubane eghu ngau, ghotilo theome leghuni kolho nomi nhaꞌa cheke na.

Jajis 2:10

Nu ke leghugna te lehe phagusu igne, iheire te gnafa teke kotu haghe ke leghudi mae igre neke theome ghatho tahuni Lord. Eghuteuna mare theome lasedi glepo biꞌo teke edi Lord ranghidi naiknodi Israel.

Profet Isaia 59:3

Ghotilo naikno mala chaghi nei mala cheke diꞌa eghu! Ghotilo naikno mala magra nei mala falehe naikno eghu!

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Profet Jeremaea 5:1

Lord ne cheke eghu, “Ghotilo chari tafri ka nabrou biꞌo nei ka glalaba te gnafa ka namono biꞌo Jerusalem. Jame te filoni ghotilo kaisei mae te lase cheke tutuani nei eni unha puhi te doglo teuna, iara ginauna atha fadelei nakhibomi ghotilore.

Profet Jeremaea 5:2

Kate eni ghotilo kaisei nhaꞌa cheke na, ghotilo cheke tutuani kligna ka nanghagu iara Lord. Nu ghotilo chaichaghi nei tharuma'ei cheke eghu kolho.”