Profet Jeremaea 8:8 - Buka Blahi Ka Cheke Holo

⁸ “ ‘Theome doglo te cheke eghu ghotilo na, “Ghehati lalase, naugna ghehati laseni fara nogna vetula Lord na.” Filo si ghotilo! Neubane mae velepuhidi vetula igre, mare chaichaghi kolho ke tuthughu nogna vetula God na.

Profet Jeremaea 8:8 ပူးပေါင်းရင်းမြစ်များ

Jone 9:41

Mae Jisas ne cheke eghu ka mare, “Te dofu tutuani ghotilo na, ghotilo jame theome jafra. Nu te chekeni ghotilo na, ‘Ghehati la lasenihi u tutuani na teuna!’ Tuana ngala gaoghathogna te chekeni iara ne jafra fara ghotilo teuna.”

Letas Teke Riso Tei Mae Pol Ka Khiloau Rom 1:22

Neubane cheke eghu mare, “Ghehati lalase fara,” mare la meomekrohi.

Matiu 15:6

Ghotilo farirhiuni naikno tuana mala thosei toghodi idogna kmagnare. Eghume, te leghuni ghotilo nomi kastom themi tuana, ghotilo theome ghatho tahuni kolho chekegna God na.

Nodi Khoje Hatimare Mae Jiu 147:19

Lord na tusu mei nogna cheke nei vetula teure mala farirhiu ghita tahati naiknoda Israel.

Thoutonu Eigna Mae Job 12:20

Mana fofotho foflodi mae iheire te cheke fajifladi cheke te keli, eghuteuna hata koko glalase ka goro mae biꞌo.

Profet Hosia 8:12

Iara neke rioriso kmana vetula maladi mare, nu ka gaoghathodi mare na, vetula igre jateula te maladi keha vikei ra eghu kolho.

Proveb 17:6

Kuꞌedi kavedire fahaehaghedi fara gradire, eghuteuna goro suare jaola kelitadi fara ka kmadi idodi.

Thoutonu Eigna Mae Job 11:12

Naikno te theo kaisei glalase ka phaꞌugna na, mana theome tangomana te leghuni puhi te lalase na. Kaisei nanaba ka puhigna dongki te theome tangomana te karha thugna naikno!

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Profet Jeremaea 18:18

Naiknore ne cheke eghu, “Tore, tahati na hironi kaisei nabrou te mala fadiꞌani mae profet igne. Nogna cheke mana igre theome tutuani. Mae pris igre ginauna au baluda fabrahu te mala farirhiu ghita na. Eghuteuna mae glalase igre ginauna au baluda fabrahu te mala tusu ranghi ghita gaoghatho te keli na. Eghuteuna noda mae profet tahati igre jaola au baluda te mala toutonu ranghi ghita nodi cheke hatimare mae profet ra. Eghume tahati tiroda fanomho ka nogna cheke mae Jeremaea igre.”

Profet Jeremaea 19:7

“ ‘Eghuteuna ka vido igne iara ginauna goigonidi nodi gaoghatho maedi Juda nei Jerusalem. Iara ginauna snakredi nodi naoka mare are mala falehedi mare ka magra. Eghuteuna iara ginauna snakre lao ka nanghaji nei ka glepo te tautagu eghu mala ghamu fateo thinidire.

Profet Isaia 43:27

Kuꞌemi ghotilo tifa ra neke tapla jafra ka nakhibo, eghuteuna nomi mae mala baubatu ghotilo ra jaola neke theome leghuni chekegu iara na.

Profet Jeremaea 2:8

Hatimare mae pris theome ghatho ghau iara. Mae te lasedi nogu farirhiu iara igre theome lase ghau iara. Hatimare mae mala baubatu igre figri tagru ghau iara. Eghuteuna hatimare mae profet igre jaola cheke fakelini nanghagna god Baal. Mare pogho soru ka mumuju god te theo nafugna igne.”

Profet Jeremaea 48:14

“Ghotilo naiknomi Moab! Naugna unha site cheke eghu ghotilo gnea, ‘Ghehati mae nheta mala magra, ghehati mae soldia theome tangomana te mhaghu na’?