Profet Jeremaea 8:5 - Buka Blahi Ka Cheke Holo

⁵ Nu ghotilo naikno te au ka namono Jerusalem, ghotilo tei koko ghau iara, ghotilo tiromi teke figri mei ka iara na. Ghotilo fatutuanidi nomi chaichaghi themire neke tiromi pulo mei ka iara.

Profet Jeremaea 8:5 ပူးပေါင်းရင်းမြစ်များ

Profet Jeremaea 9:6

Ghema Jeremaea. Iagho tei au fari hoteidi naikno te chaichaghi koba nei theome filo glani ghau iara teu are.” Igne chekegna Lord.

Profet Jeremaea 5:3

Lord, iagho magnahaghedi iheire te cheke kate tutuani koba. Neuba iagho ne paradi, nu mare theome haimini te kabru ghedi na. Neuba iagho ne goigonidi, nu mare theome snakre nigho iagho te mala fadoglidire. Phaꞌudire maku fara jateula thina eghu. Eghuteuna mare thono tirodi te tughu nagnafa na.

Profet Sekaraea 7:11

“Nu khuꞌemi ghotilo tifa ra neke patu gama fara, eghuteuna mare tirodi fanomho ka nogu cheke iara re. Mare kafe figri tagru ka iara,

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Jone 5:40

Neubane eghu ngau ne cheke eigu iara u grioriso te blahi gre ghotilo theome magnahagheini te mei ka iara te mala athini u thofno karha tuana.

Profet Hosia 11:7

Nogu naikno iara igre au nodi gaoghatho te mala figri tagru ghau iara na. Uve, neuba mare ne eha mei ka iara God mae ihei te au nolaghi fateote'o, iara ginauna na theome toghodi.

Profet Jeremaea 5:27

Mare jateula kharaꞌo te fodu ka nanghajira eghu fodu nodi suga mae te diꞌa igre ka glepo teke atha mare ka puhi te chaghidi naiknore. Ka puhi igne mare dedei fara nei au nodi nolaghi biꞌo eghu.

Profet Isaia 44:20

Nu neuba, mae igne theome laseni unha te eni na. Eghuteuna gaoghatho te jafra na batu fadiꞌani mana. Mana jateula mae te ghamu nakrofu ra eghu kolho. Mana theome tangomana te fakarhini thegna na, ba te cheke eghu na, “Mumuju te hata iara igne theome god tutuani, kaisei vido gaju kolho!”

Profet Isaia 30:10

Leuleghu fata na naiknore tangomana te cheke eghu ka nogu mae profet iara igre na, ‘Ghotilo mae profet ra thosei filodi mifi are! Ghotilo mala fakakhana ka ghehati puhi te doglo igne! Ghotilo mala chekeni kolho unha te magnahaghei nomhini ghehati na! Uve, ghehati magnahaghei nomhidi kolho famane chekere.

Thakle 2:25

Uve, te chekeni iara ka ghotilo na, loku famaku ka puhi te keli te au ka ghotilo are ghilei thokeni narane nate ke pulo mei iara na.’

Ululahu Tesalonika 5:21

Nu fariuriudi gobigna lepo fateote'o. Loku famaku ka unha te keli.

Profet Hosia 4:16

Phaꞌumi ghotilo maemi Israel igre jateula phaꞌu buluka eghu theome lalase. Iara magnahaghei te faghamu ghami ghotilo jateula mae greireghi sipu ra eghu. Nu theo eghu, naugna ghotilo ne patugama fara.

Profet Jeremaea 2:32

Ba, gaꞌase te jifla kokoni nogna suga na te mala tolaghi na, naꞌa tangomana te ghatho ihodi nogna famane pohe nei khome teure? Theo fara! Nu ghotilo nogu naikno iara gre, ghotilo ghatho iho ghau iara fabrahu.

Profet Isaia 1:20

Nu jame te tiromi leghuni ghotilo nogu cheke iara igne te figri tagru ghau iara na, iara ginauna snakredi mae naokare mala mei falehe ghami ghotilo.” Iara Lord te chekeni igne!

Proveb 4:13

Leuleghu fata na iagho loku famaku nei reireghi fakelini eghu nogu famane cheke iara igne. Naugna igne ngala jateula nafugna teu nakarhamu iagho na.

Profet Jeremaea 5:6

Naugna igne, Lord ginauna paradi mae igre. Mana ginauna na jateula kaisei lion te jifla mei funu mata ra eghu mei falehedi mare. Eghuteuna kaisei khuma mata ginauna mei funu ka namono nagou mala mei goigonidi mare. Kaisei khurau biꞌo ginauna ofou rhedi namono biꞌo igre malagna ihei te jifla mei ka namono tuana mala kina sasakani theo tokagna. Uve, Lord ginauna paradi mare, naugna nakhibodire kmana fara, eghuteuna kmana fata mare tei kokoni Lord.

Profet Jeremaea 14:7

Aonu naiknore na cheke eghu, “Lord, tutuani fara ghehati la figri tagru nighohi la edi kmana nakhibo ka tathamu iagho na. Nu kokhoni ghami nei togho ghami eghu mala fafnaknoni naiknore nanghamu iagho na. Tutuani kmana fata ghehati lisa koko nighohi, nei ei puhi diꞌa ranghi nigho.

Profet Daniel 9:11

Ghehati naiknomi Israel te gnafa na theome leghudi kolho nou vetula iaghore, nei jaola theome leghu nigho iagho. “Ghehati tapla jafra ranghi nigho iagho, naugna igne, puhi biꞌo te rioriso soru nou mae gloku iagho Moses ka vetula na igre, iagho teke edi re mala thoke ghami ghehati.

Profet Jeremaea 3:5

Iagho diꞌatamu ka ghehati gognaro na? Te eghu na, niha nau nate gnafa iagho te diꞌatamu ka ghehati na? Niha fata para ghami ghehati sagho ia?’ Igne nomi cheke kolho ghotilo, nu ghotilo theome gnafa te eni puhi te diꞌa na.”

Profet Jeremaea 6:17

Iara neke lilisei mae greireghi mala togho ghami ghotilo, neke cheke eghu ka ghotilo, ‘Ghotilo fanomho fakeli kate kufli mae greireghi igre.’ Nu ghotilo neke cheke eghu, ‘Ghehati theome tangomana te fanomho ka nodi cheke mae greireghi igre na.’ ”

Profet Jeremaea 6:19

Ghotilo naikno te gnafa ka nauthoglu ignera, famane fanomho mei! Kaisei puhi biꞌo ginauna thokedi nogu naikno iara igre, naugna mare ne leghuni fabrahu puhi te diꞌa na. Mare theome fanomho ka nogu cheke iara re, nei tirodi leghudi nogu vetula iara re.

Profet Hosia 11:5

Nu mare tirodi fara teke pulo mei ka iara na. Naugna igne mare nabadi teke figri Ijep na, eghuteuna maedi Asiria igre ginauna nake funei frunidi mare.

Profet Hosia 13:2

Gognarona mae Israel igre mare leghuni puhidi vikegna mae Ifreim te diꞌa igre, mare tapla jafra fabrahu ka nakhibo. Mare theome gnafa te hohoro mumuju ka silva te mala tarai nei pogho soru ranghini teuna. Mumuju igre neke hohoro kolho naikno leghuni nogna glalase na. Naiknodi keha kantri te au faligohodi mare igre cheke eghu, “Mae Israel igre mare falehe naikno mala fafara ka mumuju, eghuteuna mare gnangho ka mumuju buluka igne.”