Profet Jeremaea 7:34 - Buka Blahi Ka Cheke Holo

³⁴ Ginauna na theo kaisei naikno nate au ka namono biꞌo Juda nei ka nabrou Jerusalem. Iara ginauna eni glepo igne, eghuteuna puhi aublagna nei gleale'a, nei naogladi gaghamu biꞌo nei tholaghi majaghani teu igre ginauna theome nomhidi. Uve, vido kantri igne ginauna thofno krogha na theo kaisei naikno nate au tagna na.”

Profet Jeremaea 7:34 ပူးပေါင်းရင်းမြစ်များ

Thakle 18:23

Ginauna jaola theo kaisei juta nate phae na, eghuteuna ginauna theo kaisei naikno nate tangomana te jaola te tolaghi ke lamnamu iagho na. Tifa na, nou mae mala foifoli iagho re neke mae biꞌo fara ka nauthoglu igne. Eghuteuna iagho neke chaichaghidi naiknodi namono te gnafare te mala leghudi kolho nou cheke themure nei mala ghatho ihoni God.”

Profet Hosia 2:11

Iara ginauna na theome snakredi ka naꞌa narane gaghamu khafa, narane Sabat, nei keha nafnata gaghamu biꞌo te tei tarai koba naꞌa leuleghu finogha ka mumuju are.

Profet Esikiel 26:13

Iara ginauna theome snakreni ka ghotilo khoje teke koje koba ghotilo ra, ba theo kaisei naikno na teke nomhidi naogladi ghita ra.

Profet Jeremaea 25:10

Iara ginauna na fagnagnafa puhi te koje balu gleale'a ghotilo igne, eghuteuna theo kaisei naikno nate ke tolaghi nei glealeꞌa teuna. Uve, ginauna na theo kaisei naikno nate loku ka wit te mala kuki bret, ba oliv oel te mala juta na.

Profet Jeremaea 16:9

Iara nomi God ghotilo maemi Israel, iara Lord mae ihei te au nolaghi fateote'o. Te chekeni iara ka ghotilo na: Ghotilo ginauna thofno filo tathami ka namono igne, ka vido aheva te filo teu ghotilo na, iara ginauna thofno fahuini naogladi naikno te gleale'a nei nodi naogla gleale'a gaghamu tholaghi mae nalhaꞌu majaghani nei gaꞌase majaghani.

Profet Isaia 1:7

Nomi naoka ghotilore la gnubrahi nomi namono ghotilore nei goigonihi nomi kantri ghotilore. Mare blau gano ka nomi nagare ghotilore kate filo teu kolho ghotilo na. Maedi ka keha namonoi te mei goigonidi gobigna lepo ka nomi kantri ghotilo igne.

Levitikas 26:33

Iara ginauna kurudi nomi naoka ghotilo are mala ngolhi fajifla ghami ghotilo mala tei au tafri ka keha kantri delei. Eghuteuna ke leghu, mare ginauna goigoni fahui nomi namono ghotilo are ghilei krogha.

Profet Maeka 7:13

Nu keha vido te gnafa ka nauthoglu igne aheva te au teu nogna naoka Lord, ginauna vuhai namono nagou, naugna naikno gnare te leghudi fabrahu puhi te diꞌa re.

Profet Jeremaea 4:27

Lord ne cheke eghu, “Nauthoglu igne ginauna krogha, nu iara na theome goigonini eghu.

Profet Isaia 3:26

Aonu naikno te gnafa ka nomi namono te theome lehe nga teura ginauna diꞌanagnafa nei tanhi eghu, naugna namono igne ginauna na jateula kaisei gaꞌase te mei naikno te hata fateo nogna gobigna lepora eghu.

Profet Jeremaea 33:10

“Lord ne cheke eghu: Tutuani fara! Ghotilo cheke eghu koba, ‘Namono igne thono diꞌa fara jateula namono nagou te theo kaisei naikno, ba kaisei glepo te tautagu te au tagna ra eghu.’ Eghuteuna cheke igne thofno tutuani fara. Namono Juda nei nabrou biꞌo ka namono Jerusalem igre eghu thono krogha fara theo kaisei naikno nei theo kaisei glepo te tautagu eghu te au jare na. Nu ke leghu na, ka namono igre naiknore ginauna tangomana te nomhidi

Profet Isaia 6:11

Aonu iara ne ghusna eghu, “Lord, niha nau gnafa nga iara ka gloku igne?” Mana ne cheke eghu ka iara, “Ginauna au eghu ghilei thoke mei narane namono te gnafa Israel igre na krogha nei diꞌa fara teuna,

Nodi Khoje Hatimare Mae Jiu 78:63

Hatimare mae nalhaꞌu majaghani ra ne kafe lehe ka magra, aonu goro gaꞌase majaghani ra theo kaisei mae nalhaꞌu te mala tolaghi ka reꞌe na.

Profet Jeremaea 22:6

Lord ne cheke eigna nogna suga mae king gna Juda. Mana ne cheke eghu: “Suga igne thono famane fara jateula namono Gilead nei Thogele Lebanon teura eghu. Nu neuba, iagho ginauna na jateula namono nagou te theome au kaisei naikno tagnara eghu.

Profet Jeremaea 27:17

Ghotilo thosei fanomho ka nodi cheke mae igre. Te keli na ghotilo au ke parigna nogna nolaghi king gna Babilonia, te eghu na ghotilo ginauna au fakeli nomi. Na eghunu groꞌe namono igne eghu.

Profet Jeremaea 44:6

Naugna igne, iara falalase diꞌatagu na ka mare jateula khaꞌaghi ngaja te theo kaisei naikno te puri faleheni ra eghu. Iara neke goigoni namonodi Juda, nei nabrou te gnafa Jerusalem. Uve, glepo igre diꞌa fabrahu ghilei mei posa ka narane gognarogne.

Lamentations 5:14

Mae mala baubatu re theome gnokro ka vido mala fari thafoi ka namono na, eghuteuna mae majaghani re theome lalahu gita.

Thoutonu Eigna Mae Job 3:7

Thosei snakreni kaisei gaꞌase mala bukla ka bongi tuanala. Eghuteuna thosei snakreni kaisei naikno mala glealeꞌa ka bongi tuana.

Profet Jeremaea 4:26

Namono te keli ia kela kaisei namono nagou kolho. Eghuteuna namono te gnafa teke au ka vido tuana ra jaola groꞌe dofidi, naugna Lord ne diꞌatagna fara ne snakredi mae naoka igre ne eni nafnata puhi igne.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Profet Esikiel 7:11

Mae iheire teke goigonidi keha naikno ra gognarona kela mae mala baubatu. Nu theo kaisei naikno ka igre nate karha na eghu. Uve, nodi dedei te gnafa, nei glepo keli te gnafa, nei nodi nafnakno te gnafa teu mare igne ginauna dofidi hui.

Profet Hosia 2:13

Iara ginauna parani naꞌa, naugna naꞌa ne ghatho iho ghau iara ne tei fafara ka mumuju Baal. Eghuteuna naꞌa lalaoni geghesugna nei khuligna teure ka ring baludi keha nafnata glepo te famane siasigla teke tufa mae iheire teke tei naꞌa baludire. Nu naꞌa ghatho iho ghau iara.” Igne chekegna Lord.