Profet Jeremaea 7:18 - Buka Blahi Ka Cheke Holo

¹⁸ Goro suara salo gaju mei, eghuteuna mae kmadira eꞌei khaꞌaghi, eghuteuna idodira ngigno flaoa mala eꞌei bret mala fafara ka god gaꞌase Kuin Gna Kligna. Mare jaola toatofa waen ka keha god te mala pogho soru mare tadi re. Mare edi igre mala goigoni ghau iara kolho.

Profet Jeremaea 7:18 ပူးပေါင်းရင်းမြစ်များ

Profet Jeremaea 19:13

Ghotilo gahu insens mala pogho soru ka nathunu ke kligna suga Jerusalem, nei ka sugadi hatimare mae king. Eghuteuna ghotilo tofa waen ke kligna olta mala kilo fnaknodi keha god. Suga te gnafa igre ginauna kafe chara fara jateula namono Tofet eghu ka tathagu iara na.’ ”

Ululahu Korin 10:22

Ba, tahati magnahagheni Lord te diꞌatagna? Ba, tahati nheta fara uluni mana? Theo fara!

Ululahu Kings 14:9

Nakhibo te edi iagho re biꞌo fara salaꞌudi nakhibo teke edi naiknodi Israel tifa ra. Iagho figri tagru ghau iara, eghuteuna iagho horo phei god ka mumuju buluka nalhaꞌudi ka gol mala tarai tagna. Ka puhi igre te thono diꞌatagu fara iara na.

Profet Jeremaea 32:29

Maedi Babilonia igre ginauna thofno nako fahui namono biꞌo igne baludi gobigna lepo fateote'o te au ke lamnagna. Naugna naikno gna namono igne ne tei horo olta ke kligna suga nei gahu insens ka god Baal, nei tofa waen ka mumuju. Puhi te eni naiknore igne te thono diꞌa taguni fara iara na.

Profet Jeremaea 25:7

Nu neuba nogu mae profet iara igre ne toutonuni chekegu iara na, ghotilo tiromi fanomho kolho. Eghuteuna ghotilo tarai koba ka mumuju teke sari themire, naugna igne iara diꞌatagu fara ka ghotilo.” Igne chekegna Lord.

Profet Jeremaea 11:17

Iara Lord mae ihei te au nolaghi fateote'o, iara neke nhaꞌa soru ghami ghotilo ka vido te au ghotilo igne, jateula mae ihei te joꞌu famane gaju oliv ka nogna nagare na ia neku. Nu gognarona, iara ginauna na snakre mei puhi biꞌo mala thoke ghami ghotilo. Naugna ghotilo naiknomi Israel nei naiknomi Juda teu igre leghuni fabrahu puhi te diꞌa na. Ghotilo tarai koba ka god Baal, nafnata puhi te diꞌa te eni fabrahu ghotilo igne te diꞌataguni iara ka ghotilo na.

Profet Isaia 3:8

Puhi igne ginauna thoke mei tutuani ka naiknodi Jerusalem nei Juda, naugna nodi cheke nei nodi gloku teure faparini nei goigonini eghu Nanghagna Lord mae ihei te haghe fara. Mare edi koba puhi te diꞌa igre jateula naikno te thaviru tela ukahi pari ra eghu ka tathagna mana na.

Ululahu Kings 16:2

“Ghema Basa, tifa na iagho neke kaisei fiti mae kolho, nu gognarona iara neke vahi nigho iagho mala king ranghidi nogu naikno iara te au Israel igre. Nu iagho tapla jafra fabrahu ka nakhibo jateula teke eni King Jeroboam tifa ia neu. Eghuteuna iagho jaola batudi naiknodi Israel igre ka nakhibo. Igne te thono diꞌataguni fara iara ka iagho na.

Diutronomi 32:21

Iara goghotu ka ghotilo, naugna ghotilo ne pogho soru ka god te theo nafudi kolho are. Iara diꞌatagu fara ka ghotilo, naugna ghotilo ne magnahagheidi mumuju blahi te theo nafudi are. Eghume iara ginauna chekedi naikno te theo nafudi kolho are mala famamaja ghami ghotilo. Eghuteuna iara ginauna eni igne mala diꞌatami ghotilo ka iheire te theo tadi kaisei gaoghatho te keli.

Diutronomi 32:16

Kate pogho soru ghotilo ka keha god delei na, mana goghotu. Mana diꞌatagna fara ka nomi mumuju god ghotilo are.

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Profet Esikiel 20:28

Kate hata iara kuꞌemi ghotilo ra te tei au ka kantri teke nhaꞌa chekeni iara teke tusu falao ka mare igne na, mare neke filoni kaisei thogele kligna, ba kaisei gaju biꞌo te au kmana khaklagna mala fafara ka mumuju god ka vido tuana. Iara thono diꞌatagu fara kau fafara igre, nei ka waen te tusu lao mare ka god te chaichaghi igre.

Profet Jeremaea 44:25

Lord mae ihei te au nolaghi fateote'o, nodi God mae Israel igne ne cheke eghu: ‘Ghotilo te gnafa baludi khetomi ra, ghotilo neke nhaꞌa cheke ka Kuin gna Kligna mala gahu insens, tofa waen nei tarai eghu ka naꞌa.’ “Tutuani fara, ghotilo mala thofno tathaji nhaꞌa cheke igne!

Profet Isaia 65:11

“Nu puhi biꞌo ginauna thoke ghami ghotilo iheire te tiromi ghau iara ra, nei nogu Thogele Blahi iara Saion. Ghotilo tarai koba ka phei god chaichaghi Gad ghe Meni. Te chekeni ghotilo na phei god igre te funeidi gobigna lepo te keli nei gobigna lepo te diꞌa teu nate thoke ghami ghotilo.

Profet Isaia 65:3

Leuleghu fata na, ghotilo theome mamajadi koba glepo te diꞌa tagudi iara re. Iara theome gleꞌadi puhi te fafara koba ghotilo ka nomi mumuju god ke lamna nagare blahi, nei gahu insens mala pogho soru ka god te chaichaghi tuare.

Profet Isaia 57:6

Ghotilo sene thina salhu ka vido igne, aonu ghotilo pogho soru tagna jateula nomi god eghu. Ghotilo tofa waen ka thina igre, mala jateula nomi fafara eghu tadi, eghuteuna ghotilo jaola fafara gano ka thina igre. Ba, ne kelitagu iara te filodi glepo igre neu si ghotilo ia? Thono theo fara!

Nodi Khoje Hatimare Mae Jiu 16:4

Iheire te tufru soru ka mumuju tuare ginauna hata mei kmana hoholo kolho ka thedi. Iara ginauna na theome fafara fodu baludi, ba cheke thakledi nanghadi nodi god mare tuare.

Profet Jeremaea 7:17

Ba, iagho theome filodi puhi te diꞌa te edi maedi Juda te edi ka nodi namono re nei ka nabrou Jerusalem teu are?

Profet Jeremaea 17:2

Ghotilo jaola leghudi fabrahu puhidi vikemi tifa teke pogho soru ka nogna olta mumuju god gaꞌase Asera, ba ke pari gaju blahi, ba ke kligna thogele biꞌo.

Lamentations 5:13

Mare huhurudi mae majaghani re mala tugha thina biꞌo te mala ghorhu wit te mala ei flaoa re. Eghuteuna mae sitei re mala pala nanhiꞌo gaju te tahu fara mala gahu gano.

Profet Esikiel 8:17

Lord ne cheke eghu ka iara, “Maegna ka nauthoglu. Ba, iagho filoni glepo igne? Thono diꞌa fara naiknodi Juda igre te edi koba glepo te diꞌa fara te filodi iagho igre. Nu diꞌa salaꞌui kolho jame te edi puhi biꞌo nei magra teu mare heva heva ka vido glose igne. Mare eni fabrahu igne mala diꞌatagu salaꞌui iara eghu. Eghuteuna mare theome gnafa te ei puhi diꞌa ranghi ghau iara ka puhi te thono diꞌa fara.

Profet Esikiel 16:26

Iagho snakredi koba maedi Ijep te thono magnahaghei gaꞌase fara te mei thuru balumu. Puhimu iagho te diꞌa igre te thono diꞌatagu fara iara re.

Profet Jeremaea 1:16

Iara diꞌatagu fara ka puhi te diꞌa te edi nogu naikno iara igre, naugna mare ne figri tagru ghau iara. Eghuteuna mare theome gnafa te gahu insens nei tarai teu ka mumuju god teke sari thedi igre.

Profet Jeremaea 44:4

Leuleghu fata na iara kurudi koba hatimare mae profet nogu mae gloku iara ra, mala mei cheke eghu ka mare, ‘Ghotilo thosei eni glepo te diꞌa te tiroguni fara iara igne!’

Profet Esikiel 8:16

Mana hata ghau iara ne tei lamna ka glalaba ikoi rhegna nogna Sugablahi Lord na. Ka vido igne varadaki glima mae kegra neu rhegna grengathagna Chogho Blahi na, farihotei olta nei varanda eghu ke ulugna suga igne. Mare figri thagru ka nogna Sugablahi Lord na, ne filo tei ke maghati. Mare pogho soru ke maghati ne tarai ka naprai kate haghe naꞌa kligna na.