Profet Jeremaea 7:16 - Buka Blahi Ka Cheke Holo

¹⁶ Lord ne cheke eghu ka mae Jeremaea, “Jeremaea, iagho thosei tore ka iara mala toghodi naikno igre. Iagho thosei tanhi nei eha fabiꞌo eghu ka iara, naugna iara ginauna na theome fanomho ka iagho.

Profet Jeremaea 7:16 ပူးပေါင်းရင်းမြစ်များ

Profet Jeremaea 11:14

“Jeremaea, iagho thosei taraidi naikno igre, eghuteuna iagho thosei tanhi mei ka iara ka nanghadi mare. Iagho thosei tore ghau iara mala toghodi mare, naugna iara ginauna na theome fanomho ka narane te eha mei mare ka vido te thoke mei ka mare puhi biꞌo igne.

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Eksodas 32:10

Iara thono diꞌatagu fara ka naikno igre, eghuteuna iara ginauna goigonidi nei roꞌedi eghu mare. Iagho thosei fariuriu lhoti ghau iara. Iara ginauna eni nigho iagho baludi iheire nate karha mei ke leghumu iagho re mala kaisei vike biꞌo.”

Profet Jeremaea 18:20

Ba, keliu kolho te tughu fapulo glepo te diꞌa na ka glepo te keli na? Theo. Neuba mare ne magnahaghei falehe nigho iagho neu, iara tore nigho iagho mala thosei diꞌatamu nei paradi eghu mare. Nu mae naoka igre magnahaghei te goigoni ghau iara, jateula kaisei mae te dokha khora te mala snoꞌo bosu tagna te mala falelehera eghu.

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Ululahu Jone 5:16

Jame kaisei naikno ka ghotilo filoni mae kheragna fofodu ka khiloau na tapla jafra ka nakhibo te theome nabagna te mala au ka glehe fei tifa na, tarai ka God eigna mae kheragna fofodu ka khiloau te tapla jafra ka nakhibo tuana. Eghuteuna God ginauna na tusu ranghini u karha. Iara cheke eidi naikno te tapla jafra ka nakhibo te theome nabagna te mala au ka glehe fei tifa na. Nu jare kaisei nafnata nakhibo nabagna te mala au ka glehe fei tifa na, eghuteuna iara theome chekeni ka ghotilo mala tarai ka God eigna nafnata nakhibo tuana.

Profet Maeka 3:4

Eghuteuna ghotilo mae lidami Israel ginauna tanhi ka Lord mala togho ghami, nu mana theome cheke tughu ghami ghotilo. Eghuteuna mana ginauna theome nomhidi nomi tharai ghotilo re, naugna ghotilo ne leghudi kolho puhi te diꞌa re!

Diutronomi 9:14

Iagho thosei lhoti ghau iara, iara ginauna goigonidi mare. Iara ginauna na theome snakreni kaisei naikno mala ke ghathodi mare. Eghume iara ginauna eni vikemu iagho na mala kaisei vike te biꞌo nei nolaghi fara eghu uludi mare.’

Fapea Samuel 8:18

Mae Benaea thugna mae Jehoeada, mana mae komanda fei sekiuriti, mana vikedi mae Keret ghe mae Pelet. Eghuteuna thugna mae Devet igre mare mae pris.

Profet Jeremaea 7:17

Ba, iagho theome filodi puhi te diꞌa te edi maedi Juda te edi ka nodi namono re nei ka nabrou Jerusalem teu are?

Profet Jeremaea 15:6

Ghotilo tiromi ghauhi iara la rikha ghau iara. Eghume iara ginauna falehe ghami nei goigoni ghami eghu ghotilo. Iara na theome kokhoni ghami ghotilo.

Profet Jeremaea 4:28

Gobigna lepo ka nauthoglu na igre ginauna tanhi, eghuteuna maloa igne ginauna romno soru. Naugna igne, nogu cheke nei gaoghatho teu iara te mala edi glepo igre ginauna na theome ke tughu.”