Profet Jeremaea 7:11 - Buka Blahi Ka Cheke Holo

¹¹ Iara filodi gobigna lepo te edi ghotilore. Ba, sugagu iara te thono blahi fara igne nodi suga mala poru mae te lase blau igre signea? Theo.

Profet Jeremaea 7:11 ပူးပေါင်းရင်းမြစ်များ

Profet Isaia 56:7

Iara ginauna atha mei ghami ghotilo ka nogu Thogele Blahi iara Saion. Iara ginauna fagleꞌa ghami ghotilo ke lamnagna nogu suga tharai na. Eghuteuna iara ginauna keli tagu ka fafara te edi ghotilo ke kligna gna nogu olta iara na. Naugna nogu Sugablahi iara igne suga tharai mala tarai naikno te gnafa ka kantri te gnafa igre.

Matiu 21:13

Mana ne cheke eghu ka mare, “Ka grioriso te blahi ia, God ne cheke eghu, ‘Sugagu iara na suga mala tarai.’ Nu ghotilo ke eni suga igne mala porudi mae iheire te lase blau!”

Nonomho Te Keli Teke Risoi Mae Mak 11:17

Ke leghugna igne mana ne farirhiudi naiknore ne cheke eghu, “Chekegna God kau grioriso te blahi na cheke eghu agne, ‘Sugagu iara na mare ginauna na kiloni suga tharai maladi naikno ka namono te gnafa ka nauthoglu igne.’ Nu ghotilo ke eni suga igne mala porudi mae iheire te lase blau re!”

Fapea Kronikols 6:33

Jame te eghuna, neuba iagho ne au neu kligna, fanomho mei ka nogna tharai mana na. Ka puhi igne, naikno te gnafa ka nauthoglu igne ginauna thofno laseni nanghamu iagho na, nei gaoghathomu iagho na, jateula nou naikno iagho te ghatho tahu nigho igre eghu. Eghuteuna mare ginauna laseni Sugablahi teke horo iara igne, thofno nou iagho.

Jone 2:16

Mana diꞌatagna ne cheke eghu ka naikno te sabiri balhure, “Atha tei nomi gobigna lepo gre! Thosei jateula suga mala maket eghu sugagna mae Mama gne!”

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Profet Jeremaea 29:23

Iara ginauna goigonidi phei mae igre, naugna phei mae igre ne eni puhi te thono diꞌa fara na fari hoteimi ghotilo maemi Israel. Phei mae igre neke eni puhi te diꞌa na ka khetodi mae kheradi thedi re, eghuteuna phei mae igre jaola toutonu chaghi ka nanghagu iara. Iara neke theome tusu lao cheke te toutonu ka ghotilo phei mae igre. Iara Lord, iara lasedi puhidi phei mae igre, eghuteuna iara thegu filonihi igne.” Igne cheke gna Lord.

Profet Jeremaea 2:34

Ghotilo chaghidi naikno te kuma te theome eni kaisei najafra na. Eghuteuna mae te kuma igne ne theome ruma ne blau ka nomi sugare. Neuba, puhi te eni ghotilo igne jateula puhigna mae ihei te faleheni mae kheragna fofodu na ia eghu. Puhi te eni ghotilo ka naikno te kumare igne goigoni ghami fara ghotilo, jateula vido dadara te goigoni nomi pohe ghotilo ra eghu.

Profet Jeremaea 7:10

Kate edi te gnafa ghotilo puhi igre, ghotilo ruma mei ka Sugablahi na mala mei tarai ka iara. Kate mei te namo ghotilo ka iara na, ghotilo cheke eghu, “Ghehati keliu kolho!” Nu ke leghugna te jifla ka nogu Sugablahi iara na, ghotilo ke tei edila glepo te thono diꞌa fara igre.

Profet Esikiel 35:13

Iara neke nomhidi ngala kani teke cheke fahaehaghe nei cheke fadiꞌa ghau iara teu ghotilo ra.

Profet Isaia 1:12

Naugna unha si ghotilo te nolo tafri ke lamnagna nogu suga iara na kate mei pogho soru ka iara gnea?

Profet Daniel 9:18

God, figri mei fanomho ka ghehati, eghuteuna filo mei ka puhi biꞌo te thoke ghami ghehati gognarogne. Eghuteuna iagho jaola filo meini puhi biꞌo te au ka nou namono biꞌo iagho igne. Ghehati tarai koba ka iagho, naugna iagho kokhoni ghami ghehati fabrahu, theome naugna te naikno doglo ghehati na.