Profet Jeremaea 7:10 - Buka Blahi Ka Cheke Holo

¹⁰ Kate edi te gnafa ghotilo puhi igre, ghotilo ruma mei ka Sugablahi na mala mei tarai ka iara. Kate mei te namo ghotilo ka iara na, ghotilo cheke eghu, “Ghehati keliu kolho!” Nu ke leghugna te jifla ka nogu Sugablahi iara na, ghotilo ke tei edila glepo te thono diꞌa fara igre.

Profet Jeremaea 7:10 ပူးပေါင်းရင်းမြစ်များ

Profet Jeremaea 32:34

Mare atha mumuju te thono diꞌa fara igre ne fakegra haghe ke lamna gna nogu Sugablahi iara igne ne thona ka tathagu iara na.

Profet Esikiel 23:39

Ka narane igne la repa ne aknu falehe thugu iara re mala fafara ka mumuju, eghuteuna edi glepo te theome naba te mala edi ke lamnagna nogu vido blahi iara na. Igre glepo te edi repa ke lamnagna nogu Sugablahi iara na.

Profet Esikiel 23:37

Repa tapla jafra baludi keha nalhaꞌui, nei aknu falehe naikno eghu. Eghume repa la tei koko ghauhi iara la tei lalahu fadiꞌa ka mumuju, eghuteuna repa aknu falehe fafara ka mumuju thugu iara teke karha ka repa re.

Profet Jeremaea 34:15

Ulu lahu na, ghotilo neke theome leghuni cheke igne. Nu theome raugha, ghotilo tughu nagnafa ne eni glepo te thofno doglo fara ka tathagu iara na. Ghotilo te gnafa na kaisei gaoghatho ne snakredi kherami te sneka ka ghotilo igre mala snagla jifla tei. Eghuteuna ghotilo mei ka Sugablahi te laseni naikno te gnafa igre te nogu iara na, eghuteuna ghotilo eni kaisei nhaꞌa cheke ka tathagu iara na.

Profet Jeremaea 7:30

Lord ne cheke eghu, “Naiknodi Juda igre mare edi koba glepo te thono diꞌa fara ka tathagu iara na. Mare lilisei haghe mumuju te thono diꞌa fara igre ke lamnagna nogu Sugablahi iara na. Ka puhi igne, mare la thono fatothona Sugablahi igne ka tathagu iara na.

Profet Jeremaea 7:14

Tutuani, iara neke vahini suga igne mala tufru soru ghau iara ghotilo. Eghuteuna te ghathoni ghotilo na, suga igne ginauna togho ghami mala au fakeli. Nu te cheke fadoglo arini iara ka ghotilo na, iara ginauna na roꞌe soru suga igne jateula teke eni iara Saelo tifa ia eghu. Eghuteuna iara ginauna na jaola goigoni glose teke tusu ari iara ka mae kuꞌemi ghotilo ra.

Profet Jeremaea 7:11

Iara filodi gobigna lepo te edi ghotilore. Ba, sugagu iara te thono blahi fara igne nodi suga mala poru mae te lase blau igre signea? Theo.

Jone 18:28

Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na.

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Profet Esikiel 23:29

Eghuteuna mare ginauna hata gobigna lepo teke kmusadi iagho ra naugna mare tirodi nigho iagho fara. Mare ginauna magnahaghei nigho iagho te au soesole, eghuteuna iagho ginauna theome tangomana te poru ka tathadi naiknore, naugna iagho kaisei vine kolho. Iagho ginauna papara, naugna iagho ne theome gnafa te ngolhi leghudi fara mae nalhaꞌudi keha kantri are, eghuteuna fathona nigho themu ka tathagu iara na eigna iagho ne tarai ka nodi mumuju mare re.

Profet Esikiel 20:39

“ ‘Ghotilo naiknomi Israel ra! Iara Lord God te cheke eghu ka ghotilo igne: Jame te magnahaghei tarai ghotilo ka nomi mumujure, edi si ghotilo. Nu ke leghu na, iara ginauna fofotho khulimi ghotilo are mala theome fanomho nei leghudi eghu nogu cheke iara re. Iara ginauna theome snakre ghami ghotilo mala goigoni ni nanghagu te blahi na ka puhi te tarai ghotilo ka mumuju nei tusu lao fafara ranghidi.

Fapea Kronikols 33:7

Aonu mana lilisei kaisei mumuju ka nogna Sugablahi Lord. Nu Lord neke kulu chekehi ka King Devet nei ka King Solomon, neke cheke eghu, “Ghotilo nabotho phei vikegna Israel ra, ghotilo nogu naikno iara. Ka nomi namono te gnafa ghotilo igre, iara neke vahini Jerusalem mala babana ghotilo nogu Sugablahi iara na, eghuteuna Sugablahi igne vido mala tarai nei pogho soruni eghu fabrahu nanghagu iara na. Eghume ghotilo mei mala pogho soru ka iara.

Fapea Kronikols 33:4

Mana horo olta ka phei glalaba faligohoni nogna Sugablahi Lord. Mare edi olta igre mala tarai ka nathunu. Nu tifa na, Lord neke cheke eghu, “Nogu Sugablahi iara Jerusalem igne, vido mala tarai nei pogho soru ka iara.”

Fapea Kings 21:4

Mana horo olta ka phei philegna nogna Sugablahi Lord na mala pogho soru ka nathunu. Nu Lord neke cheke eghu, “Nogu Sugablahi iara Jerusalem igne mala pogho soruni kolho Nanghagu iara na.”

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Profet Jeremaea 44:9

Ba, ghotilo ghatho ihodihi puhi te diꞌa teke edi kuꞌemi tifa ra? Ba, ghotilo ghatho ihodihi puhi te diꞌa teke edi hatimare mae king di Juda balu khetodi ra? Ghotilo baludi khetomi are jaola teke leghuni puhi te diꞌa na ka namono Juda, nei ka nabrou Jerusalem.

Profet Esikiel 33:25

Eghume iagho cheke eghu ka mare, ‘Lord God neke cheke eghu: Leuleghu fata na ghotilo ghamu nafnahi te au teu dadara tagna, ghotilo tarai ka mumuju, ghotilo magra fari themi, ghotilo falehe naikno. Eghuteuna ghotilo te gnafa na thuru fodu baludi khetodi kherami themi are. Ba, na snakreni iara glose igne mala khotogna themi eghu ghotilo gaoghathomi na? Ghotilo theo nomi nolaghi te mala khotogna glose igne.’

Profet Daniel 9:18

God, figri mei fanomho ka ghehati, eghuteuna filo mei ka puhi biꞌo te thoke ghami ghehati gognarogne. Eghuteuna iagho jaola filo meini puhi biꞌo te au ka nou namono biꞌo iagho igne. Ghehati tarai koba ka iagho, naugna iagho kokhoni ghami ghehati fabrahu, theome naugna te naikno doglo ghehati na.

Profet Hosia 6:9

Mae pris igre jateula mae mala blau ra eghu poru tafri ka geri nabrou te tei thoke ka namono biꞌo Sekem mala falehe naikno. Mare edi kmana nafnata puhi te diꞌa igre, nu mare theome magnahaghei te falalase puhi te diꞌa te edi thedire.

Profet Emos 4:5

Ghotilo hata mei koba bret te gahu balu isi mala cheke fakelidi ka iara. Ghotilo fahaehaghe ghami fara kate hata kmana glepo te mei te mala cheke fakelidi ka iara re. Puhi igre te thofno magnahaghedi ghotilore.” Igne chekegna Lord.

Profet Sefanaea 1:5

Iara ginauna koko sorudi pari iheire te haghe ke tagru suga te pogho soru ka naprai, nei ka glaba, nei ka nathunu. Naikno igre neke nhaꞌa cheke ka iara mala loku ranghi ghau iara neku, nu mare jaola nhaꞌa cheke mala loku ranghini mumuju god Molek.

Profet Malakai 3:15

Tahati filodi naikno te fahaehaghe igre mare au fakeli nodi nei glealeꞌa nodi eghu koba. Eghuteuna naikno te tapla jafra koba ka nakhibo igre mare au nodi kmana glepo te keli fara. Eghuteuna God na theome paradi kolho unha puhi te diꞌa te edi mare re eghu. Thono theo fara!’ ”

Ululahu Kings 9:3

Lord ne cheke eghu ka mae Solomon, “Iara nomhini nou tharai iagho ia nei unha teke toreni iagho ia. Eghuteuna iara gognarona fablahi Sugablahi teke horo iagho igne. Eghuteuna naiknore ginauna pogho soruni fabrahu nanghagu iara na ka vido igne. Iara ginauna na reireghini nei ghathoni eghu fabrahu Sugablahi igne.

Profet Esikiel 5:11

Eghume, Iara eni nhaꞌa cheke igne ka nanghagu iara Lord mae ihei te karha fabrahu tifa te tifa: Naugna ghotilo ne goigoni nogu Sugablahi iara gne ne thona ka tathagu iara na eidi gobigna lepo te diꞌa te edi ghotilo igre, iara ginauna na tirogu ghami ghotilo, eghuteuna iara ginauna theome reireghi ghami ghotilo, ba kokhoni ghami fara ghotilo.