Profet Jeremaea 6:2 - Buka Blahi Ka Cheke Holo

² Tutuani, Jerusalem gne kaisei famane namono fara, jateula kaisei famane gaꞌase eghu, nu iara ginauna mei goigoni namono igne.

Profet Jeremaea 6:2 ပူးပေါင်းရင်းမြစ်များ

Profet Jeremaea 4:31

Iara ne nomhini kaisei naogla jateula natanhi gaꞌase te namo karha sua majaghani ra neu. Igne nogna natanhi namono biꞌo Jerusalem te kmoꞌe gnafa ne cheke eghu, “Tutuani fara, naoka igre magnahaghei te mei falehe ghau iara!”

Profet Isaia 1:8

Gognarona, Jerusalem baludi nogu naikno iara te au ka namono igne au sopa jateula kaisei grorofe teke hohoro kaisei mae ka nogna nagare na ia eghu, ba jateula namono te au farihoteidi mae naokara eghu.

Lamentations 2:13

Jerusalem, iara kokhoni nogu nigho! Unha gne naba te mala chekeni iara ka iagho te mala togho ghau na? Juda, iara kokhoni nogu nigho! Unha gne naba te mala pala hagheni iara gaoghathomu iagho na? Puhi te thoke nigho iagho igne thono biꞌo fara, eghuteuna theo kaisei naikno naba teke fakeli nigho iagho na.

Lamentations 2:1

Lord ne toku tafru namono Jerusalem kate diꞌatagna na. Diꞌatagna mana igne jateula saeklon biꞌo te toku tafru namono na ka gromno biꞌo ra neu. Tifa na Jerusalem gne neke kaisei famane namono agne Israel, aheva te au nogna Sugablahi funei na. Nu ka narane te diꞌatagna Lord igne, mana goigoni namono igne, eghuteuna mana theome ghatho tahuni Sugablahi igne.

Diutronomi 28:56

Kate mei naokare te goigoni ni nomi namono ghotilo na, neuba kaisei famane gaꞌase te thono dedei fara te au ka suga gna na, nu ka narane tuana, naꞌa ginauna kokhoni ni fara ka grofo. Eghume naꞌa ginauna ghamu thugna teke karhala na, eghuteuna naꞌa ginauna jaola ghamu glepo te jifla mei ka nathuthuru gna sua teke karha la. Eghuteuna naꞌa pophoru mala ghamu, mala theome tangomana naꞌa te tufa kaisei ghegna nafnahi ka khetogna te namhani fara na, ba ka keha thugna re.

Lamentations 4:5

Tifa na, naiknore neke ghamu gano te keli. Gognarona, mare rofo lehe kolho ke lamna nabrou. Iheire teke biꞌo haghe ka sugadi mae te dedei ra, gognarona mare hiro gano ka chara.