Profet Jeremaea 52:3 - Buka Blahi Ka Cheke Holo

³ Lord diꞌatagna fara ka naiknodi Jerusalem ghe Juda igre ne khi fajifladi ka nogna namono na. Aonu King Sedekaea ne mamagra ka King Nebukadnesa gna Babilonia.

Profet Jeremaea 52:3 ပူးပေါင်းရင်းမြစ်များ

Profet Isaia 3:1

Fanomho mei, ghotilo naiknomi Jerusalem nei Juda! Lord mae ihei te au nolaghi fateote'o igne, ginauna atha fadelei gano nei khoꞌu eghu te magnahaghedi fara ghotilo ka nakarhami are.

Fapea Kronikols 36:13

King Nebukadnesa huhuruni Sedekaea mala eni kaisei nhaꞌa cheke mala leghuni mana. Nhaꞌa cheke igne, phiamare eni ka nanghagna God. Nu ke leghu na, mae Sedekaea ne huhughuni nhaꞌa cheke igne, eghuteuna mana ne theome leghuni King Nebukadnesa. Mana patugama fara ne theome magnahaghei te tughu nagnafa mala teke pulo mei ka Lord.

Profet Isaia 19:4

Iara ginauna vahini kaisei mae king te diꞌa fara puhigna na mala funei frunidi naiknodi Ijep.” Igne cheke gna Lord mae ihei te au nolaghi fateote'o.

Eklesiasti 10:16

Jame king gna kaisei kantri mae majaghani fara, eghuteuna mae mala baubatu gna kantri igne ei gaghamu leuleghu narane, eghume puhi biꞌo ginauna thoke mei ka kantri igne.

Proveb 28:2

Kate magra farithedi naikno gna kaisei kantri, ginauna au kmana mae biꞌo, nu mae te autagna gaoghatho te keli nei lalase teuna ngala te mae biꞌo kantri na, mana ginauna eni kantri igne mala kegra heta.

Ululahu Kings 10:9

Iara cheke fakelini Lord nou God mae ihei te kelitagna ka iagho nei vahi nigho mala king gna Israel! Naugna Mana thofno ghatho tahu ghami ghotilo fabrahu naiknomi Israel, mana vahi nigho king mala tangomana iagho te leghuni fabrahu puhi te doglo na, nei fatedi naiknore ka puhi te doglo.”

Fapea Samuel 24:1

Lord ne diꞌatagna ka naiknodi Israel. Aonu mana ne tusu lao gaoghatho ka mae Devet mala eꞌei puhi biꞌo ka mare. Lord ne cheke eghu ka mae Devet, “Iagho tei kaha naiknodi Israel ghe Juda.”

Jenesis 4:14

Filo sagho! Iagho theome magnahaghei ghau iara te mala loku ka glose igne na, nei iagho magnahaghei ghau iara te tei delei mala thosei filoni tathagu iara na ka nou namono gne. Eghuteuna te chekeni iagho na iara gne mae mala tei tafri kolho ka nauthoglu igne. Eghume iara gne mhaghu nogu fara, eigna glahula te mei filo deni ghau mare na, mare ginauna na akni falehe ghau iara.”

Jenesis 4:16

Aonu mae Kein ne jifla kokoni tathagna Lord na ne tei au ke maghati Eden ka nohi Nod. Gaoghathogna Nod na “Tei tafri.”

Fapea Kings 24:20

Naugna igne, Lord ne diꞌatagna fara ka naiknodi Jerusalem ghe Juda, ne ghilei leghu lahu na, mana ne kuru teidi ka sosolo mala thosei au mare balugna.

Profet Jeremaea 7:15

Eghuteuna iara ginauna kuru fajifla ghami ghotilo ka vido te au teu ghotilo igne, jateula teke kuru fajifladi iara mae kherami ghotilo teke au ke raru Israel tifa ra eghu. Eghuteuna ghotilo ginauna tei koko ghau iara, eghuteuna iara na theome ke filo ari ghami ghotilo.’ ”

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Fapea Kings 17:18

Mana thono diꞌatagna fara ka naiknodi Israel, aonu mana khidi mala theome tangomana mare te au rhegna mana na. Vikegna Juda igne kolho te au balugna mana na.

Fapea Kings 17:20

Lord ne thono tirognadi fara naiknodi Israel gre ne paradi mare. Eghuteuna mana ne lisa laodi ka khamedi nodi naokare, ghilei leghu lahu na mana theome magnahaghedi mare te mei namo ka mana na.

Fapea Kings 17:23

ghilei leghu lahu na, Lord ne theome magnahaghedi te mei rhegnai re jateula teke chekedi nogna mae gloku mana hatimare mae profet ra. Aonu armi gna Asiria igne mei ne hata fajifladi ka nodi namono re mala tei au Asiria ka namono aheva te khaba fara, eghuteuna mare au ka kantri igne ghilei mei posa ka narane gognarogne.

Esra 4:15

mala tangomana iagho te chekedi nou mae gloku re mala filoni ripot eigna namono igne ke lamnadi buka teke rioriso soru kuꞌemu iagho tifa ra. Jame te eghu iagho na, iagho ginauna lasedi naiknogna namono igne, eigna leuleghu fata na mare theome leghudi iheire te funei frunidi re. Puhi te diꞌa igne funu tifa ghilei mei posa gognarogne, eghuteuna mae igre eꞌei puhi biꞌo koba ka hatimare mae king nei hatimare mae lida eghu gna provins igne. Leuleghu fata na ninhigrana fara te mala funei frunidi iagho naikno Jiu igre, naugna igne teke mei armi tifa teke goigoni namono igne.

Profet Isaia 36:5

Iagho jame ne mae nheta themu ne laseni puhigna magra na eghu, nu iagho fiti cheke nou kolho. Ba, ihei gne te ronuni iagho nate togho nigho kate mei magra ka iara na?