Profet Jeremaea 51:8 - Buka Blahi Ka Cheke Holo

⁸ Nu gognarona Babilonia gne ginauna na jaola uka pari, eghuteuna nogna naoka naꞌare ginauna mei goigonini naꞌa. Aonu ghotilo ginauna na tanhi nei diꞌanagnafa eghu! Ghotilo hiro meresin mala lama thubu gna na glahu ke mafo naꞌa.

Profet Jeremaea 51:8 ပူးပေါင်းရင်းမြစ်များ

Profet Jeremaea 46:11

“Ghotilo naiknomi Ijep, ghotilo tei Gilead mala hiro meresin ka namono te fnakno tuana! Nu neuba ghotilo ne dei meresin jare, theo kaisei glepo te au nogna nolaghi te mala famafo ghami ghotilo na.

Profet Isaia 21:9

Eghuteuna iara ne filoni kaisei mae ne mei ka hose. Eghuteuna mae igne ne cheke eghu, ‘Babilonia na la groꞌehi! Nodi mumuju god mae Babilonia ra la khokohi pari ka glose na la klopahi gognarona!’ ”

Thakle 14:8

Aonu fapea engel na leghuni engel ulu lahu na ne cheke eghu, “Namono biꞌo Babilon te fnakno ia la groꞌehi! Naꞌa la diꞌahi! Puhidi naiknogna namono Babilon te gnognoro fara ra jaola khasidihi naikno ka namono te gnafare la theome doglo ka puhidire.”

Thakle 18:2

Mana ne eha eghu fabiꞌo, “Namono biꞌo Babilon te nafnakno fara ia, la groꞌehi! La diꞌahi! La sugadihi naitu te gnafa nei namonodihi nanghaji te diꞌa te gnafa!

Profet Jeremaea 50:2

“Tei toutonu cheke igne ka kantri heva te heva ka nauthoglu igne! Thosei cheke pouporu! Ghotilo tei famane toutonu fakeli! Ghotilo rafe haghe flagi mala filoni naiknore mala mei fanomho fakeli ka thoutonu te cheke eghu igne, ‘Namono biꞌo Babilon na la groꞌehi! Nogna nolaghi nodi god biꞌo mare Merodak igne la khokohi pari la mamaja nogna fara. Uve, nodi nolaghi nogna mumuju naꞌa igre la gnafahi, eghuteuna mamaja kolho te thokeni naꞌa na.’

Profet Jeremaea 48:20

Aonu mare na cheke eghu, ‘Tore, Moab gne la groꞌehi! Tahati gne mamaja noda fara! Tahati mala diꞌanagnafa nei tanhi fabiꞌo eghu kolho! Tahati na ari ka khoꞌu biꞌo Anon mala toutonu ka mare eigna Moab tela groꞌehi ka mae naoka igne!’

Profet Nahum 3:19

Iagho jateula kaisei mae te fnera eghu, eghuteuna theo kaisei meresin te mala famafogna na. Thubumu iagho igne ginauna falehe nigho iagho. Eghuteuna ihei te nomhini igne ginauna kelitagna fara na proaprosa. Naiknore na kelitadi fara ka glehemu iagho na, naugna iagho neke paradi fara naiknore.

Profet Daniel 5:31

Aonu mae Darius, maegna Media te king majaghani ka kantri tuana. Mana namno salei phei finogha ka narane te king mana igne.

Profet Daniel 5:24

Naugna te eni iagho igne, God neke snakre meini khamegna na mala rioriso cheke igre.

Profet Esikiel 30:2

“Maegna ka nauthoglu. Iagho cheke ka naiknodi Ijep unha te chekeni iara igne: “ ‘Tanhi fabiꞌo ghotilo naiknomi Ijep! Ghotilo tanhi eghu, ‘Narane na la mei te thofno diꞌa fara na!’

Profet Jeremaea 51:41

Lord ne cheke eghu, “Naikno te gnafa ka nauthoglu igne neke fafnaknoni fara Babilonia. Nu mae naoka ginauna uludi mare, eghuteuna naikno te gnafa ka nauthoglu igne ginauna rhana nodi fara kate filoni igne.

Profet Jeremaea 48:31

Naugna igne, iara kokhoni noguni fara Moab. Iara ginauna tanhidi naikno te au ka namono Kira-Hereset.

Profet Jeremaea 8:22

Kmana meresin au ka nohi Gilead, eghuteuna mae dokta aula jare. Eghume, naugna unha si nogu naikno iara igre te theome keli grea?

Profet Isaia 47:9

Nu kokhoni nigho fara eghu, naugna glepo igre ginauna thoke nigho iagho. Khetomu nei thumu teu iagho igre ginauna lehe ka kaisei narane kolho. Neuba iagho ne au nou naitu te nolaghi fara te mala reireghi nigho na. Theo. Iagho ginauna thafoni narane te diꞌa fara na.

Profet Isaia 47:11

Nu kaisei puhi biꞌo ginauna thoke mei ka iagho, eghuteuna iagho theo kaisei nou nolaghi nate kegra fothini glepo igne. Puhi biꞌo igne ginauna thoke mei ka iagho, eghuteuna iagho ginauna na theome tangomana te eni kaisei glepo te mala fanagrini nabrou gna puhi biꞌo igne. Glepo te diꞌa te theome ghathodi iaghore ginauna thoke mei mala goigoni nigho iagho.