Profet Jeremaea 51:7 - Buka Blahi Ka Cheke Holo

⁷ Funu tifa te mei posa gognarogne, Babilonia gne neke jateula kapu gol te louloku teu iara ka khamegu na ia eghu. Eghuteuna diꞌatagu iara na jateula kapu te fodu ka waen te raha ra eghu. Babilonia gne batudi keha kantri ka nauthoglu igne mala koꞌu ka waen te raha igne, mala jateula te koꞌu te salaꞌui ra eghu mala fameomekro tafri.

Profet Jeremaea 51:7 ပူးပေါင်းရင်းမြစ်များ

Thakle 14:8

Aonu fapea engel na leghuni engel ulu lahu na ne cheke eghu, “Namono biꞌo Babilon te fnakno ia la groꞌehi! Naꞌa la diꞌahi! Puhidi naiknogna namono Babilon te gnognoro fara ra jaola khasidihi naikno ka namono te gnafare la theome doglo ka puhidire.”

Thakle 17:4

Pohe te pipichi gaꞌase na pipito nei ukru jateula nogna pohe gaꞌase te funei frunidi naiknora eghu. Eghuteuna naꞌa jaola fahaghe glepo te gol nei famane thina nei buli te siasigla. Ka khamegna na naꞌa louloku kaisei kapu teke hohoro ka gol te fodu ka glepo te diꞌa te thona fara. Eghuteuna glepo igre, puhi chara teke edi naꞌa ka naiknore.

Thakle 18:3

Puhidi naiknogna namono Babilon te gnognoro fara igre la khasidihi naiknodi namono te gnafare la theome doglo langau. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌare. Eghuteuna hatimare mae king gna nauthoglu igne la enihi puhi te diꞌa na balugna naꞌa, nei iheire te foifoli ka nauthoglu igne mare la thono dedei fara naugna mare foifoli nei sabiri neu baludi naiknodi namono gna Babilon.”

Thakle 17:2

Hatimare mae king te gnafa ka nauthoglu igne mare la enihi puhi te diꞌa na ka naꞌa. Tutuani, naiknogna nauthoglu igne ne fodu ka nakhibo naugna mare ne leghuni fabrahu puhigna naꞌa te diꞌa na.”

Profet Daniel 2:32

Phaꞌugna mumuju igne neke hohoro ka gol. Eghuteuna babangogna nei khamegna teure neke hohoro ka silva. Eghuteuna funu ka thiꞌagna te soru ka phei gahegnare neke hohoro ka bras.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Thakle 18:23

Ginauna jaola theo kaisei juta nate phae na, eghuteuna ginauna theo kaisei naikno nate tangomana te jaola te tolaghi ke lamnamu iagho na. Tifa na, nou mae mala foifoli iagho re neke mae biꞌo fara ka nauthoglu igne. Eghuteuna iagho neke chaichaghidi naiknodi namono te gnafare te mala leghudi kolho nou cheke themure nei mala ghatho ihoni God.”

Profet Daniel 2:38

God neke vahi nigho iagho mala funei frunidi naikno te gnafa, buluka te gnafa, nei nanghaji te gnafa, teu te karha ka nauthoglu igne. Iagho jateula phaꞌugna eghu mumuju teke hohoro ka gol igne.

Profet Jeremaea 50:38

Iara ginauna theome snakreni nakhete na mala soru mei! Khoꞌu biꞌo te gnafa nei glokha te gnafa teu igre ginauna na kafe krango. Iara ginauna edi glepo igre ka mare, naugna kantri igne nodi namono god te chaichaghi te fanolidi nagnafadi naikno igre.

Profet Jeremaea 25:9

iara ginauna kilo meidi kantri ke raru are. Eghuteuna iara ginauna na jaola kiloni mae Nebukadnesa mae king gna Babilonia, mala mei roꞌeni Juda baludi namono te gnafa te au faligohoni namono tuana. Iara ginauna na roꞌeni kantri igne mala krogha fabrahu. Eghuteuna naikno te gnafa te mei salaꞌu ka vido igne ginauna jaglo nodi balu mhaghu, nei cheke fadiꞌadi eigna unha te eni mare na.

Profet Isaia 14:4

Jaola ka narane tuana tahati ginauna cheke faparini mae king gna Babilonia. Tahati ginauna cheke eghu, “King! Puhimu iagho teke para ghami ghehati ra gognarona la gnafahi! Diꞌatamu iagho ra jaola gnafahi!

Profet Jeremaea 13:13

Te cheke eghu mare na, iagho ginauna na cheke eghu ka mare, ‘Igne unha te chekeni Lord na: Iara ginauna edi naikno gna vido igne mala jateula te koꞌu te salaꞌui ka waen ra eghu mare. Neubane mae king ka vikegna mae King Devet, ba mae pris, ba mae profet, ba ihei te au Jerusalem, mare te gnafa na ginauna na jateula te koꞌu te salaꞌui ra eghu kafe fameomekro.

Profet Esikiel 23:42

“Mae teke fatei cheke repa tadi ka namono nagou igre ne au baludi repa dranga ne gleale'a fara nei uareghe biꞌo neu. Mare ne lilisei khome mala lalaoni khamedi repa re, eghuteuna jaola lilisei khepi nafnakno ka phaꞌudi re mala jateula kuin eghu.