Profet Jeremaea 51:6 - Buka Blahi Ka Cheke Holo

⁶ “Ghotilo nogu naikno iara te au Israel nei Juda, ghotilo jifla Babilonia mala rikha tei! Ghotilo sopagna rikha, eghuteuna ghotilo ginauna theome lehe. Na eghunu lehe ghotilo baludi mare ka kantri Babilonia eghu, naugna gognarona nogu narane iara Lord mala paradi mare eidi unha puhi te diꞌa teke edi mare ra.

Profet Jeremaea 51:6 ပူးပေါင်းရင်းမြစ်များ

Profet Jeremaea 50:8

“Ghotilo maemi Israel! Ghotilo jifla Babilonia! Ghotilo faghose rikha kokoni kantri tuana! Ghotilo mala kulu jifla ka namono tuana, jateula nanigot nalhaꞌu gna te kulu jifla ka nogna bara na ia eghu, eghuteuna kehare ginauna jaola jifla tei leghuni mana.

Profet Jeremaea 50:28

Profet ne cheke eghu, “Fanomho mei ka kherada teke tei au Babilonia teke la pulo mei Jerusalem igre. Te chekeni mare na noda Lord God tahati igne kela tughu fapulo glepo te diꞌa teke edi naiknodi Babilonia ka nogna Sugablahi mana ra.”

Profet Jeremaea 50:15

Khapru faligohoni namono igne, eghuteuna eha fabiꞌo ka mare! Naikno gna namono igne ginauna snakredi thedi ka ghotilo. Nodi vido mala poru mare balugna nodi gringni gna namono na ginauna groꞌe khoko sukha pari. Igne puhigu iara Lord nate paradi mare na. Eghume, iara magnahaghei ghami ghotilo te paradi mare na jateula teke eni mare teke paradi keha naikno ra eghu.

Profet Jeremaea 51:45

“Iara diꞌatagu fara ka namono igne! Ghotilo nogu naikno iara ra, faghose rikha kokoni kantri Babilonia!

Profet Jeremaea 25:14

Naiknodi keha kantri igre balu nodi mae king biꞌo ginauna mei atha mae igre mala tei loku jateula naikno sneka eghu. Iara ginauna na eni igne ka mare foli fapulodi unha puhi te diꞌa teke edi mare ka keha naiknore.” Igne chekegna Lord.

Naba 16:26

Aonu mana ne cheke eghu ka naiknore, “Jifla ka nodi suga thapuale naikno te diꞌa igre! Thosei habo lao kaisei glepo ka nodi mare are! Eghuteuna jame te eni ghotilo na, God jaola ginauna goigoni ghami ghotilo eidi nakhibodi mae igre.”

Thakle 16:19

Aonu namono biꞌo Babilon na ne fnota ka thilo vido. God ne ghathodi nakhibo te gnafa teke edi naiknodi Babilon re. Aonu mana ne paradi fara naiknore. Eghuteuna keha namono te gnafare ka nauthoglu igne jaola ne phaꞌe soru pari.

Ululahu Timoti 5:22

Ghaoghatho fakeli ame taofini nga mae ihei te mala loku ka khiloau na eghu. Kate filoni iagho mae biꞌo ka khiloau te tapla jafra ka nakhibo na, thosei ke tapla jafrala ngau iagho eghu. Nu reireghi nigho themu mala klino.

Profet Jeremaea 51:50

Ghotilo maemi Israel te karha nga teura, ghotilo faghose jifla Babilonia! Neuba ghotilo ne au ka vido te khaba fara, te keli na ghotilo ghatho ghau iara Lord, nei ghathoni Jerusalem.” Igne chekegna Lord.

Profet Jeremaea 51:11

“Lord ne cheke ka nagnafadi hatimare mae king di Media mala tei magra mare Babilonia, naugna mana magnahaghei te roꞌeni Babilonia. Lord ginauna tughu fapulo glepo te diꞌa teke edi mae Babilonia ka Suga gna Mana ra. Hatimare mae komanda ne cheke eghu, ‘Tarabana nomi jata ra! Tarabana nomi greoreo ra!’

Profet Jeremaea 51:9

“ Naikno di Israel nei Juda teu igre ginauna cheke eghu, ‘Tahati fariuriu mala famafoni naꞌa, nu tahati theome tangomana eghu. Jame te keli na tahati tei kokoni naꞌa mala doglo ke figri ka noda thofno namono ra. Naugna naꞌau papara te thokeni naꞌa igne thono biꞌo fara. Uve, naikno na theome tangomana te lase fakelini puhi biꞌo te thokedi mare igne.’

Profet Jeremaea 50:31

Ghotilo naiknomi Babilonia! Ghotilo fahaehaghe fara! Nu te chekeni iara ka ghotilo na, iara Lord mae ihei te au nolaghi fateote'o na, iara naoka ka ghotilo. Nogu narane iara te mala para ghami ghotilo na la thoke meihi!

Profet Isaia 48:20

Ghotilo jifla Babilonia! Rikha tei kokodi naiknogna kantri igne! Ghotilo gleale'a nei toutonuni nonomho igne balu eha eghu fabiꞌo heva te heva ka nauthoglu igne, “Lord na la atha fapulohi nogna naikno gloku, mae Israel!”

Profet Jeremaea 46:10

Nu neuba mare ne tarabana eghu ngau, tuana nogna narane mala fate Lord, mae ihei te au nolaghi fateote'o. Ka narane tuana, mana ginauna nake tughu fapulo glepo te diꞌa fateote'o teke edi mae naokara. Nogna naflahi biꞌo mala magra mana na ginauna na jateula nasava eghu ghamudi mare boho, nei koꞌu fahui dadaradi re eghu. Lord mae ihei te au nolaghi fateote'o igne ginauna goigonidi mare ke raru Khoꞌu biꞌo Iufretis, jateula kaisei fafara biꞌo te mala ei gaghamu te mala kafe ghamu naiknora eghu.

Profet Jeremaea 27:7

Kantri te gnafa ka nauthoglu na igre ginauna au ke parigna nogna nolaghi mana. Eghuteuna ke leghu na, mare ginauna au ke parigna nogna nolaghi thugna mana na, eghuteuna ke leghu gna igne mare au ke parigna nogna nolaghi gragna mana na, na eghu fabrahu ghilei gnafa ka narane te vahini iara na. Ka narane igre, keha kantri te nheta fara ginauna tapla faparini Babilonia mala ke nodi naikno sneka mare.

Profet Jeremaea 25:16

Kate koꞌu te gnafa mare waen igne, mare ginauna na nolo tafri jateula mae te fameomekro ra eghu. Naugna iara ginauna kuru meidi mae naokare mala mei magra ka mare.”

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Diutronomi 32:43

“Ghotilo te gnafa klignara, ghotilo mala glealeꞌa balugna Lord. Ghotilo god te gnafa ra, ghotilo pogho soru ka mana. Lord ginauna nake tughu fapulo glehedi goro thugna mana ra. Nu ginauna mana hata fadelei nakhibodi nogna naiknore, eghuteuna nodi glose re ginauna na klino ka tathagna mana.”

Diutronomi 32:41

iara ginauna hata nogu naflahi mala magra te siasigla fara na. Iara ginauna jaha ghilei fnonu fara. Aonu iara ginauna tughu fapulo ka nogu naokare, eghuteuna iara ginauna paradi iheire te tirodi ghau iara re.

Diutronomi 32:25

Ka nabrou are naoka ginauna mei akni falehedi thumi nalhaꞌu majaghani nei gaꞌase majaghani teu ghotilo are. Eghuteuna ka suga re naiknore ginauna kafe mhaghu nodi fara. Mae majaghani, nei gaꞌase majaghani, goro sua nei naikno biꞌo teu are ginauna kafe lehe.

Profet Isaia 63:4

Narane teke vahini iara mala teke atha fapulodi nogu naiknore la thoke meihi, eghume gognarona nogu narane iara mala paradi mae naokare.

Profet Jeremaea 48:6

Mare na cheke eghu, ‘Rikha! Faghose, na eghunu lehe tahati eghu! Nakarhada tahati na ninhigrana fara jateula gaju ikoi te karha ka namono nagou ra eghu!’

Profet Jeremaea 51:36

Aonu Lord ne cheke eghu ka naiknodi Jerusalem, “Ghotilo nogu naikno iara ra, iara ginauna phile ka ghotilo, eghuteuna iara ginauna paradi nomi naoka ghotilo teke eidi puhi biꞌo ka ghotilo are. Khoꞌu biꞌodi Babilonia baludi keha khoꞌu biꞌo are ginauna kafe gata.

Profet Jeremaea 51:56

Iara ginauna kurudi mae naoka igre mala goigoni ni Babilonia. Eghuteuna mare ginauna lokidi hatimare mae soldia, eghuteuna mare na lolhopa nodi phalohore. Leuleghu fata na iara Lord tughu fapulo ka iheire teke edi gobigna lepo te diꞌare.

Lamentations 3:64

Lord, tughu fapulo sagho ka mare gobigna lepo fateote'o teke edi mare ka ghehati ra.

Nodi Khoje Hatimare Mae Jiu 94:1

Lord God, iagho God mae ihei te mala paradi naikno te diꞌare. Fakakhana sagho nou nolaghi na ka mare!