Profet Jeremaea 51:5 - Buka Blahi Ka Cheke Holo

⁵ Iara Lord mae ihei te au nolaghi fateote'o nei iara nodi God mae Israel te blahi fara. Iara ginauna eni igne ka naiknodi Babilonia, naugna iara theome ghatho ihodi nogu naikno te au Israel nei Juda. Neuba mare ne nabadi te mala au papara eidi nakhibo biꞌo teke edi mare re, nu iara theome ghatho ihodi mare.

Profet Jeremaea 51:5 ပူးပေါင်းရင်းမြစ်များ

Profet Sekaraea 12:8

Ka narane tuana, iara ginauna jateula kaisei greoreo eghu mala reireghi fakelidi naikno te au Jerusalem. Neubane glaꞌe fara keha ka mare, nu iara ginauna kafe tusu lao nanheta ka mare mala nheta mare jateula King Devet tifa ia eghu. Eghuteuna mare ka tharakna gna King Devet, ginauna jateula God eghu ka mare, nei jateula nogu engel iara Lord mae ihei te batudi fabrahu mare.

Profet Sekaraea 12:6

“Ka narane tuana, mae mala baubtudi Juda igre ginauna jateula baket aean te fodu ka khaꞌaghi te au ke lamna bukrei gaju mala kuki, ba jateula gaju khaꞌaghi te ngaja te nhako fahui buburu te thofno moja fara ra eghu. Jateula tuana eghu mare ginauna thofno goigonidi fara kantri te gnafa ka vido te gnafa. Nu Jerusalem ginauna au fakeli kolho ka nodi vido re.

Profet Hosia 4:1

Ghotilo naiknomi Israel, ghotilo fanomho fakeli ka nogna cheke Lord igne! Mana na cheke eghu, “Theo kaisei naikno ka ghotilo nate thofno leghu ghau iara na, nei jaola theo kaisei ka ghotilo nate ghatho tahu ghau iara na. Ghotilo te gnafa na theome filo glani ghau iara te nomi Lord ghotilo na.

Profet Sekaraea 2:12

Nohi Juda igne ginauna mala nogna Lord ka nogna glose blahi mana. Eghuteuna mana ginauna nake vahini Jerusalem kaisei namono mala au mana tagna.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Profet Hosia 1:10

Mae profet ne cheke eghu ka naiknore, “Naiknodi Israel igre ginauna kmana fara jateula nusu ka gratha na are eghu. Ghotilo theome tangomana nate kahadire. Te chekeni agne na, ‘Gognarona, ghotilo theome nogu naikno iara.’ Nu mana ginauna cheke eghu ka ghotilo, ‘Ghotilo nogu naikno iara, eghuteuna iara nomi God ghotilo. Iara mae ihei te karha fabrahu tifa te tifa.’

Profet Esikiel 9:9

Mana ne cheke eghu ka iara, “Naiknodi Israel nei Juda teu igre edi kmana glepo te diꞌa fara. Mare aknu falehe kmana naikno fara heva heva ka namono igne, eghuteuna mare edi thua nafnotu glepo te theome doglo. Mare cheke eghu, ‘Lord na la tei kokonihi noda namono tahati igne. Mana theome tangomana te filo ghita tahati na.’

Profet Esikiel 8:17

Lord ne cheke eghu ka iara, “Maegna ka nauthoglu. Ba, iagho filoni glepo igne? Thono diꞌa fara naiknodi Juda igre te edi koba glepo te diꞌa fara te filodi iagho igre. Nu diꞌa salaꞌui kolho jame te edi puhi biꞌo nei magra teu mare heva heva ka vido glose igne. Mare eni fabrahu igne mala diꞌatagu salaꞌui iara eghu. Eghuteuna mare theome gnafa te ei puhi diꞌa ranghi ghau iara ka puhi te thono diꞌa fara.

Profet Jeremaea 50:20

Ka narane tuare, iara ginauna na theome filoni kaisei nakhibo ka iheire te au nga teu, naugna iara na atha fadelei nakhibodi naikno gre.” Igne cheke gna Lord.

Profet Jeremaea 46:28

Iara ginauna na au balumi ghotilo, eghuteuna iara ginauna na fakarhi ghami ghotilo. Iara ginauna na goigonidi kantri teke atha ghami ghotilo are, nu iara ginauna na theome goigoni ghami ghotilo. Nu neuba, iara ginauna para ghami ghotilo eidi nakhibo teke edi ghotilo ranghi ghau iara ra. Nu iara ginauna na theome para ghami ghotilo.” Igne cheke gna Lord.

Profet Jeremaea 31:37

Eigna theo kaisei naikno tangomana te fafaja ba te skel nauthoglu igne, iara ginauna na jaola theome thodoni vikegna Israel, neuba mare neke tapla jafra fabrahu ka nakhibo.” Igne chekegna Lord.

Profet Jeremaea 23:15

Eghume, Lord mae ihei te au nolaghi fateote'o igne mana ne cheke faparidi mae profet igre ne cheke eghu, “Iara ginauna tusu lao khori ka mae profet igre mala koꞌu mare kholo gna te diꞌa na mala fameomekro mare. Naugna mae profet igre ne batudi naikno heva heva ka kantri te gnafa igre ne au fakhaba ka iara.”

Profet Jeremaea 19:4

Iara ginauna eni igne, naugna naiknogna namono igne figri tagru ghau iara ne goigoni namono igne. Mare neke atha mei nodi god keha kantri delei mala pogho soru tadi. Eghuteuna mare gahu gano neke fafara ka god igre. Naikno igre baludi mae kuꞌedi tifa ra, nei hatimare mae king di Juda jaola theome lasedi god igre. Namono igne fodu ka dadaradi naikno te doglo.

Profet Jeremaea 16:18

Iara ginauna phei fata para ghami ghotilo eidi nakhibomi ghotilore, naugna ghotilo ne goigoni nogu namono iara igne ne diꞌa ka tathagu iara na. Uve, nogu namono iara igne fodu ka nomi mumuju ghotilo te theo karha tadi igre.” Igne chekegna Lord.

Profet Isaia 62:12

Ka narane igne, naiknore ginauna kilo ghami ghotilo, “Nogna naikno blahi God” nei “Naikno teke atha fapulo Lord ka namono igne.” Eghuteuna mare ginauna kiloni Jerusalem, “Namono te magnahagheni fara Lord,” nei “Namono aheva na teke pulo mei te au Lord tagna.”

Profet Isaia 44:21

Lord neke cheke eghui, “Ghotilo naiknomi Israel, ghotilo ke ghathodi nogu cheke iara ra. Ghotilo nogu mae gloku iara ra, iara neke vuavuha ghami ghotilo, eghuteuna iara theome tangomana te ghatho iho ghami ghotilo na.

Nodi Khoje Hatimare Mae Jiu 94:14

Lord na ginau theome figri tagrudi nogna naiknore. Uve, mana ginau na theome tangomana te figri tagru ghita tahati nogna naikno mana gre.

Esra 9:9

Tutuani, ghehati neke au jateula naikno sneka neku, nu iagho nomi God neke theome tei koko ghami ghehati. Iagho ghatho tahu ghami ghehati fara neke cheke ka nagnafagna king gna Pesia mala togho ghami nei snakre ghami te mala karha teu ghehati mala teke babana fapulo nou Sugablahi iagho teke goigoni mae naoka ra. Eghuteuna iagho neke tusu lao gaoghatho te keli ka mare neke togho ghami nei tusu ranghi ghami glepo te mala eni gloku igne. Eghuteuna gognarona ghehati au ka pharikeli agne Juda nei Jerusalem.

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.

Fapea Kings 21:16

King Manase jaola ne aknu falehe kmana naikno fara, aonu dadaradi naikno te theo kaisei nakhibodi igre ne fodu ka namono Jerusalem. Nu jaola, mana neke batudi naiknodi Juda igre neke edi glepo te diꞌa ka tathagna Lord.

Ululahu Kings 6:13

Uve, iara ginauna au balumi ghotilo naiknomi Israel, eghuteuna iara ginauna na theome tei koko ghami ghotilo nogu naikno iara ra.”

Profet Hosia 4:2

Ghotilo nhaꞌa cheke koba ka iara, nu ghotilo theome leghudi kolho nomi nhaꞌa cheke re eghu. Tore, ghotilo naikno chaichaghi fara, nei mala falehe naikno, nei mala blau, nei mala theome leghuni puhigna tholaghi na. Ghotilo theome leghudi nogu vetula iara re ne paradi koba naiknore.

Profet Isaia 51:15

Iara nomi Lord, nei nomi God ghotilo. Nanghagu iara na Lord, mae ihei te au nolaghi fateote'o. Iara neke cheke ranghidi nhorora nei galo teu igre mala oa'ongha fabiꞌo.

Profet Jeremaea 14:9

Naugna unha sagho te jateula kaisei mae te rhana ka nogna naoka na teugnea, ba jateula kaisei mae soldia te theo nogna nolaghi te mala fakarhini ihei teu gnea? Lord, ghehati thofno nou naikno iagho, eghuteuna ghehati lase nigho iagho te au balumi. Eghume iagho thosei tei koko ghami eghu.”

Profet Jeremaea 14:19

Lord, naugna unha sagho te figri tagruni kantri Juda gnea? Naugna unha sagho te theome magnahagheni namono biꞌo Saion gnea? Naugna unha sagho te fakabru ghami ghehati te theome tangomana ghehati teke keli fapulo gnea? Ghehati magnahaghei fara te au ka pharikeli, nu theo kaisei glepo te keli te thoke mei na. Ghehati magnahagheni fara te gnafa fogra igne, nu puhi biꞌo kolho te mei te mhaghu nomi fara ghehati na.

Profet Jeremaea 51:19

Nu noda God tahati vike gna mae Jekop igre theome jateula keha god are eghu. Kaisei mana ngala teke vuavuhadi gobigna lepo ka nauthoglu igne, eghuteuna mana vahi ghita mala nogna naikno mana. Uve, nanghagna mana na, Lord mae ihei te au nolaghi fateote'o.”

Profet Hosia 2:1

“Ka narane tuana, tahati ginauna kilodi thabusidare, ‘Ami,’ gaoghathogna na, ‘ghotilo nogu naikno iara.’ Eghuteuna tahati ginauna kilodi greghada re, ‘Ruhama’ gaoghathogna na, ‘Iara kokhoni nogudi.’ ”

Profet Hosia 2:3

Jame te theome lilisei naꞌa puhi te diꞌa igne na, iara ginauna mei hata koko nogna pohe naꞌare mala soesole tafri naꞌa jateula teke karha mei ka idogna na tifa ia eghu naꞌa ke uludi naiknore. Iara na eni igne ka naꞌa mala jateula namono nagou te theo kaisei naikno te au tagnara, ba jateula naikno te roi koꞌura eghu naꞌa.