Profet Jeremaea 51:1 - Buka Blahi Ka Cheke Holo

¹ Lord ne cheke eghu, “Iara ginauna kuru mei kaisei nuri biꞌo mala mei roꞌeni namono biꞌo Babilon baludi naikno te gnafa te au ke lamnagna.

Profet Jeremaea 51:1 ပူးပေါင်းရင်းမြစ်များ

Profet Emos 3:6

Jame te kufli kate posa mei magra ka namono na, ba, naiknore na theome mhaghu? Jame kaisei namono thoke mei tagna kaisei hoholo biꞌo, unha eghu te ghathoni ghotilo na? Lord neke theome kuru meini hoholo igne? Uve, cheke igre thofno tutuani fara!

Profet Hosia 13:15

Vikegna mae Ifreim igre la kmana fara salaꞌudi keha vike te gnafa Israel igre. Nu iara ginauna na kuru meini kaisei nuri biꞌo te brana fara funu ka namono nagou ke maghati. Eghuteuna khoꞌu seu igre ginauna na kafe krango. Eghuteuna nuri igne ginauna na hata tei nodi glepo te keli mae igre delei.

Mae Khuru 9:4

Mae Sol ne khoko soru pari ne nomhini kaisei naogla ne cheke eghu ka mana, “Sol, Sol! Naugna unha sagho te para ghau iara gnea?”

Profet Sekaraea 2:8

Ke leghu na, Lord mae ihei te au nolaghi fateote'o igne neke vahi ghau iara mala tei toutonu eigna nonomho igne ka kantri te goigonidi nogu naikno iara igre. Mana neke cheke eghu, “Iheire te goigoni ghami ghotilo nogu naikno iara igre, mare jateula te goigoni ni thofno famane nogu glepo iara ra eghu.

Profet Esikiel 19:12

Nu God ne diꞌatagna fara, eghuteuna mana rarathu ne koko soru ka glose na. Nuri brana gna ke maghati na ne ghaghafa mei eghuteuna fuꞌagna re khapra ne khoko pari. Gregegna re jaola ne gnagha, ne gnhubra ka khaꞌaghi.

Profet Jeremaea 50:33

Lord mae ihei te au nolaghi fateote'o igne ne cheke eghu, “Naikno di Israel nei Juda teu igre diꞌanagnafadi fara, naugna naoka mei ne athadi mare, eghuteuna theome snakredi te jifla te tei na.

Profet Jeremaea 50:29

Lord ne cheke eghu, “Ghotilo mae te lase fada ka phaloho ra, ghotilo tei magra Babilonia. Ghotilo bara ligohoni Babilonia mala theome tangomana kaisei naikno te rikha na. Ghotilo ke tughu fapulo unha teke edi mare ra. Uve, paradi si ghotilo jateula teke edi mare ka keha naikno ra eghu. Naugna mare ne phaꞌu maku fara ne theome leghu ghau iara Lord nodi God mae Israel te thofno blahi fara.

Profet Jeremaea 50:24

“Ghotilo naiknomi Babilonia! Iara tarabanahi kaisei phighoro mala fakhale ghami ghotilo, nu ghotilo theome laseni aheva te au phighoro igne. Uve, iara ginauna atha ghami ghotilo, naugna ghotilo ne figri tagru ghau iara.

Profet Jeremaea 50:21

Lord ne cheke eghu, “Ghotilo nodi naoka mae Babilonia ra! Ghotilo tei magra ka naikno gna nohi Merataem nei ka namono Pekod. Ghotilo ngolhidi mala kafe falehedi. Ghotilo mala edi gobigna lepo te chekedi iara ka ghotilo igre!

Profet Jeremaea 50:9

Iara ginauna chekedi kmana kantri te nheta ke raru are mala loku fodu mei magra mare Babilonia. Mare ginauna ofodi mae naoka igre mala magra, eghuteuna kate jifla mei mare funudi ke raru na, mare te gnafa na ginauna uluni Babilonia. Jata te gnafa te fada mare igre ginauna na theome jafra.

Profet Jeremaea 49:36

Iara ginauna kuru mei naoka funu ke raru, ke mata, ke maghati nei ke mosu mala mei roꞌedi mare. Igne ginauna mei jateula nuri biꞌo eghu ka mare. Eghuteuna nuri biꞌo igne ginauna pala tafridi mare tei ke raru, ke mata, ke maghati, nei ke mosu eghu ka nauthoglu igne.

Fapea Kings 19:7

Iagho thosei mhaghu! Iara ginauna figri gaoghathogna king gna Asiria na kate nomhini mana ripot igne mala ke pulo mana ka nogna kantri na. Eghuteuna mare ginauna aknu faleheni mana ka magra jare.”

Nodi Khoje Hatimare Mae Jiu 137:8

Ghotilo naiknomi Babilonia ra, God ginauna goigoni ghami ghotilo. Naikno teke tughu fapulo ka ghotilo unha teke eni ghotilo ka ghehati na, mare ginauna keli tadi fara. Mare ginauna na para ghami ghotilo eigna unha teke eni ghotilo ka ghehati na.

Profet Jeremaea 23:19

Fanomho fakeli ghotilo ia! Lord na thono diꞌatagna fara ka ihei te diꞌa fara puhi gna na. Eghuteuna papara nate kuru mei mana ka mare igne, ginauna na jateula thongna te malu ka saeklon ra eghu.

Profet Isaia 13:13

Iara Lord mae ihei te au nolaghi fateote'o igne, iara thono diꞌatagu fara, eghume iara ginauna fakakhana nogu nolaghi na. Ka narane tuana, iara ginauna fakheuni maloa igne, eghuteuna glose igne ginauna thugha tei kokoni vido mala augna na.

Profet Isaia 14:14

Iara ginauna haghe ke kligna khoveo, eghuteuna iara ginauna kaisei nanaba balugna God mae ihei te thofno haghe fara!’

Profet Isaia 21:1

Nonomho eigna kantri Babilonia igne mei ka iara. Lord neke cheke eghu eigna kantri Babilonia, “Puhi biꞌo ginauna kegra haghe ke mata ka namono aheva te mhaghuni fara naiknore. Puhi biꞌo igne ginauna mei jateula kaisei nuri blahi te mei fei namono nagou ra eghu.”

Profet Isaia 47:1

Lord neke cheke eghui, “Babilonia! Iagho fnakno fara jateula Kuin te gnokro ka nogna sape nafnakno na ia eghu. Nu gognarona iagho soru mei pari ka sape tuana mala gnokro ke kligna glose. Ulu lahu na iagho neke jateula kaisei gaꞌase majaghani te famane fara ra neku, eghuteuna thinigna na famane jemnu fara. Nu gognarona iagho theome eghu.

Profet Jeremaea 51:53

Neuba maegna ka namono igne ne babana gringni thina ne tei posa ka maloa ro, ba ne horo famaku vido mala porure, nu iara ginauna kurudi mae naokare mala tei goigoni vido igre.” Igne chekegna Lord.

Profet Jeremaea 51:60

Mae Jeremaea ne atha kaisei buka ne rioriso soru nogna cheke Lord eigna Babilonia nei puhi biꞌo nate thokedi mare ginauna.