Profet Jeremaea 5:9 - Buka Blahi Ka Cheke Holo

⁹ Ba, na theome para ghami iara edi glepo te diꞌa tuare neu si ghotilo ia? Theo, iara ginauna paradi fara nafnata naikno te jateula ghotilo teu igre.

Profet Jeremaea 5:9 ပူးပေါင်းရင်းမြစ်များ

Profet Jeremaea 9:9

Tore! Na theome para ghami iara eidi puhi te diꞌa te edi ghotilo igre neu si ghotilo ia? Theo, iara ginauna na para ghami ghotilo nafnata naikno igre.” Igne chekegna Lord.

Profet Jeremaea 5:29

Ba, na theome para ghami iara eidi glepo te diꞌa igre neu si ghotilo ia? Theo, iara na theome kokhonidi nafnata naikno jateula ghotilo teu igre. Theo fara.

Profet Nahum 1:2

Lord ngala God na, theo ihei nga, eghuteuna mana theome magnahagheni ihei ka nogna naiknore te tufru soru ka mumuju god. Mana diꞌatagna fara ka iheire te theome leghudi nogna cheke mana re. Naugna igne, mana ginauna paradi nafnata naikno igre.

Profet Hosia 8:13

Mare edi kmana fafara, nei ima nafnahi teke fafara igre. Nu iara Lord, theome gleale'adi fafara te edi mare igre. Eghuteuna gognarona iara ghathodi nakhibodi mare igre, eigna nakhibo te edi mare igre ginauna paradi mare. Eghuteuna iara ginauna nake hata fafigridi Ijep ka sosolo.

Profet Hosia 2:13

Iara ginauna parani naꞌa, naugna naꞌa ne ghatho iho ghau iara ne tei fafara ka mumuju Baal. Eghuteuna naꞌa lalaoni geghesugna nei khuligna teure ka ring baludi keha nafnata glepo te famane siasigla teke tufa mae iheire teke tei naꞌa baludire. Nu naꞌa ghatho iho ghau iara.” Igne chekegna Lord.

Profet Esikiel 7:9

Iara ginauna theome kokhoni ghami ghotilo, iara jaola na ginauna theome tangomana te fakarhi ghami ghotilo na. Iara ginauna nake tughu fapulo glepo te diꞌa teke edi ghotilo ra. “ ‘Mala laseni ghotilo te iara ngala Lord te para ghami ghotilo na.

Lamentations 4:22

Ghotilo naiknomi Jerusalem ra, noda naꞌau papara tahati ra ginauna hui. Lord ginauna theome snakre ghita te au fabrahu tahati ka kantri te khaba. Nu ghotilo naiknomi Idom ra, Lord ginauna para ghami ghotilo eidi nakhibomi ghotilo are, eghuteuna fakakhana najafra teke edi ghotilo ra eghu.

Profet Jeremaea 44:22

Diꞌatagna God na biꞌo fara eidi glepo te diꞌa fara te edi ghotilo ra. Naugna igne, mana neke thofno goigonidi fara nomi kantri ghotilore. Eghuteuna kantri igre gognarona theo kaisei naikno te au tadire. Eghuteuna, naiknore ginauna tibri ghami ghotilo mala thoke mei puhi biꞌo ka ghotilo.

Profet Jeremaea 23:2

Eghume, Lord nodi God mae Israel igne ginauna cheke eghu ka mae mala baubatu igre, “Ghotilo mae baubatu igre theome reireghi fakelidi nogu naikno iara re, nu ghotilo khi tafridi kolho. Naugna igne, iara ginauna na para ghami ghotilo eidi puhi te diꞌa te edi ghotilo igre.

Profet Isaia 1:24

Aonu nodi God mae Israel te rheta nei au nolaghi fateote'o teu igne neke cheke eghu, “Gognarona ghotilo nogu naoka iara, eghuteuna ghotilo ginauna theome ke eni kaisei puhi biꞌo ranghi ghau iara. Iara ginauna nake tughu fapulo ka ghotilo glepo te diꞌa teke edi ghotilo ka iara ra.

Diutronomi 32:43

“Ghotilo te gnafa klignara, ghotilo mala glealeꞌa balugna Lord. Ghotilo god te gnafa ra, ghotilo pogho soru ka mana. Lord ginauna nake tughu fapulo glehedi goro thugna mana ra. Nu ginauna mana hata fadelei nakhibodi nogna naiknore, eghuteuna nodi glose re ginauna na klino ka tathagna mana.”

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Levitikas 26:25

Iara ginauna snakreni magra biꞌo na mala roꞌeni nomi vido ghotilo na, mala para ghami ghotilo naugna ghotilo ne huhughuni nhaꞌa cheke teke eni iara balumi ghotilo ia. Eghuteuna jame te rikha te tei poru ghotilo ka vido keli ka nomi namonore, iara ginauna kuru ari thua nafnata fogra mala thoke ghami ghotilo, eghuteuna iara ginauna snakre lao ghami ghotilo ka khamedi nomi naoka ghotilo re.

Profet Isaia 57:6

Ghotilo sene thina salhu ka vido igne, aonu ghotilo pogho soru tagna jateula nomi god eghu. Ghotilo tofa waen ka thina igre, mala jateula nomi fafara eghu tadi, eghuteuna ghotilo jaola fafara gano ka thina igre. Ba, ne kelitagu iara te filodi glepo igre neu si ghotilo ia? Thono theo fara!

Profet Jeremaea 5:10

“Iara cheke ranghi ghami ghotilo mae naokara te mala haghe goigonidi nodi nagare grep naikno igre. Nu thosei goigoni fahui eghu. Kato koko gregedi gaju grep te gnafa are, naugna grege tuare theome nogu iara.

Profet Jeremaea 32:31

Kani teke funu eni gna mae kuꞌedi mae igre namono igne tifa na, iara neke diꞌatagu fara. Naugna igne te goigoni ni iara namono igne mala theome filoni iara.

Lamentations 3:42

“Ghehati tapla jafra ka nakhibo, eghuteuna ghehati theome keli ranghi nigho, nu iagho theome koko fadeleidi la ngau nakhibomi ghehati gre.

Levitikas 18:25

Nafnata puhidi mare igne fathonani glose na mala theome klino ka tathagu iara na, eghume iara na paradi naikno te au jare ra. Papara igne mala eni glose igne mala jateula mae ihei te rogna luꞌara eghu, eghume glose igne na luꞌa fajifladi naikno te au tagna re.

Proveb 6:29

Filo sagho, mae te thuru balugna khetogna keha mae na, papara biꞌo ginauna thokeni mana.

Profet Jeremaea 6:6

Lord mae ihei te au nolaghi fateote'o igne ne cheke eghu, “Ghotilo mae soldia ra kato soru gaju te au rhegna namono Jerusalem mala tothoghei balu thina nei glose eghu mala bligi mare te kegra te ruma lamna namono na. Ghotilo goigoni namono tuana, naugna naiknogna namono tuana ne faparidi fabrahu keha naiknore.

Profet Jeremaea 6:11

Iara gognarona jaola diꞌatagu fara ka mare, jateula teke diꞌatamu iagho, Lord, ka mare ra eghu. Eghume, iara theome tangomana te loku famaku ka nagnafagu na diꞌatagu igne.” Aonu Lord ne cheke eghu ka iara, “Iagho atha tei diꞌatagu iara igne mala toatofa ke klignadi goro sua te nolo tafri ka nabrou are, ba ka goro mae majaghani te khapru fodu teu, ba ka goro mae biꞌo nei khetodi, ba goro naikno biꞌo teu are mala kafe haimini te diꞌatagu iara na.

Profet Jeremaea 9:8

Glapidire jateula jata eghu fada falehedi kheradi thedire. Eghuteuna foflodire cheke famaemahe ka naiknore. Nu neuba, naikno igre ghaoghaho mala falehe naikno.