Profet Jeremaea 5:7 - Buka Blahi Ka Cheke Holo

⁷ Lord ne cheke eghu ka iheire te au ka namono Jerusalem, “Iara theome tangomana te atha fadelei nakhibomi ghotilore. Naugna ghotilo ne tiromi figri mei ka iara, eghuteuna ghotilo ne leghuni mumuju god te theo kaisei nakarha tagna igne. Neuba iara ne tusu ari gobigna lepo te magnahaghedi ghotilore, nu ghotilo jateula mae te huhughuni puhigna tholaghi na te tei ka sugagna thau vine na ia neu ne theome au balugu iara.

Profet Jeremaea 5:7 ပူးပေါင်းရင်းမြစ်များ

Galesia 4:8

Tifa, kani teke theome raꞌe lase fakelini teku God na, ghotilo neke sneka ka mumuju kolho.

Profet Jeremaea 2:11

Nodi god keha kantri igre theome god tutuani. Nu vike igre theome tughu nodi god re mala leghuni kaisei god majaghani kolho. Nu ghotilo nogu naikno iara igre tughu nomi god majaghani la tei koko ghau iara. Tore! God igre theome tangomana nate togho ghami ghotilo na!”

Josua 23:7

Ghotilo thosei fofodu baludi naikno bongihehe te au teu balumi ghotilo are. Eghuteuna ghotilo thosei tarai ka nanghadi nodi god mare tuare. Eghuteuna ghotilo thosei baubahu tadi ba loku ranghidi ba pogho soru ranghidi.

Diutronomi 32:21

Iara goghotu ka ghotilo, naugna ghotilo ne pogho soru ka god te theo nafudi kolho are. Iara diꞌatagu fara ka ghotilo, naugna ghotilo ne magnahagheidi mumuju blahi te theo nafudi are. Eghume iara ginauna chekedi naikno te theo nafudi kolho are mala famamaja ghami ghotilo. Eghuteuna iara ginauna eni igne mala diꞌatami ghotilo ka iheire te theo tadi kaisei gaoghatho te keli.

Profet Sefanaea 1:5

Iara ginauna koko sorudi pari iheire te haghe ke tagru suga te pogho soru ka naprai, nei ka glaba, nei ka nathunu. Naikno igre neke nhaꞌa cheke ka iara mala loku ranghi ghau iara neku, nu mare jaola nhaꞌa cheke mala loku ranghini mumuju god Molek.

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Profet Jeremaea 23:10

Kantri igne fodu ka naikno te theome ghatho tahuni Lord, mare jateula naikno te huhughuni puhigna tholaghi na ra eghu. Naugna igne, Lord ginauna tibrini glose igne mala theome karha kaisei gano tagna. Eghuteuna vido teke fodu ka buburu igre ginauna kafe gnhagha soru. Mae profet igre leghuni kolho puhi te diꞌa na, eghuteuna mare loku heta ka puhi te theome doglo.”

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Profet Jeremaea 12:16

Mare mala filo leghudi puhidi nogu naikno iara re. Tifa te mei na, mare neke farirhiudi nogu naikno iara re mala pogho soru ka god Baal, eghuteuna eni nodi nhaꞌa cheke na ka nanghagna Baal. Nu gognarona mare mala nhaꞌa cheke ka nanghagu iara Lord kolho.

Ululahu Korin 6:9

Ghotilo thofno laseni ihei te edi glepo te diꞌa igre ginauna theome thokeni u nakarha te funei frunini God na. Naikno igre te diꞌare: iheire te gnognoro, ba iheire te pogho soru ka mumuju, ba iheire te huhughuni vetula gna tholaghi, ba nalhaꞌu te ei puhi diꞌa fari nalhaꞌu, ba iheire te blau, ba iheire te mamagna, ba iheire te koꞌu te dranga, ba iheire te toutonu chaichaghidi keha naiknore, nei iheire te chaghi mala hata glepo ka keha naiknore. Eghume kheraguro, thosei snakreni ihei te mala chaghi ghami ghotilo eigna puhidi naikno te funei frunidi God re.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Emos 8:14

Iheire ka ghotilo te nhaꞌa cheke ka nanghagna nodi god maedi Samaria igre, te cheke eghu na, ‘Iara nhaꞌa cheke ka nanghagna mumuju god gna Dan’ ba cheke eghu, ‘Iara nhaꞌa cheke ka nanghagna mumuju god gna Bereseba teuna,’ mare ginauna mala kafe lehe.”

Profet Hosia 13:6

Nu kate hata glose mare te au tagna na, mare neke keli tadi, naugna iara neke tusu ranghidi kmana gano. Puhi igne te fahaehagheni fara mare te ghatho iho ghau iara fabrahu te ghilei mei posa gognarogne.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Profet Hosia 7:4

Eghuteuna gaoghatho te diꞌa na thofno brana fara jateula khaꞌaghi te nhako fahui namhata na ia eghu ka nagnafadire.

Profet Hosia 4:2

Ghotilo nhaꞌa cheke koba ka iara, nu ghotilo theome leghudi kolho nomi nhaꞌa cheke re eghu. Tore, ghotilo naikno chaichaghi fara, nei mala falehe naikno, nei mala blau, nei mala theome leghuni puhigna tholaghi na. Ghotilo theome leghudi nogu vetula iara re ne paradi koba naiknore.

Profet Esikiel 22:11

Eghuteuna kehare ei puhi diꞌa ka khetodi thabusidi thedi re, eghuteuna kehare ei puhi diꞌa ka thudi gaꞌase ivadire, ba ka greghadire, neuba greghagna igne ne thofno thugna kmadi na neu ngala.

Profet Jeremaea 9:2

Iara magnahaghei kaisei nogu suga mala faghaghafa ke lamna namono nagou. Eghuteuna iara ginauna rikhadi naikno te au ka suga igne. Naugna mare jateula naikno te huhughuni puhigna tholaghi na ia eghu tei kokoni God.

Profet Jeremaea 3:19

Lord ne cheke eghu, “Iara thofno magnahaghei ghami ghotilo teke figri mei jateula thofno thugu eghu iara. Eghuteuna iara ginauna snakre ari ka ghotilo vido glose te thofno keli fara te salaꞌudi vido glose te gnafa ka nauthoglu igne. Iara magnahaghei ghami ghotilo te kilo ghau iara mae kmami ghotilo mala theome tangomana ghotilo te tei koko ghau iara na.

Profet Jeremaea 2:31

“Ghotilo maemi Israel ra, fanomho ka nogna cheke Lord igne! “Iara neke theome tei koko ghami ghotilo ka namono nagou ia. Theo! Naugna unha si ghotilo ne snaglahi themi teu te tirodi leghu ghau iara gnea?

Nodi Khoje Hatimare Mae Jiu 50:18

Leuleghu fata na ghotilo fofodu ka mae te khuru blau are, nei au fodu baludi mae iheire te tolaghi pedo are eghu.

Levitikas 20:10

“Jame kaisei ka ghotilo tapla jafra ka khetogna keha mae na, ghotilo mala aknu falehedi repa.

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Fapea Kronikols 13:9

Eghuteuna ghotilo jaola khi fajifladi nogna pris Lord tharaknagna mae Eron ra, eghuteuna ghotilo jaola khi fajifladi hatimare mae Livaet. Gognarona ghotilo fablahi nomi pris themi nafnata puhi te edi mae bongihehe ra. Jame ihei hata te mei kaisei buluka nalhaꞌugna ba fitu sipu mala fafara, ghotilo ginauna tangomana te fablahini mana mala nogna pris god glepo te theo nafugna kolho na!

Profet Jeremaea 7:9

“ ‘Leuleghu fata na ghotilo blau, falehe naikno, theome leghuni puhigna tholaghi na, nei theome eni unha teke nhaꞌa chekeni ghotilo na. Eghuteuna ghotilo gahu insens ka god Baal, eghuteuna ghotilo tarai ka god teke theome lasedi ghotilo tifa.

Profet Jeremaea 16:11

Aonu iagho ginauna na cheke eghu ka mare, ‘Lord na neke cheke eghu: Kuꞌemi ghotilo tifa ra, mare neke figri tagru ghau iara, eghuteuna mare neke leghudi god te chaichaghi re neke pogho soru tadi. Uve, mare neke figri tagru ghau iara neke tirodi leghuni chekegu iara na.

Profet Jeremaea 16:20

Ba, naikno na tangomana te hohoro nogna god thegna na? Theo. Unha glepo te hohoro naikno na theome god tutuani.”

Lamentations 3:42

“Ghehati tapla jafra ka nakhibo, eghuteuna ghehati theome keli ranghi nigho, nu iagho theome koko fadeleidi la ngau nakhibomi ghehati gre.

Thoutonu Eigna Mae Job 31:12

Nafnata nakhibo te tapla jafra igne jateula khaꞌaghi biꞌo te nhako te tei thoke Gehena ia eghu. Eghuteuna tangomana te nhako fateo gobigna lepo te khotodi iara re.

Profet Jeremaea 3:8

Maedi Israel igre huhughuni puhigna tholaghi na ne tolaghi pedo. Aonu iara ne rioriso kaisei pepa te mala klisu tholaghi igne. Eghuteuna iara ne tusu lao ka naꞌa pepa igne ne khi teini naꞌa. Eghuteuna greghagna naꞌa mae Juda igne ne filoni igne, nu neuba, naꞌa theome mhaghu ne tirogna au balugu iara kolho. Iara jaola ne filo tathagu te tei tafri naꞌa te eni puhi vine na.

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.