Profet Jeremaea 5:6 - Buka Blahi Ka Cheke Holo

⁶ Naugna igne, Lord ginauna paradi mae igre. Mana ginauna na jateula kaisei lion te jifla mei funu mata ra eghu mei falehedi mare. Eghuteuna kaisei khuma mata ginauna mei funu ka namono nagou mala mei goigonidi mare. Kaisei khurau biꞌo ginauna ofou rhedi namono biꞌo igre malagna ihei te jifla mei ka namono tuana mala kina sasakani theo tokagna. Uve, Lord ginauna paradi mare, naugna nakhibodire kmana fara, eghuteuna kmana fata mare tei kokoni Lord.

Profet Jeremaea 5:6 ပူးပေါင်းရင်းမြစ်များ

Profet Sefanaea 3:3

Hatimare mae lida ka namono biꞌo Jerusalem, mare jateula lion te rofo te ku'e tafri ra eghu. Eghuteuna mae biꞌo ka namono igre, mare jateula khuma te rofo te ghamu fateo ghegna gano ra eghu. Eghuteuna theome lisei faleghu kaisei nhubra malagna keha narane na.

Profet Habaku 1:8

Nodi hosere umhu fara salaꞌuni khurau biꞌo te kiloi lepad. Kate magra na mae igre jateula khuma mata te rofo ra eghu glalama salaꞌui. Nodi hosere dadahai pari ka glose na, naugna mare magnahaghei te faghose tei. Eghuteuna maedi Babilonia igre jateula gaghata te tava te soru pari te mala hata ganora eghu theidi re. Eghuteuna mae soldia te saghe ka hose igre, mare chari mei funudi ka vido aheva te khaba mala mei goigonidi nodi naokare.

Profet Jeremaea 4:7

Mare ginauna na jateula lion te jifla mei ka nogna vido mala poru ra eghu. Mare na mei goigonidi fara nomi namono ghotilo igre. Eghuteuna theo kaisei naikno nate au teu ka namono igre na.

Profet Esikiel 22:27

Nodi mae funei te gnafa mare igre jateula khuma mata te kathu falehe glepo tautagu te kina sasaka eghuteuna ghamu teura eghu. Mare falehe naikno mala tangomana mare te hata nodi sileni naikno re te mala dedei na.

Thakle 13:2

Bosu te filoni iara tuana jateula lepad eghu fifilogna na. Eghuteuna ghahegnare jateula ghahe bea eghu. Eghuteuna foflogna na jateula foflo lion eghu. Aonu pholi biꞌo na ne tusu lao ka bosu na nogna nanheta na. Eghume naikno te gnafare ne leghudi phiamare.

Profet Hosia 5:14

Iara ginauna kafe goigonidi gnafa naiknodi phei kantri Israel ghe Juda. Jateula lion te kina sasaka te ghamu thinigna buluka biꞌo na ia eghu. Eghuteuna ginauna na theo kaisei naikno nate fakarhidi ka narane nate hata fajifladi iara ka phei kantri igre.

Profet Daniel 7:6

Kate filo teu iara na, iara ne filoni fatilo glepo na ne jifla mei. Glepo igne kaisei khurau biꞌo jateula lepad eghu, nu au fati baghi ka thagrugna na, jateula baghi nanghaji eghu. Glepo igne au fati phaꞌugna, eghuteuna au nolaghi te mala funei frunidi gobigna lepo fateote'o.

Profet Daniel 7:4

“Kaisei na jateula lion eghu, nu au phei baghigna jateula gaghata eghu. Eghuteuna kate filo teu iara na, kaisei mae mei ne hata koko phei baghi igre. Aonu mana pala haghe glepo igne ne fakegra haghe ka phei ghahegna te jateula ghahe naikno teu igre. Eghuteuna tusu lao gaoghatho tagna mala ghaoghatho jateula naikno eghu.

Profet Esikiel 23:19

Nu puhigna naꞌa te jateula thau vine teu igne la diꞌa la tei salaꞌuni narane kani gaꞌase majaghani au teku Ijep ia.

Profet Esikiel 16:25

Ka geri nabrou te gnafa igre, iagho neke ei namono mala edi nou glokure jateula vine eghu. Neuba iara ne togho nigho mala famane keli fara iagho filomu na neu, nu iagho goigoni nigho themu kolho ka puhi te tothora phei ghahemu are mala maladi mae iheire te gnafa te tei salaꞌu leghu nabrou are, mala mei thuru balumu iagho.

Lamentations 1:5

Lord ginauna lisa lao na au papara ke klignadi, naugna mare ne tapla jafra fabrahu ka nakhibo ranghini Mana. Naoka mei funei fruni au fakeli nodi. Neubane goro sua ikodi, naoka mei hata fajifladi ka nodi namono re.

Profet Jeremaea 49:19

“Naoka na ginauna mei jateula lion te jifla mei rhegna Khoꞌu biꞌo Jordan te mei ka vido te au sipu tagna ra eghu na megei nga mei. Eghuteuna naiknodi Idom ginauna rikha kokoni nodi kantri na. Aonu iara ginauna vavahi kaisei mae te magnahagheni iara na mala funei fruni ka kantri igne. Theo kaisei mae jateula iara teuna! Ihei gne tangomana nate tapla fapari ghau iara na? Thono theo fara. Eigna theo kaisei mae te funei fruni te au nogna nolaghi te mala tapla fapari ghau iara na.”

Profet Jeremaea 30:24

Diꞌa tagna Lord igne ginauna theome gnafa ghilei thoke mei narane te magnahagheni mana te mala gnafadi gobigna lepore. Ka narane leghu lahu na ghotilo naikno ra ginauna lase fakelini glepo igne.

Profet Jeremaea 30:14

Kherami ghotilore ghatho iho ghamihi ghotilo. Mare theome ghatho tahu ghami ghotilo gognarona. Iara para ghami ghotilo, jateula mae naoka te magri ghami ghotilo ra eghu. Papara te snakre mei iara igne ninhigrana fara, naugna nakhibomi ghotilore kmana fara, eghuteuna nabamiu ghotilo te papara na.

Profet Jeremaea 25:38

Lord kegra haghe na mei jateula lion te mei funu ka nogna vido mala poru ra eghu. Lord na kuru meidi mae naokare mala goigoni nodi namono mare na, naugna mana ne thono diꞌatagna fara ka mare.

Profet Jeremaea 14:7

Aonu naiknore na cheke eghu, “Lord, tutuani fara ghehati la figri tagru nighohi la edi kmana nakhibo ka tathamu iagho na. Nu kokhoni ghami nei togho ghami eghu mala fafnaknoni naiknore nanghamu iagho na. Tutuani kmana fata ghehati lisa koko nighohi, nei ei puhi diꞌa ranghi nigho.

Profet Jeremaea 2:19

Ghotilo tei koko ghau iara, eghume iara ginauna na snakre ghami ghotilo mala tei au fakhaba ka iara mala eni fabrahu ghotilo puhi te diꞌa na. Eghuteuna ghotilo ginauna na au papara fabrahu jare. Naugna igne, ghotilo ginauna filo glani puhi te tei koko ghau iara na, nei theome ghatho tahu ghau iara teuna. Igne thofno puhi diꞌa fara, naugna igne, ghotilo ginauna au papara.” Igne chekegna Lord God mae ihei te au nolaghi fateote'o.

Profet Jeremaea 2:17

Ghotilo faꞌeiꞌei puhi ne thoke ghami themi. Kate batu ghami iara ka puhi te doglo na, ghotilo tiromi leghu ghau iara nomi God.

Profet Jeremaea 2:15

Mae naoka igre jateula lion te rofo te ku'e fabiꞌora eghu. Mare goigonidi nei faghamu khaꞌaghidi eghu nomi namono ghotilo igre la theo kaisei naikno te au tadire. Eghuteuna mare jaola goigonidi fara nomi vido glose ghotilo igre.

Profet Isaia 59:12

“Lord, nakhibomi ghehati igre kmana fara ka tathamu iagho na, eghuteuna nakhibo igre fate ghami ghehati. Eghuteuna ghehati themi te lase fakelidire puhi te diꞌa nei nakhibo teu teke edi ghehati igre.

Nodi Khoje Hatimare Mae Jiu 104:20

Iagho neke faromnoni bongiro na, aonu thua nafnotu te tautagure jifla mei ka nodi vido te mala poru re.

Esra 10:10

Esra khegra ke uludi mare ne cheke eghu, “Ghotilo maemi Israel! Ghotilo theome fatutuani ni God! Ghotilo tolaghi ka gaꞌase bongihehedi delei, eghume tahati naiknoda Israel nabada te papara.

Esra 9:6

ne tarai eghu, “Nogu God! Iara thono mamaja nogu fara, iara theome tangomana te ghae haghe tathagu nei foflogu teu gre te mala ari posa ka iagho kligna na. Nakhibomi ghehati gre kmana fara, ghehati nabami te papara eidi nakhibo igre. Naugna nakhibomi ghehati igre la pagu la haghe salaꞌudi phaꞌumi ghehati gre la ghilei tei posa kligna.

Naba 32:14

“Nu ghotilo gne, jateula te magnahaghei edi ngala puhi te diꞌa teke edi mae kmami ghotilo tifara. Eghuteuna ghotilo gne magnahaghei te mala diꞌatagna fara Lord ka tahati!

Nodi Khoje Hatimare Mae Jiu 80:13

Mare mei tapla fapari ghami ghehati jateula bosu mata te tei ka kaisei nagare na te tapla goigonidi gano ra neu. Uve, mare mei goigoni ghami ghehati jateula glepo te mhaumhaghu te tei ka nagare na te goigoni fara ra neu.

Profet Jeremaea 8:5

Nu ghotilo naikno te au ka namono Jerusalem, ghotilo tei koko ghau iara, ghotilo tiromi teke figri mei ka iara na. Ghotilo fatutuanidi nomi chaichaghi themire neke tiromi pulo mei ka iara.

Profet Jeremaea 30:15

Tore, naugna unha si ghotilo te khuru chekedi thubumi grea? Thosei khuru chekedi glepo nate theome ke keli fapulo igre. Iara kuru ari papara ka ghotilo, naugna nakhibomi ghotilore kmana fara, eghuteuna ghotilo nabami fara te papara na.

Fapea Kronikols 36:14

Eghuteuna keha glepo na, nodi lida mae pris nei naiknore teu igre, mare leghuni puhidi naiknodi keha kantri te au faligohodi mare ra. Mare tarai nei tufru soru eghu ka keha god delei, eghuteuna mare goigoni nogna Sugablahi Lord teke fablahi mana Jerusalem.

Thoutonu Eigna Mae Job 10:16

Kate fariuriu fakakhana iara te doglo teu kolho na, iagho hiro ghau iara jateula kaisei mae te hiro lion eghu mala goigoni ghau iara.

Profet Isaia 1:23

Nomi mae mala baubatu ghotilo igre tirodi leghudi nogu cheke iara re, eghuteuna mare kheradi fofodu mae te blau. Leuleghu fata na mare magnahaghei sileni cheke famaemahe koba. Eghuteuna mare theome toghodi goro sua te glehe kokoi ba goro naikno biꞌo tela lehehi khetodi ra.

Profet Jeremaea 2:31

“Ghotilo maemi Israel ra, fanomho ka nogna cheke Lord igne! “Iara neke theome tei koko ghami ghotilo ka namono nagou ia. Theo! Naugna unha si ghotilo ne snaglahi themi teu te tirodi leghu ghau iara gnea?

Profet Jeremaea 8:7

Nanghaji te biꞌo ka maloa na are laseni narane ka finogha na, eghuteuna balhu nei keha nanghaji te ikodi teu igre jaola laseni nhigra te rifu na flalo tei delei. Nu ghotilo nogu naikno iara igre theome lasedi nogu vetula iara Lord teke tusu ari ka ghotilo ra.