Profet Jeremaea 5:5 - Buka Blahi Ka Cheke Holo

⁵ Eghume, iara ginauna tei filodi nodi lida mae igre mala toutonu baludi. Jau mare tangomana te lase fakelidi nogna puhi te doglo nei nogna vetula teu mana re. Nu gaoghathodi mae lida te gnafa igre kaisei nanaba kolho te mala tirodi leghuni nogna vetula Lord na, eghuteuna mare leghudi kolho nodi puhi thedi te diꞌare.

Profet Jeremaea 5:5 ပူးပေါင်းရင်းမြစ်များ

Profet Jeremaea 2:20

Lord ne cheke eghu, “Funu tifa te mei na, iara neke tei koko ghami ghotilo, eigna nakarha te diꞌa te eni ghotilo igne jateula naikno sneka eghu. Nu ghotilo tiromi te loku ranghi ghau iara na. Ghotilo tei koko ghauhi iara, eghuteuna gognarona ghotilo tarai tafri kolho ka keha god te chaichaghi igre ke kligna thogele nei ke pari gaju. Ghotilo jateula gaꞌase vine te tei kokoni khetogna na ia eghu.

Luku 19:14

“Nu naiknogna namono teke jifla kokoni mana igne ne theome magnahagheni mana. Aonu, mare ne kurudi keha mae ke leghugna mana mala tei cheke eghu, ‘Ghehati theome magnahaghei nigho te mala nomi king ghehati na!’

Luku 18:24

Mae Jisas filoni te diꞌanagnafa fara mana na ne cheke eghu, “Thono ninhigrana fara ranghidi mae te dedei gre te au baludi naikno te funei frunidi God re!

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Profet Maeka 3:11

Ghotilo mae mala fate gre snakredi naiknore mala famaemahe ghami ghotilo ka sileni. Ghotilo mae pris gre jaola farirhiudi kolho nogna vetula God mala taba. Eghuteuna profet ra jaola rurutha gaoghathodi mifi igre, nu mala sileni kolho. Nu leuleghu fata na, ghotilo gaoghathomi na Lord ginauna reireghi ghami ghotilo fabrahu. Eghuteuna ghotilo cheke eghu, “Lord na au baluda. Eghume ginauna na theo kaisei puhi biꞌo nate thoke ghita.”

Profet Emos 4:1

Ghotilo goro gaꞌasemi Samaria te dedei ra, fanomho ka cheke igre. Ghotilo gognarona blokha jateula buluka te ghamu buburu te blokha ra neu ne theome nanga nomi ni kaisei glepo. Ghotilo theome kokhonidi naikno te nigra, nei filo faparidi iheire te kuma. Ghotilo cheke eghu koba ka khetomire, “Hata mei kmana waen mala koꞌu thaviru nogu!”

Profet Jeremaea 6:13

Iheire te fnakno ba iheire te theome fnakno, mae igre kafe edi thua nafnata puhi te diꞌare mala atha nodi kmana sileni ka naiknore. Uve, neubane mae pris ba mae profet, mare chaichaghidi fara naiknore.

Eksodas 32:25

Moses filodi naiknore ne tei tafri kolho, naugna Eron neke theome fariuriu lhotidi naikno igre. Eghume ka tathadi nodi naokare mare mamaja nei thofno fameomekro eghu kolho.

Profet Jeremaea 9:3

Igne chekegna Lord: “Leuleghu fata na naikno igre jateula mae soldia te tarabana phaloho te mala fada falehe naikno ra eghu. Eghuteuna mare snakredi glapidire mala cheke chaichaghi jateula jata eghu. Naiknogna kantri igne theome cheke kate tutuani. Thono theo fara. Mare edi nafnata puhi te thono diꞌa fara igre, eghume mare theome tangomana te fatutuani ghau iara nodi God.

Profet Esikiel 11:2

Lord ne cheke eghu ka iara, “Maegna ka nauthoglu. Mae igre mare ghaoghaho mala edi keha puhi te diꞌa, eghuteuna tusu lao farirhiu te diꞌa ka naikno te gnafa ka namono igne.

Fapea Kronikols 36:14

Eghuteuna keha glepo na, nodi lida mae pris nei naiknore teu igre, mare leghuni puhidi naiknodi keha kantri te au faligohodi mare ra. Mare tarai nei tufru soru eghu ka keha god delei, eghuteuna mare goigoni nogna Sugablahi Lord teke fablahi mana Jerusalem.

Profet Isaia 1:23

Nomi mae mala baubatu ghotilo igre tirodi leghudi nogu cheke iara re, eghuteuna mare kheradi fofodu mae te blau. Leuleghu fata na mare magnahaghei sileni cheke famaemahe koba. Eghuteuna mare theome toghodi goro sua te glehe kokoi ba goro naikno biꞌo tela lehehi khetodi ra.

Profet Jeremaea 2:31

“Ghotilo maemi Israel ra, fanomho ka nogna cheke Lord igne! “Iara neke theome tei koko ghami ghotilo ka namono nagou ia. Theo! Naugna unha si ghotilo ne snaglahi themi teu te tirodi leghu ghau iara gnea?

Profet Jeremaea 8:7

Nanghaji te biꞌo ka maloa na are laseni narane ka finogha na, eghuteuna balhu nei keha nanghaji te ikodi teu igre jaola laseni nhigra te rifu na flalo tei delei. Nu ghotilo nogu naikno iara igre theome lasedi nogu vetula iara Lord teke tusu ari ka ghotilo ra.

Profet Jeremaea 30:14

Kherami ghotilore ghatho iho ghamihi ghotilo. Mare theome ghatho tahu ghami ghotilo gognarona. Iara para ghami ghotilo, jateula mae naoka te magri ghami ghotilo ra eghu. Papara te snakre mei iara igne ninhigrana fara, naugna nakhibomi ghotilore kmana fara, eghuteuna nabamiu ghotilo te papara na.

Profet Emos 6:1

Kokhoni ghami fara ghotilo naikno te au fakeli ka Thogele blahi Saion, nei naikno te au ka namono biꞌo Samaria. Te ghathoni ghotilo na, theo kaisei glepo nate goigoni ghami na eghu. Kokhoni ghami fara ghotilo mae funei te fnakno te au ka kantri Israel, eghuteuna naiknore mei hiro nodi thotogho ka ghotilo.