Profet Jeremaea 48:3 - Buka Blahi Ka Cheke Holo

³ Fanomho mei ka naogla te mei funu ka namono biꞌo Horonaem. Mare ginauna eha eghu fabiꞌo, ‘Puhi biꞌo thoke ghitahi tahati! Mare paꞌe soruhi gobigna lepo ka namono tuana, eghuteuna tahati ginau lehe!’

Profet Jeremaea 48:3 ပူးပေါင်းရင်းမြစ်များ

Profet Isaia 15:5

“Nu iara ne kokhoni nogudi fara naiknodi Moab igre. Naugna keha ka naikno igre rikha ne tei thoke ka namono Soa, eghuteuna keha naiknore ne tei posa ka namono Eglat-Selisia. Eghuteuna keha ka mare tanhi leghu brou ne haghe ka namono Luhit. Eghuteuna keha ka mare jaola tanhi rikha doglo ne tei ka namono Horonaem.

Profet Jeremaea 48:34

“Naogladi naikno te tanhi fabiꞌo ka namono Hesbon, Eleale nei Jahas tangomana te nomhi laodire. Eghuteuna naikno te au ka namono Soa, Horonaem, nei Eglat-Selisia jaola nomhidi. Eghuteuna khoꞌu ikoi Nimrim igne ginauna krango dofini.

Profet Jeremaea 48:5

Kate nolo te haghe te thoke ka gukhu te kiloi Luhit igne, naiknodi Moab igre ginauna tanhi leghu brou haghe. Eghuteuna kate soru namono Horonaem na, mare ginauna eha fabiꞌo mala toghodi.

Profet Jeremaea 47:2

Lord ne cheke eghu, “Filo sagho! Naoka na ginauna thugha mei ke raru jateula kaisei nabritha biꞌo eghu. Mare ginauna kafe thugha mei thafru kantri igne baludi naikno te au ke lamnadi namono igre. Naiknore ginauna eha fabiꞌo mala toghodi, eghuteuna iheire te au ka kantri igne ginauna tanhi fabiꞌo,

Profet Isaia 22:4

Eghume, te chekeni iara ka ghotilo na, ghotilo thosei fariuriu fameomegoni nagnafagu iara gne. Ghotilo lisa ghau iara mala tanhidi iara puhi te goigonidi mae naoka gre kherada tahati ra.

Profet Isaia 15:8

Tutuani, heva heva ka kantri igne, naiknore tangomana te nomhini te paopado fabiꞌo naiknodi Moab igre. Namono te au ke mata Eglaem, nei ke raru Ber-Elim teu igre tangomana te nomhini te paopado fabiꞌo naiknore.

Profet Isaia 15:2

Naikno ka namono Dibon igre tei ka vido mala tarai na mala diꞌanagnafa nei tanhi eghu. Naiknodi Moab igre tanhi fabiꞌo ke kligna thogele Nebo nei ka namono Medeba. Mare ghoighori phaꞌudi nei gremohodi teure, naugna mare ne thono diꞌanagnafadi fara.

Profet Jeremaea 20:16

Iara magnahaghei puhi biꞌo thokeni mae igne, jateula puhi biꞌo teke thokeni namono teke goigoni Lord ia eghu. Iara magnahagheni mae igne te nomhidi naikno te tanhi fei hamerane, eghuteuna hatimare mae naoka eha fabiꞌo fari hotei naublatha.

Profet Jeremaea 48:4

Kantri Moab gne ginauna thofno diꞌa fara, eghuteuna goro suare ginauna tanhi fabiꞌo.

Profet Jeremaea 51:54

Lord ne cheke eghu, “Naiknore ginauna nomhini naogla biꞌo eigna magra Babilonia, eghuteuna naoka igre mala goigonidi gobigna lepo ka kantri Babilonia.