Profet Jeremaea 45:3 - Buka Blahi Ka Cheke Holo

³ Naugna iagho neke cheke eghu, ‘Iara thofno diꞌa nagnafagu fara, naugna Lord ne ei puhi biꞌo ranghi ghau iara fabrahu! Iara gne la ghilei babaꞌo, naugna naꞌau papara te eni iara igne theome gnafa.’

Profet Jeremaea 45:3 ပူးပေါင်းရင်းမြစ်များ

Galesia 6:9

Eghume tahati thosei babaꞌo kate eni unha te keli na. Jame te theome lilisei tahati unha teke edire, tahati ginauna tangomana te hata glepo te keli teke kulu tarabanahi ka thofno narane gna na.

Fapea Korin 4:16

Naugna igne ghehati theome nigra ka gloku na. Neuba thinimi gre ne thoghei ne diꞌa nei nigra neu ne tei ngau, tharungamire majaghani fabrahu leuleghu narane.

Fapea Korin 4:1

God kokhoni ghami ghehati neke tusu mei gloku blahi igne, eghume ghehati theome tangomana te babaꞌo ka gloku igne na.

Fapea Tesalonika 3:13

Nu ghotilo kheraguro, thosei babaꞌo eigna te eni gloku te keli na.

Lamentations 3:32

Neuba mana ne para ghita, nu mana ginauna tangomana te kokhoni ghita nei keli ranghi ghita teuna, naugna mana ghatho tahu ghita fabrahu.

Lamentations 1:22

“Filo mei sagho ka puhidi naikno te diꞌa igre, paradi sagho, jateula iagho te para ghau iara eidi nakhibogu iara gre eghu. Iara tanhi gaoghathogu fara, eghuteuna nagnafagu na glaꞌe soru fara.”

Lamentations 1:13

“Mana kuru soru khaꞌaghi funu kligna ne gnhubra glamnagu iara na. Mana ne lilisei kaisei phighoro malagu iara, mala uka iara. Mana tei koko ghau iara, mala glaꞌe soru iara.

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Profet Jeremaea 8:18

Mae profet ne cheke eghu, “Iara diꞌanagnafagu fara la ghilei thofno glaꞌe soru gaoghathogu na.

Proveb 24:10

Jame te glaꞌe iagho kate thoke mei puhi biꞌo na, igne fagaglanagna te theome nheta kolho iagho na.

Nodi Khoje Hatimare Mae Jiu 120:5

Theome te keli ka iara naugna iara ne au ka vido igne. Naikno igre, mare thono diꞌa fara ne goigonidi keha naiknore.

Nodi Khoje Hatimare Mae Jiu 69:3

God, iara tore nigho koba mala togho ghau iara, la ghilei babaꞌo nogu fara, la ghilei khaprani thotomnogu gne. Iara filo ari ka iagho te mala togho ghau na, la ghilei kabru tathagure.

Nodi Khoje Hatimare Mae Jiu 27:13

Tutuani fara, iara laseni, iara ginauna karhau ghilei filoni Lord te fablahidi nogna naiknore.

Nodi Khoje Hatimare Mae Jiu 6:6

Iara eha la eha la ghilei glaꞌe soru nogu. Leuleghu bongi na iara tanhi nogu fabrahu kolho. Nogu sape na la ghilei bothu ka kholodi tathagure. Nogu kokhogu na la jaola la bothu ka kholodi tathagure.

Thoutonu Eigna Mae Job 23:2

“Gognarona iara na khuru chekeu ngala. Iara theome keli gaoghathogu fara, eghuteuna iara na theome tangomana te gnafa nogu natanhi na.

Profet Jeremaea 45:2

“Baruk, nodi God mae Israel igne na cheke ka iagho.

Nodi Khoje Hatimare Mae Jiu 6:7

Nogu naoka gre e fatanhi ghau iara fabrahu, la ghilei huge tathagure. Gognarona iara theome tangomana te fifilo na.