Profet Jeremaea 42:3 - Buka Blahi Ka Cheke Holo

³ Iagho toreni Lord nou God mala falalase ka tahati unha nabrou nate leghuni tahati na, nei unha te magnahaghei nei eni teu tahati na.”

Profet Jeremaea 42:3 ပူးပေါင်းရင်းမြစ်များ

Proveb 3:6

Ghathoni Lord ka gobigna lepo fateote'o, eghuteuna mana ginauna fadoglini nou nabrou iagho na.

Nodi Khoje Hatimare Mae Jiu 86:11

Lord God, farirhiu mei ghau glepo te magnahaghedi iagho te mala edi iara re, mala leghudi iara thofno chekemu iagho re. Uve, togho ghau iara sagho mala thofno keli tagu iara te mala ghatho tahu nigho na.

Profet Maeka 4:2

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla mei Jerusalem, eghuteuna mana ginauna farirhiudi naiknore puhigna mana heva heva.

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!

Esra 8:21

Kate au teu ghehati ka gerigna khoꞌu biꞌo Ahava igne, iara ne cheke ka mae iheire te khapru teu ka vido igne mala thosei ghamu nei nhaꞌa fapari ghami themi ke ulugna God. Eghuteuna ghehati toreni mana mala batu ghami ka nabrou na nei reireghi fakelidi thumi nei nomi gobigna lepore.

Profet Isaia 2:3

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla Jerusalem, eghuteuna mana ginauna farirhiudi naiknore heva heva ka puhigna mana na.

Ululahu Kings 8:36

Jame te eghuna, neuba iagho ne au neu kligna, fanomho mei ka nodi tharai naikno gre. Hata fadelei nakhibodi nou naikno Israel igre. Farirhiudi ka puhi te doglo, eghuteuna snakre mei nakhete ka vido glose teke tusu lao iagho ka nou naiknore mala au fabrahu tagna.

Diutronomi 5:29

Filo sagho, jame au fabrahu ka mare gaoghatho igne meuna, ginauna thofno keli fara. Iara magnahaghedi fara mare te ghatho tahu ghau iara fabrahu eghuteuna leghudi nogu vetula iara re. Naugna jame te eni mare na, nakarhadi mare nei thudire teure ginauna thofno keli fabrahu.

Diutronomi 5:26

Ba, kaisei naikno neke nomhini naoglagna God mae ihei te karha te tifa igne neke cheke mei ke lamna khaꞌaghi jateula te nomhini ghehati igne neku, mana karhau gognarona?

Nodi Khoje Hatimare Mae Jiu 27:11

Lord, farirhiu ghau puhimu iagho na eghuteuna iara ginauna na leghu nigho iagho. Bara fothi ghau, naugna nogu naoka iara gre kmana fara.