Profet Jeremaea 41:8 - Buka Blahi Ka Cheke Holo

⁸ Nabotho mae igre ne cheke eghu ka mae Ismael, “Iagho thosei aknu falehe ghami ghehati! Ghehati au keha wit, bali, oliv oel, nei jurukuli.” Kate nomhini igne, mae Ismael ne theome aknu falehedi mare, nu mana ne snakre teidi mare.

Profet Jeremaea 41:8 ပူးပေါင်းရင်းမြစ်များ

Proveb 13:8

Glahu keha mae huhuruni mae te dedei na mala folini nakarhagna thegna na. Nu mae te kuma na theome thokeni nafnata puhi biꞌo igne.

Thoutonu Eigna Mae Job 2:4

Nu Satan ne cheke eghu, “Naikno na tangomana te lilisei nogna gobigna lepore mala fakarhini thegna.

Matiu 16:26

Jame kaisei mae khotodi gobigna lepo fateo kau nauthoglu igne, eghuteuna lisa laoni thofno nakarhagna na teuna, ba gobigna lepo fateo igre ginauna na toghoni mana? Thono theo fara! Nu unha gne nate tusu lao mana mala teke hata fapuloni nakarhagna na? Thono theo fara!

Matiu 6:25

Mae Jisas ne cheke eghu, “Naugna igne te chekeni iara ka ghotilo na, thosei nanga nomi eigna gano ba eigna khoꞌu te mala karha teu ghotilo na, ba eigna pohe maladi thinimi are. Naugna karha na glepo ke ulugna ganoi, nu thini na glepo ke ulugna pohei.

Profet Isaia 45:3

Iara ginauna tusu ari ka iagho glepo te keli teke pophoru mare lamna vido te romno are mala tangomana iagho te laseni puhigu iara Lord, nodi God mae Israel. Eghuteuna iara na kiloni nanghamu iagho na mala mei.

Profet Jeremaea 41:9

Khora khoꞌu aheva te koko soru mae Ismael thinidi mae igre thono biꞌo fara. Khora igne neke dokha mae King Asa tifa mala fodu khoꞌu kani teke mei mae king Basa gna Israel teke magra ka mana na. Nu mae Ismael neke fafodu khora khoꞌu igne ka thinidi mae te lehe.