Profet Jeremaea 41:10 - Buka Blahi Ka Cheke Holo

¹⁰ Thugna gaꞌase king nei keha naiknodi Mispa eghu teke lisei soru mae Nebusaradan mae funeidi nogna armi mae king gna Babilonia ke parigna nogna nolaghi mae Gedalaea igre ne kafe atha mae Ismael ne tei balugna ka kantri Amon.

Profet Jeremaea 41:10 ပူးပေါင်းရင်းမြစ်များ

Profet Jeremaea 40:14

Mare ne cheke eghu ka mana, “Gavana, King Balis gna Amon igne mana neke kuruni mae Ismael thugna mae Netanaea mala mei falehe nigho iagho. Iagho nomhini igne, ba theo?” Nu mae Gedalaea ne theome fatutuani ni cheke igne.

Profet Jeremaea 40:7

King gna Babilonia igne ne vahini mae Gedalaea, thugna mae Ahikam mala gavana gna Juda. Eghuteuna mana mala jaola reireghidi nalhaꞌu nei gaꞌase nei goro sua eghu te kuma fara teke theome atha teke tei mare Babilonia. Keha mae soldiadi Juda baludi hatimare nodi mae ofisa teke au faleghu teku igre ne nomhini eigna mae Gedalaea.

Nehemaea 2:19

Nu kate nomhini mae Sanbalat maegna Bet-Horon, nei mae Tobaea maegna Amon, nei mae Gesem maegna Arebia eigna glepo igne, thilo mae igre maꞌe ghami ghehati fara ne cheke eghu, “Ei! Unha site ghathoni mala eni teu ghotilo gnea? Ba, ghotilo magnahaghei te magra ka king sia?”

Nehemaea 2:10

Nu mae Sanbalat maegna ka namono Bet-Horon ghe mae Tobaea, maegna ka namono Amon, phei mae biꞌogna provins. Kate nomhini phiamare nonomho te mei iara te mala toghodi naiknodi Israel teuna, phei mare ne diꞌatadi fara.

Profet Jeremaea 39:6

Jare Ribla King Nebukadnesa ne aknu falehe thugna mae Sedekaea re baludi hatimare mae biꞌodi Juda kate filo teu mana na.

Profet Jeremaea 22:30

Lord ne cheke eghu, Ghotilo rioriso thoutonu eigna mae igne. Mae igne jateula mae te theo thugna ra eghu. Eghuteuna mana ginauna na theome eni kaisei glepo te keli ka nakarhagna na. Naugna theo kaisei ka vikegna mae igne nate ke tughuni mana mala teke gnokro ka nogna sape nafnakno mae king Devet te mala funei fruni ka kantri Juda.”

Profet Jeremaea 38:23

“Khetomu nei thumu teu iaghore ginauna atha mae naoka mala lisa lao ka khamedi mae Babilonia. Eghuteuna iagho ginauna na jaola theome tangomana nate rikhadi mare na. King gna Babilonia ginauna loki nigho iagho, eghuteuna namono igne baludi gobigna lepo te au ke lamnagna igre ginauna gnhubra dofi lue'di.”